យោធាមីយ៉ាន់ម៉ា បានបើកការវាយប្រហារតាមអាកាសក្នុងថ្ងៃទី២ លើតំបន់ព្រំដែនជាប់ប្រទេសចិន។ នេះបើយោងតាមអ្នកនាំពាក្យម្នាក់របស់ក្រុមឧទ្ទាមដែលបានប្រាប់ទីភ្នាក់ងារសារព័ត៌មាន AFP កាលពីថ្ងៃទី១ ខែវិច្ឆិកា។
ការវាយប្រហារនេះកើតឡើង ពេលយោធាប្រយុទ្ធជាមួយក្រុមប្រដាប់អាវុធឆ្លងតំបន់ប៉ែកខាងជើងដែលជាទឹកដីវិនិយោគចិន និងជាទីដែលយោធានិយាយថាខ្លួនបានបាត់បង់។
យន្តហោះយោធាមួយគ្រឿងបានវាយប្រហារលើទីតាំងមួយក្បែរទីក្រុង Laiza ក្នុងរដ្ឋ Kachin នៅ ម៉ោង១២ ៤៥នាទី ម៉ោងក្នុងស្រុក។ នេះបើយោងតាមអ្នកនាំពាក្យកងទ័ពឯករាជ្យរដ្ឋ Kachin ឬហៅកាត់ថា KIA គឺលោកវរសេនីយឯក Naw Bu ដែលបានប្រាប់ AFP។
លោកនិយាយថា មិនទាន់មានរបាយការណ៍ពិស្តារអំពីចំនួនមនុស្សស្លាប់ឬរបួសពីការវាយប្រហារនេះទេ។ លោកថាការវាយប្រហារនេះ កើតឡើងមួយថ្ងៃក្រោយពីយន្តហោះមួយគ្រឿងបានទម្លាក់គ្រាប់បែ ក៣គ្រាប់លើទីក្រុង Laiza ដោយសម្លាប់មនុស្សម្នាក់និងធ្វើឲ្យរបួស១២នាក់។
នៅថ្ងៃទី៣១ ខែតុលា ក្រុមទាហាននិងមន្ត្រី ត្រូវបានសម្លាប់ ពេលកងទ័ព KIA ប៉ុនប៉ងកាន់កាប់ផ្លូវសំខាន់មួយខ្សែក្នុងរដ្ឋ Kachin។ នេះបើផ្អែកតាមកាសែត Global Light of New Myanmar ដែលយោធាគ្រប់គ្រង៕
