ភ្ជាប់​ទៅ​គេហទំព័រ​ទាក់ទង

លោក អូបាម៉ា និង​អាស៊ាន ស្វះស្វែង​ «ជំរុញ​ឲ្យ​មាន​សណ្តាប់​ធ្នាប់​ក្នុង​តំបន់»


លោក​ប្រធានាធិបតី​ បារ៉ាក់​ អូបាម៉ា​ (កណ្តាល) បើក​សៀវភៅ​របស់​លោក​មុន​ពេល​ថ្លែង​ពីចំណាប់​អារម្មណ៍​ក្នុង​កិច្ច​ប្រជុំ​កំពូល​អាស៊ាន កាល​ពីថ្ងៃទី​១៥ ខែ​កុម្ភៈ ឆ្នាំ២០១៦។

ប្រធានាធិបតី​អាមេរិក លោក បារ៉ាក់​ អូបាម៉ា​ មាន​ប្រសាសន៍​ថា​សហរដ្ឋ​អាមេរិក ​និង​សមាជិក​ទាំង​១០​នៃ​សមាគម​ប្រជាជាតិ​អាស៊ីអាគ្នេយ៍​ឬ​អាស៊ាន អាច​រួម​គ្នា «ជំរុញ​ឲ្យ​មាន​សណ្ដាប់​ធ្នាប់​ក្នុង​តំបន់​មួយ​ ដែល​ប្រជាជាតិ​ទាំង​អស់ត្រូវ​គោរព​តាម​បទបញ្ញត្តិ​ដូច​គ្នា»។

ថ្លែង​កាល​ពី​ថ្ងៃ​ចន្ទ​នៅ​ពេល​បើក​កិច្ច​ប្រជុំ​កំពូល​អាស៊ាន ដែល​សហរដ្ឋ​អាមេរិក​ទទួល​ធ្វើ​ជា​ម្ចាស់ផ្ទះ​ជា​លើក​ដំបូង​នៅ​ទីក្រុង​ Rancho Mirage ក្នុង​រដ្ឋ​កាលីហ្វ័រញ៉ា​នោះ លោក​ អូបាម៉ា មាន​ប្រសាសន៍​ថា អាស៊ាន​គឺ​ជា«ស្នូល»នៃ​សន្តិភាព​និង​វឌ្ឍនភាព​នៅ​ក្នុង​តំបន់​អាស៊ីអាគ្នេយ៍។

ក្នុង​អំឡុង​កិច្ច​ប្រជុំ​រយៈពេល​២ថ្ងៃ​ក្នុង​កិច្ចប្រជុំ​គ្នា​ជា​ប្រវត្តិសាស្ត្រ​នៅ​ឯ​កន្លែង​លំហែកាយ ​Sunnylands ​ដ៏​គួរ​ឲ្យ​គយ​គន់​នោះ ​ក្រុម​មេដឹកនាំ​ទាំង​នេះ​ត្រូវ​បាន​គេ​រំពឹង​ថា នឹង​ប្រឹងប្រែង​បង្កើត​គោលការណ៍​មួយ​ចំនួន «ដែល​តម្រូវ​ឲ្យ​មាន​ការ​គោរព​បទបញ្ញត្តិ​និង​បែប​បទ​អន្តរជាតិ រួមទាំង​សេរីភាព​នៃ​ការ​ធ្វើ​នាវាចរណ៍ និង​ការ​ដោះស្រាយ​ជម្លោះ​តាម​ផ្លូវ​ច្បាប់​ ដោយ​សន្តិវិធីផង​ដែរ»។ នេះ​បើ​យោង​តាម​ប្រសាសន៍​របស់​លោក អូបាម៉ា។

សេតវិមាន​មើល​ឃើញ​តួនាទី​ដឹកនាំ​របស់​សហរដ្ឋ​អាមេរិក​ និង​ការ​ចូល​ប្រឡូក​របស់​ប្រទេស​នេះ​ទៅក្នុង​តំបន់​អាស៊ាន​ ថា​មាន​សារៈសំខាន់​ចំពោះ​វឌ្ឍនភាព​នៅពេល​អនាគត​របស់​សហរដ្ឋអាមេរិក ហើយ​ក៏​ជា​ការត​ទល់​ដ៏​សំខាន់​ដើម្បី​ធ្វើ​ឲ្យ​មាន​លំនឹង​ជាមួយ​ឥទ្ធិពល​របស់​ចិន​នៅ​ក្នុង​តំបន់​នោះ​ផង​ដែរ។

ប្រទេស​ជា​សមាជិក​អាស៊ាន ​រួម​មាន​ ឥណ្ឌូណេស៊ី ​ម៉ាឡេស៊ី​ ហ្វីលីពីន ​សិង្ហបុរី ​ថៃ ប្រ៊ុយណេ​ វៀតណាម​ ឡាវ​ មីយ៉ាន់ម៉ា​ និង​កម្ពុជា៕

XS
SM
MD
LG