មេដឹកនាំនៃប្រទេសកូរ៉េខាងជើងបានបណ្តេញរដ្ឋមន្ត្រីក្រសួងសន្តិសុខជាតិដោយចោទប្រកាន់ពីបទពុករលួយ ការរំលោភអំណាច និងការរំលោភសិទ្ធិមនុស្ស ដែលក្រសួងនេះប្រព្រឹត្ត។ នេះបើតាមការបញ្ជាក់របស់រដ្ឋមន្ត្រីក្រសួងបង្រួបបង្រួមជាតិរបស់ប្រទេសកូរ៉េខាងត្បូង។
ប្រទេសកូរ៉េខាងត្បូងបាននិយាយនៅថ្ងៃសុក្រនេះថា លោក Kim Jong Un បានបណ្តេញរដ្ឋមន្ត្រីដ៏សំខាន់ឈ្មោះ Kim Won Hong តាំងពីពាក់កណ្តាលខែមករាមក។
មន្ត្រីម្នាក់នៃក្រសួងបង្រួបបង្រួមកូរ៉េបាននិយាយថា ការបណ្តេញប្រធានចារកម្មភ្លាមៗដូចនេះអាចធ្វើឱ្យអស្ថិរភាពនៅកូរ៉េខាងជើងកាន់តែកើនឡើងដោយសារតែការអន្ទះសារក្នុងអារម្មណ៍ក្នុងចំណោមក្រុមពួកថ្នាក់ដឹកនាំ។
គេនៅមិនទាន់ដឹងច្បាស់នៅឡើយទេថាតើលោក Kim Won Hong នឹងត្រូវគេហាមជាអចិន្ត្រៃយ៍មិនឱ្យចូលក្នុងចំណោមក្រុមថ្នាក់ដឹកនាំទៀតឬយ៉ាងណា។
លោក Kim Jong Un បានដកចេញ និងសម្លាប់មន្ត្រីរដ្ឋាភិបាលជាន់ខ្ពស់ជាច្រើនក្នុងនោះមានទាំងឱពុកមាមួយរូបចាប់តាំងពីលោកចូលកាន់តំណែង៕
