ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កូរ៉េខាងជើងដោះលែង​និស្សិត​អូស្រា្តលី ​បន្ទាប់​ពី​ជាប់ឃុំ​ជាង​មួយ​សប្តាហ៍


និស្សិតជនជាតិ​អូស្រ្តាលី​លោក Alek Sigley នៅ​ពេល​មកដល់​ព្រលានយន្តហោះ​នៅ​ក្រុង​ប៉េកាំង​នៅ​ថ្ងៃ​ព្រហស្បតិ៍ ទី​០៤ ខែ​កក្កដា ឆ្នាំ​២០១៩។

លោក Alek Sigley វ័យ ២៩ឆ្នាំ ​ដែល​កំពុង​សិក្សា​និង​រស់នៅ​ក្នុង​ក្រុងព្យុងយ៉ាង បាន​បាត់​ខ្លួន​កាល​ពី​ថ្ងៃទី២៥​ខែមិថុនា។

នាយក​រដ្ឋមន្រ្តី​អូស្រា្តលី​លោក Scott Morrison បាន​ថ្លែង​នៅ​ចំពោះ​មុខ​សមាជិកសភា នៅក្នុង​សម័យ​ប្រជុំ​សភា​នៅ​ថ្ងៃព្រហស្បតិ៍​នេះ​ថា​ និសិ្សត​ឈ្មោះ Alek Sigley ត្រូវ​បាន​ដោះលែង​ឲ្យ​មាន​សេរីភាព​ និង​មាន​សុវត្ថិភាព​ហើយ។

លោក Sigley បាន​ប្រាប់​ក្រុមអ្នកសារព័ត៌មាន​នៅពេល​លោក​ធ្វើ​ដំណើរ​មក​ដល់​ព្រលាន​យន្តហោះ​ក្នុង​ទីក្រុងប៉េកាំង​នៅព្រឹក​ថ្ងៃព្រហស្បតិ៍​នេះ​ថា «ខ្ញុំ​សុខសប្បាយ​ជា​ទេ ​ហើយ​ខ្ញុំ​មាន​សុខភាព​ល្អ​ជា​ធម្មតា»។ ប៉ុន្តែ​លោក​មិន​បាន​ឆ្លើយ​ទៅ​នឹង​សំណួរ​អំពី​ការចាប់​ខ្លួន​លោក​ទេ។

ឳពុក​របស់​លោក​ឈ្មោះ Gary បាន​ប្រាប់​ក្រុម​អ្នកសារព័ត៌មាន​នៅ​ទីក្រុង Perth​ ដែល​ជា​ស្រុក​របស់​លោក​ថា Alek នឹង​ធ្វើ​ដំណើរ​បន្ត​ទៅ​ទីក្រុងតូក្យូ​ ដើម្បី​ជួបជុំ​ជាមួយ​នឹង​ភរិយា​របស់​លោក ។ នេះ​បើយោង​តាម​សារព័ត៌មាន​ជាតិ Yuka Morinagaរបស់​ជប៉ុន។

លោក Alek Sigley វ័យ ២៩ឆ្នាំ ​ដែល​កំពុង​សិក្សា​និង​រស់នៅ​ក្នុង​ក្រុងព្យុងយ៉ាង បាន​បាត់​ខ្លួន​កាល​ពី​ថ្ងៃទី២៥​ខែមិថុនា។ ក្រុមគ្រួសារ​របស់​លោក​បាន​ចាប់ផ្តើម​សង្ស័យ​នៅ​ពេល​ដែល​ពួកគេ​មិន​ឃើញ​ការបង្ហោះសារ​ថ្មីៗ​នៅលើ​គណនី​បណ្តាញសង្គម​របស់​លោក ដែល​ជា​ធម្មតា​លោក​តែងតែ​បង្ហោះ​រូបថត​ និង​សារ​ជាច្រើន​អំពី​ជីវិតរស់នៅ​ប្រចាំថ្ងៃក្នុង​របប​អាថ៌កំបាំង​នេះ​។

ស្ថានទូត​ស៊ុយអ៊ែត​បាន​លើក​យក​ករណី​ចាប់ខ្លួន​លោក Alek Sigley មក​ពិភាក្សា​ជាមួយ​នឹង​ក្រុម​មន្រ្តីកូរ៉េខាងជើង​កាល​ពី​ថ្ងៃពុធ​ ដោយសារ​រដ្ឋាភិបាល​ក្រុងកង់ប៊េរ៉ា​ គ្មាន​ទំនាក់​ទំនង​ការទូត​ជាមួយ​នឹង​រដ្ឋាភិបាល​ក្រុងព្យូងយ៉ាង​។ លោក នាយករដ្ឋមន្រ្តី Morrison​ បាន​ថ្លែងអំណរគុណ​ដល់​ប្រទេសស៊ុយអ៊ែត​ ដែល​បាន​ជួយរក្សាសន្តិសុខ​ដល់​ការដោះលែង​លោក Alek Sigley៕

XS
SM
MD
LG