រដ្ឋាភិបាលម៉ាឡេស៊ីគ្រោងលុបចោលទោសប្រហារជីវិតនិងច្បាប់ដែលបានប្រើកាលពីយុគសម័យអាណានិគមដើម្បីបង្ក្រាបពួកប្រឆាំង។ នេះបើយោងតាមពួកមន្ត្រីបាននិយាយនៅសប្តាហ៍នេះ។
រដ្ឋមន្រ្តីក្រសួងយុត្តិធម៌ម៉ាឡេស៊ីលោក Liew Vui Keongកាលពីថ្ងៃពុធបាននិយាយថា គណរដ្ឋមន្រ្តីនឹងបញ្ចប់ទោសប្រហារជីវិត និងព្យួរការកាត់ទោសប្រហារជីវិតដែលត្រូវបានកំណត់រហូតទាល់តែច្បាប់នេះចូលជាធរមាន។ នាពេលថ្មីៗនេះអ្នកទោសជាង១២០០នាក់កំពុងជាប់ទោសប្រហារជីវិត។
សារព័ត៌មានNew Straits Times បានដកស្រង់សម្តីរបស់លោក Liew Vui Keong
ដោយបាននិយាយថា «ទោសប្រហារជីវិតទាំងអស់នឹងត្រូវលុបចោល»។
លោក Gobind Singh Deoរដ្ឋមន្រ្តីក្រសួងទំនាក់ទំនងនិងពហុផ្សព្វផ្សាយកាលពីថ្ងៃព្រហស្បតិ៍បានថ្លែងថាច្បាប់ស្តីពីការបះបោរដែលត្រូវបានបង្កើតឡើងដោយចក្រភពអង់គ្លេសកាលពីឆ្នាំ១៩៨៤ ក៏នឹងត្រូវលុបចោលផងដែរ។ សំណើលុបចោលច្បាប់ទាំងពីរនេះត្រូវគេរំពឹងថានឹងត្រូវលើកមកពិភាក្សានៅក្នុងសម័យប្រជុំសភានៅថ្ងៃចន្ទខាងមុខនេះ៕
