ភ្ជាប់​ទៅ​គេហទំព័រ​ទាក់ទង

logo-print
ព័ត៌មាន​​ថ្មី

ការ​សិក្សា​ថ្មី​បង្ហាញ​ថា​ អ្នក​ជំងឺ​កូវីដ១៩​​ជិត​២៥% ក្នុង​សហរដ្ឋ​អាមេរិក​ មាន​​រោគសញ្ញា​កូវីដ​រយៈពេល​យូរ​អង្វែង


រូបឯកសារ៖ ពលរដ្ឋ​អាមេរិក​ត្រូវ​បាន​គ្រូពេទ្យ​ត្រួតពិនិត្យ​កម្ដៅ​ក្នុង​ខ្លួន មុន​នឹង​ទទួល​វ៉ាក់សាំង​បង្ការ​ជំងឺ​កូវីដ១៩ នៅ​សារមន្ទីរ​ Natural History ក្នុងស​ង្កាត់ Manhattan ទីក្រុង​ញូវយ៉ក សហរដ្ឋ​អាមេរិក ថ្ងៃទី១៤ ខែឧសភា ឆ្នាំ២០២១។

ការ​សិក្សា​ថ្មី​មួយ​នៅក្នុង​សហរដ្ឋ​អាមេរិក​បង្ហាញ​ឲ្យ​ដឹង​ថា អ្នក​ជំងឺ​កូវីដ​១៩ជិត​២៥%​នៅក្នុង​ប្រទេស​នេះ​ មាន​បញ្ហា​សុខភាព​ថ្មី​ផ្សេងៗ​ទៀត​ បន្ទាប់​ពី​ការ​ពិនិត្យ​សុខភាពជា​លើក​ដំបូង​មក។

អង្គការ​មិន​រក​ប្រាក់កម្រៃ​មួយ​ឈ្មោះ FAIR Health បាន​វិភាគ​ទៅ​លើ​សំណង​ទាម​ទារធានារ៉ាប់រង​សុខភាព​របស់មនុស្ស​ប្រមាណ​ជិត​២លាននាក់​ ក្នុង​រយៈពេល​ពី​ខែ​កុម្ភៈ ឆ្នាំ​២០២០​រហូត​មក​ដល់​ខែ​កុម្ភៈ​ឆ្នាំ​នេះ។ ការ​សិក្សា​រក​ឃើញ​ថា អ្នក​កើតជំងឺ​កូវីដ១៩ «រយៈ​ពេល​យូរ​អង្វែង»​ មាន​បញ្ហា​សុខភាព​ថ្មីៗជា​ច្រើន​ ដូច​ជា​ការ​ឈឺចាប់​ក្នុង​ខ្លួន​ ការពិបាក​ដក​ដង្ហើម​ សម្ពាធ​ឈាម​ឡើង​ខ្ពស់ សារធាតុ​ខ្លាញ់​ក្នុង​ឈាម​ឡើង​ខ្ពស់​ និង​ការអស់​កម្លាំង​ជា​ដើម។

ជំងឺ​ថ្មីៗ​នេះ​ កើត​មាន​ទៅ​លើ​អ្នក​ជំងឺ​គ្រប់វ័យ​ទាំង​អស់​ដោយ​រួម​ទាំង​កុមារ​ផង​ដែរ​ ក៏​ដូច​ជា​អ្នក​ជំងឺ​មួយ​ចំនួន​ដែល​មិន​ចេញ​រោគ​សញ្ញាផង​ដែរ។ ការ​សិក្សា​បង្ហាញ​ថា អ្នក​ជំងឺ​កូវីដ​១៩ដែល​មិន​ចេញ​រោគ​សញ្ញា​ មានរោគសញ្ញា​កូវីដ​រយៈ​ពេលយូរអង្វែង​ ដោយ​កើន​ចំនួនដល់​២៧%​ នៃ​អ្នក​ដែល​មាន​រោគ​សញ្ញា​ធម្មតា​ ប៉ុន្តែ​មិន​ចូល​ព្យាបាល​នោះ​ទេ​ ហើយ​៥០%​នៃ​អ្នក​ទាំង​នោះ ​ទទួល​ការព្យាបាល។

ជំងឺ​ផ្សេងៗ​ទៀត​ ដែល​រក​ឃើញក្នុង​ការ​សិក្សា​នោះ​ក៏​រួម​មានអាការៈ​រោគ​ពោះ​វៀន បញ្ហា​បេះដូង និង​បញ្ហា​ប្រព័ន្ធ​សតិ​មិនល្អ​ ដូច​ជា​ការបាក់​ទឹក​ចិត្ត និង​ភាព​រសាប់រសល់​អន្ទះអន្ទែង​ជា​ដើម។

មជ្ឈមណ្ឌល​ត្រួត​ពិនិត្យ​និង​ការ​ពារ​ជំងឺ​សហរដ្ឋ​អាមេរិក CDC កាលពី​ថ្ងៃ​អង្គារកន្លង​ទៅ​ ក៏​បានចាត់​ទុក​ប្រភេទ​ជំងឺ​កូវីដ​១៩ បំប្លែង​ខ្លួន​ថ្មី​ដែលតា (Delta) ដែល​ត្រូវ​បាន​រក​ឃើញ​ជា​ដំបូង​ ក្នុង​ប្រទេស​ឥណ្ឌា​នោះ​ ថា​ជាប្រភេទ​ជំងឺ​កូវីដ​១៩​ ដែល​គួរ​ឲ្យ​បារម្ភ​ខ្លាំង​ផងដែរ៕

XS
SM
MD
LG