ភ្ជាប់​ទៅ​គេហទំព័រ​ទាក់ទង

គណបក្ស​ Likud របស់​លោក​ Netanyahu ឈ្នះ​ការ​បោះ​ឆ្នោត​សភា​អ៊ីស្រាអែល


នាយករដ្ឋ​មន្រ្តី​ Netanyahu គ្រវី​ដៃ​ទៅ​កាន់​អ្នក​គាំ​ទ្រ​ នៅ​ឯ​ទីស្នាក់ការ​កណ្តាល​គណបក្ស​របស់​លោក​នៅ​ក្នុង​ទីក្រុង​ Aviv កាល​ពី​ថ្ងៃ​ទី​១៨​ ខែ​មីនា​ ឆ្នាំ​២០១៥។

លោក​នាយក​រដ្ឋមន្រ្តី​អ៊ីស្រាអែល​ Benjamin​ Netanyahu​ បាន​ថ្លែង​នៅ​ថ្ងៃ​ពុធ​នេះ​ថា​ លោក​មាន​គោល​បំណង​បង្កើត​រដ្ឋាភិបាល​មួយ​ក្នុង​ពេល​ ២​ ទៅ​ ៣​ សប្តាហ៍​ខាង​មុខ​នេះ​ ដែល​នឹង​ផ្តល់​ជូន​លោក​នូវ​អាណត្តិ​ទី​បួន​ជា​នាយក​រដ្ឋមន្រ្តី​ បន្ទាប់​ពី​គណបក្ស​អភិរក្ស​ Likud​ របស់​លោក​បាន​ឈ្នះ​ការ​បោះ​ឆ្នោត​សភា​ក្នុង​ប្រទេស​ អ៊ីស្រាអែល។​

នៅ​ពេល​រាប់​សន្លឹក​ឆ្នោត​ជិត​ស្ទើរ​តែទាំង​អស់​ទៅ​ហើយ​នោះ​ គណបក្ស​ Likud​ បាន​ឈ្នះ​ ៣០​ អសនៈ​លើ​គណបក្ស​ជំទាស់​ធំ​ជាង​គេ​ Zionist​ Union​ ដែល​បាន​ទទួល​ ២៤​ អសនៈ។

សេចក្តី​ថ្លែង​មួយ​របស់​ការិយាល័យ​លោក​ Netanyahu​ បាន​និយាយ​ថា​ លោក​បាន​ទាក់ទង​ជា​មួយ​គណបក្ស​តូចៗ​ជា​ស្រេច​ហើយ​ ដើម្បី​បង្កើត​រដ្ឋាភិបាល​ចម្រុះ​មួយ​ដែល​ត្រូវការ​អសនៈ​ ៦១​ ដើម្បី​ឲ្យ​លោក​ដឹកនាំ​រដ្ឋាភិបាល។​ ក្នុង​នោះ​មាន​គណបក្ស​សំខាន់​មួយ​គឺ​គណបក្ស​និយម​ផ្លូវ​កណ្តាល​ Kulanu​ ដែល​បាន​ឈ្នះ​ ១០​ អសនៈ​នៅ​ក្នុង​ការ​បោះ​ឆ្នោត​កាល​ពី​ថ្ងៃ​អង្គារ​នេះ។​

ប្រធាន​គណបក្ស​ Zionist Union​ លោក​ Isaac​ Herzog​ បាន​សារភាព​ទទួល​បរាជ័យ​ ហើយ​ថ្លែង​ថា​ លោក​បាន​ថ្លែង​ការអបអរ​លោក​ Netanyahu​ តាម​ទូរស័ព្ទ។​ លោក​ Herzog​ បាន​ថ្លែង​ប្រាប់​អ្នក​សារព័ត៌មាន​ថា​ គណបក្ស​លោក​នឹង​បន្ត​ធ្វើ​ការ​បំរើ​ប្រជាពលរដ្ឋ​អ៊ីស្រាអែល​ត​ទៅ​ទៀត​ក្នុង​ឋានៈ​ជា​សមាជិក​គណបក្ស​ប្រឆាំង​មួយ៕

XS
SM
MD
LG