ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ចំនួន​អ្នកស្លាប់​ដោយការ​ផ្ទុះបំពង់​ឧស្ម័ន​នៅ​ម៉ិកស៊ិក​កើន​ដល់​ជាង​៧០នាក់


ក្រុម​អ្នក​ពិនិត្យ​សព​កំពុង​ធ្វើការ​នៅ​ក្នុង​កន្លែង​ផ្ទុះ​បំពង់ឧស្ម័ន​នៅ​ក្នុង​ទីក្រុង​Tlahuelilpan រដ្ឋHidalgo ប្រទេស​ម៉ិកស៊ិកកាលពី​ថ្ងៃទី​១៩ ខែមករា ឆ្នាំ២០១៩។
ក្រុម​អ្នក​ពិនិត្យ​សព​កំពុង​ធ្វើការ​នៅ​ក្នុង​កន្លែង​ផ្ទុះ​បំពង់ឧស្ម័ន​នៅ​ក្នុង​ទីក្រុង​Tlahuelilpan រដ្ឋHidalgo ប្រទេស​ម៉ិកស៊ិកកាលពី​ថ្ងៃទី​១៩ ខែមករា ឆ្នាំ២០១៩។

យ៉ាងតិច​មាន​មនុស្ស​៧៣​នាក់​បាន​ស្លាប់​ ដោយសារ​ការ​ផ្ទុះ​បំពង់​ឧស្ម័ន​ប្រេង​ក្នុង​តំបន់ កណ្តាល​នៃ​ប្រទេស​ម៉ិកស៊ិក​កាល​ពីថ្ងៃ​សុក្រ។​ នេះជា​ការ​បញ្ជាក់​ឲ្យដឹង​របស់​អភិបាល​រដ្ឋ​ ហ៊ីដាលហ្គោ​ (Hidalgo) ​នៃ​ប្រទេស​នេះ ​កាលពី​ថ្ងៃសៅរ៍។

លោក​ អូម៉ា ហ្វេយ៉ាដ​ (Omar Fayad)​ បាន​ថ្លែង​ផងដែរ​នៅឯ​សន្និសីទ​សារព័ត៌មាន មួយ​ក្នុង​ទីក្រុង​ម៉ិកស៊ិកថា​យ៉ាងតិច​មាន​មនុស្ស​៧៤​នាក់​ផ្សេងទៀត​បាន​រង​របួស។ ក្រុម​មន្ត្រី​បាន​អះអាង​ថា​ការ​លិច​ឧស្ម័ន​ ហើយ​បណ្តាល​ឲ្យផ្ទុះ​នេះ​ គឺត្រូវ​បង្ក​ដោយ ក្រុម​ចោរ​លួចប្រេង​ដែល​បូម​ប្រេង​ខុសច្បាប់​ក្នុង​បំពង់​ឧស្ម័ន​ ក្នុង​រដ្ឋ​ហ៊ីដាលហ្គោ។

បើតាម​ខ្សែអាត់​ វីដេអូ ​បាន​បង្ហាញ​ថា​ប្រេង​ដែល​លិច​ បាន​បាញ់​ចេញ​ទៅលើ​មេឃ ហើយ​មនុស្ស​ម្នា​បាននាំ​គ្នា​ប្រមូល​ប្រេង​ដាក់​ក្នុងធុង ​និង​ ធុង​សំរាម​ ហើយនឹង​កំប៉ុង ផ្សេងៗ​ មុន​ពេល​ផ្ទុះ។

លោក​អភិបាលរដ្ឋ​ អូម៉ា ហ្វេយ៉ាដ​ បាន​ថ្លែង​ថា៖ ​«ខ្ញុំទទូច​ឲ្យ​ពលរដ្ឋ​ទាំងអស់​មិន​ត្រូវ​ចូលរួម​លួច​ឧស្ម័នទេ។​ មួយ​ផ្នែក​ក្រៅពី​រឿង​ខុស​ច្បាប់​ វាក៏​ធ្វើ​ឲ្យ​ជីវិត​លោក​អ្នក ​ហើយ ក្រុម​គ្រួសារ​លោក​អ្នក​ប្រឈម​មុខ​នឹង​គ្រោះ​ថ្នាក់​ទៀត»។

លោក​ប្រធានាធិបតី​ប្រទេស ​ម៉ិកស៊ិក ​អានដ្រេ ម៉ានូអែល ​(Andres Manuel) ​បាន​បើក យុទ្ធនាការ​បង្ក្រាប​ចំពោះ​រឿង​លួច​ឧស្ម័ន​ ដោយបាន​អំពាវ​នាវ​ដល់​រដ្ឋាភិបាល​លោក ទាំងមូល ​ជួយ​ពលរដ្ឋ​នៅតំបន់​ផ្ទុះ​ឧស្ម័ន។

រដ្ឋាភិបាល​និយាយថា​ការ​លួច​ឧស្ម័ន​នេះ​បានធ្វើ​ឲ្យ​ប្រទេស​បាត់បង់​ថវិកា​៣ពាន់​លាន ក្នុង​មួយ​ឆ្នាំ៕

XS
SM
MD
LG