ភ្ជាប់​ទៅ​គេហទំព័រ​ទាក់ទង

ក្រុម​អ្នក​កាន់​សាសនាឥស្លាម​ចូលរួម​ក្នុង​ពិធី​អន្តរជំនឿ​នៅ​បារាំង និង​អ៊ីតាលី​ ដើម្បី​បង្ហាញ​សាមគ្គីភាព


ក្រុម​អ្នកកាន់សាសនា​ឥស្លាម​ប្រមូលផ្តុំ​នៅ​ពីមុខ​វិហារមួួយ នៅ​ក្រុង Saint Etienne តំបន់ Normandy ប្រទេស​បារាំង កាល​ពី​ថ្ងៃ​សុក្រ ទី២៩ ខែ​កក្កដា ឆ្នាំ​២០១៦។

កាលពីថ្ងៃ​អាទិត្យ​ ក្រុម​អ្នកកាន់សាសនា​ឥស្លាម​បានចូល​រួមក្នុង​ពិធី​សូត្រ​ធម៌​ក្នុង​ទម្រង់​ជា​ហ្វូងមនុស្ស​មួយ​នៅ​ក្នុង​កន្លែង​គោរព​បូជា​សាសនា​នៅ​ទូទាំងប្រទេស​បារាំង​ និង​អ៊ីតាលី​ ដើម្បី​សម្តែង​សាមគ្គីភាព​ក្នុង​ពេល​តែ​ប៉ុន្មាន​ថ្ងៃ​ បន្ទាប់​ពី​ពួក​សង្រ្គាម​សាសនា​បាន​ធ្វើ​ការ​សម្លាប់​យ៉ាង​អាក្រក់​ទៅ​លើ​បព្វជិត​កាតូលិកម្នាក់។

អ្នក​គោរព​សាសនា​ឥស្លាម​ជាង​១០០នាក់​បាន​ចូល​រួម​ជាមួយ​មនុស្សប្រមាណ​ពីរ​ពាន់​នាក់នៅ​ក្នុង​ព្រះវិហារ​ Gothic កសាង​កាល​ពី​សតវត្សរ៍​ទី​១១​នៅ​ក្នុង​ក្រុង Rouen នា​ប៉ែក​ខាង​ជើង​នៃប្រទេស​បារាំ​ងនៅជិត​ក្រុងក្នុង​តំបន់ Normandie ដែល​នៅ​ទីនោះយុវជន​ពីរ​នាក់បាន​អារ​ក​បព្វជិតកាតូលិក​ឈ្មោះ Jacques Hamel នៅ​មុន​ពេល​យុវជន​ទាំង​នោះត្រូវ​បាន​បាញ់សម្លាប់​ដោយ​ប៉ូលិស។ ជន​ធ្វើការ​វាយ​ប្រហារ​ទាំង​ពីរ​នាក់នេះបានអះអាង​ថា ខ្លួនស្មោះស្ម័គ្រ​នឹង​ពួក​រដ្ឋឥស្លាម នេះ​បើតាម​វីដេអូ​ដែលបាន​ត្រូវចេញ​ផ្សាយ​ដោយ​ពួក​ជនសកម្មប្រយុទ្ធរដ្ឋឥស្លាម។

អាចារ្យ​ក្រុង Rouen លោក Dominique Lebrun បាន​អរគុណ​ក្រុម​អ្នកកាន់សាសនា​ឥស្លាម​ទាំង​នោះ​ «ក្នុង​នាម​នៃ​ក្រុម​អ្នកគោរព​គ្រឹស្តសាសនា​ទាំង​អស់» ដោយ​លោក​បានបន្ថែមសេចក្តី​ថា «តាមរយៈ​វិធីនេះ​ លោកអ្នក​បាន​បញ្ជាក់ថា ​លោកអ្នក​ច្រាន​ចោល​ការ​ស្លាប់និង​អំពើហិង្សា​ក្នុង​ព្រះនាម​ព្រះអាទិទេព»។

នៅក្នុងចំណោម​ក្រុម​អ្នកចូល​រួមក្នុង​ពិធី​សូត្រធម៌​នេះ​ក្នុង​ក្រុង Rouen មាន​ដូនជី​ម្នាក់​ក្នុង​ចំណោមដូនជី​ ដែលត្រូវ​បាន​ចាប់ជា​ចំណាប់ខ្មាំង​នៅក្នុងព្រះវិហារ​គ្រឹស្តសាសនា ទី​ដែលបព្វជិត​Jacques Hamel ត្រូវ​បាន​សម្លាប់។ ដូនជីនេះ​ជាមួយ​ក្រុម​អ្នកកាន់គ្រឹស្តសាសនា​និកាយកាតូលិក​ដទៃ​ទៀតបាន​ចាប់ដៃ​រលាក់​ជាមួយ​ក្រុម​អ្នកគោរព​សាសនា​ឥស្លាម ហើយ​បាន​ឱប​គ្នា​បន្ទាប់​ពី​ពិធីនេះផងដែរ៕

XS
SM
MD
LG