ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប៉ូលិស​មួយ​ចំនួន​ត្រូវ​បាន​គេ​បាញ់ ហើយ​ម្នាក់​ស្លាប់​ នៅ​ក្នុង​រដ្ឋ Colorado


អ្នក​ស៊ើបអង្កេត​ម្នាក់​ធ្វើ​ដំណើរ​ទៅ​កន្លែង​កើត​ហេតុ​នៃ​ការ​បាញ់​ប្រហារ​នៅ​ក្នុង​ក្រុង Highlands Ranch រដ្ឋ Colorado កាលពី​ថ្ងៃទី៣១ ខែធ្នូ ឆ្នាំ២០១៧។
អ្នក​ស៊ើបអង្កេត​ម្នាក់​ធ្វើ​ដំណើរ​ទៅ​កន្លែង​កើត​ហេតុ​នៃ​ការ​បាញ់​ប្រហារ​នៅ​ក្នុង​ក្រុង Highlands Ranch រដ្ឋ Colorado កាលពី​ថ្ងៃទី៣១ ខែធ្នូ ឆ្នាំ២០១៧។

ប៉ូលិស​ចំនួន​៥​នាក់​និង​ជនស៊ីវិល​២​នាក់​ត្រូវ​បាន​បាញ់ ខណៈ​ដែល​ប៉ូលិស​ធ្វើ​ការ​ទៅ​លើ​ករណី​មួយ​កាល​ពី​ថ្ងៃ​អាទិត្យ ​នៅ​ក្នុង​រដ្ឋ Colorado សហរដ្ឋអាមេរិក។

ការិយាល័យ​ប៉ូលិស​សង្កាត់ Douglas បាន​និយាយ​ថា ម្នាក់​ក្នុង​ចំណោម​ប៉ូលិស​៥​នាក់​នោះ​ត្រូវ​បាន​សម្លាប់ ហើយ​ជនសង្ស័យ​ត្រូវ​បាន​បាញ់ និង​មិន​គំរាមកំហែង​ដល់​សុវត្ថិភាព​ប្រជាពលរដ្ឋ​ទៀត​ទេ។ ​

ស្នងការ​ប៉ូលិស​បាន​សរសេរ​សារ​មួយ​បង្ហោះ​លើ​បណ្តាញ​សង្គម Twitter ថា «ជនសង្ស័យ​ត្រូវ​បាន​បាញ់​និង​ជឿ​ថា​បាន​ស្លាប់​ហើយ ហើយ​មិន​បង្ក​ជា​ការ​គំរាមកំហែង​ដល់​សុវត្ថិភាព​ពលរដ្ឋ​ទៀត​ទេ»។​
កាល​ពី​ព្រឹក​ថ្ងៃ​អាទិត្យ ការិយាល័យ​ប៉ូលិស​បាន​ចេញ​សេចក្តីប្រកាស​មួយ​ហាមឃាត់​ដល់​ពលរដ្ឋ​ដែល​រស់នៅ​ក្នុង​តំបន់​ក្បែរ​នោះ​ ឲ្យ​ស្នាក់នៅ​ក្នុង​ផ្ទះ​និង​ត្រូវ​នៅ​ឲ្យ​ឆ្ងាយ​ពី​បង្អួច៕

XS
SM
MD
LG