ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋ​បន្ថែម​ទៀត​នៅ​សហរដ្ឋ​អាមេរិក​បន្ធូរបន្ថយ​ការ​ដាក់​កំហិត​ទាក់ទិន​នឹង​ជំងឺ​កូវីដ១៩


ថង់ប្លាស្ទិក​ត្រូវ​បាន​គេ​ដាក់​ដើម្បី​លើក​កម្ពស់​គម្លាត​សង្គម​នៅ​ភោជនីយដ្ឋាន Waffle House នៅ​ក្នុង​ក្រុង Savannah រដ្ឋ Georgia កាលពី​ថ្ងៃទី២៧ ខែមេសា ឆ្នាំ២០២០។

រដ្ឋបាល​របស់​ប្រធានាធិបតី​សហរដ្ឋ​អាមេរិក​លោក Donald Trump កំពុង​ពិនិត្យ​មើល​លើ​លក្ខខណ្ឌ​ស្នើ​ឡើង​ថ្មី​អំពី​របៀប​ដែល​រដ្ឋ​នីមួយៗ​អាច​បើក​ដំណើរការ​ឡើង​វិញ​ជា​បណ្ដើរៗ​នូវ​កន្លែង​អាជីវកម្ម សាលារៀន និង​ព្រះ​វិហារ​គ្រិស្ត​សាសនា ស្រប​ពេល​ដែល​អភិបាល​រដ្ឋ​បន្ថែម​ទៀត​បង្ហាញ​សញ្ញា​អំពី​គម្រោង​របស់​ពួកគេ​នៅ​ក្នុង​ការ​ឆ្ពោះ​ទៅ​ការ​បន្ធូរបន្ថយ​ការ​ដាក់​កំហិត​ទាក់ទិន​នឹង​ជំងឺ​កូវីដ១៩។

មន្ត្រី​សហរដ្ឋ​អាមេរិក​និយាយ​ថា លក្ខខណ្ឌ​ដែល​ព្រាង​ដោយ​មជ្ឈមណ្ឌល​គ្រប់គ្រង និង​បង្ការ​ជំងឺ ទាំង​នេះ ផ្ដល់​នូវ​អនុសាសន៍​លំអិត​សម្រាប់​ការ​បើក​ឡើង​វិញ​នូវ​សកម្មភាព​នានា​តាម​កន្លែង​ផ្សេងៗ។

ប្រព័ន្ធ​ផ្សព្វផ្សាយ​សហរដ្ឋ​អាមេរិក​ដែល​បាន​ឃើញ​នូវ​លក្ខខណ្ឌ​ស្នើ​ឡើង​ទាំង​នេះ បាន​រាយការណ៍​កាល​ពី​ថ្ងៃ​ចន្ទ​ម្សិលមិញ​ថា លក្ខខណ្ឌ​ទាំង​នេះ​មាន​ដូចជា ការ​បិទ​បន្ទប់​សម្រាក​នៅ​តាម​ការិយាល័យ​នានា ការ​ប្រើ​បញ្ជី​មុខ​ម្ហូប​ដែល​ប្រើ​បាន​តែ​ម្ដង​នៅ​តាម​ភោជនីយដ្ឋាន​ជា​ដើម។ មន្ត្រី​អាមេរិក​ថា លក្ខខណ្ឌ​ទាំង​នេះ​នៅតែ​អាច​កែប្រែ​បាន។

មន្ត្រី​ជំនាញ​ខាង​សុខាភិបាល​បាន​ព្រមាន​ប្រឆាំង​នឹង​ការ​បើក​ដំណើរការ​សេដ្ឋកិច្ច​លឿន​ពេក ហើយ​អភិបាល​រដ្ឋ​ជា​ច្រើន​បាន​បញ្ជាក់​ថា វិធានការ​នានា​នឹង​នៅ​ជា​ធរមាន​ដដែល​ដើម្បី​ការពារ​សុវត្ថិភាព​របស់​សាធារណជន។

កាល​ពី​ថ្ងៃ​ចន្ទ​ម្សិលមិញ រដ្ឋមន្ត្រី​ក្រសួង​យុត្តិធម៌​លោក William Barr បាន​គំរាម​ចាត់​វិធានការ​ផ្លូវ​ច្បាប់​ប្រឆាំង​នឹង​ការ​ដាក់​កំហិត​របស់​រដ្ឋ និង​អាជ្ញាធរ​មូលដ្ឋាន​ណា ដែល​ប៉ះពាល់​ដល់​សេរីភាព​សាសនា និង​សិទ្ធិ​ផ្សេង​ទៀត​ដែល​មាន​ចែង​នៅ​ក្នុង​រដ្ឋ​ធម្មនុញ្ញ។

ការ​លើក​ឡើង​របស់​លោក Barr នេះ បង្ហាញ​អំពី​ការ​អស់​ការ​អត់ធ្មត់​ចំពោះ​បទ​បញ្ជា​របស់​អភិបាល​រដ្ឋ​នានា​ដែល​តម្រូវ​ឲ្យ​មនុស្ស​ស្នាក់នៅ​ក្នុង​ផ្ទះ និង​រក្សា​គម្លាត​តាំង​ពី​ដើម​ខែ​មីនា​មក ដើម្បី​ទប់ទល់​នឹង​ការ​ឆ្លង​រាលដាល​នៃ​ជំងឺ​កូវីដ១៩៕

XS
SM
MD
LG