ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក​ប្រធានាធិបតី Trump នឹង​ថ្លែង​សុន្ទរកថា​ស្តី​ពី​​ស្ថានភាព​សហព័ន្ធ​លើក​ទី២


លោក​ប្រធានាធិបតី​ ដូណាល់ ត្រាំ ថ្លែង​សុន្ទរកថា​ស្តី​ពី​​ស្ថានភាព​សហព័ន្ធ​លើក​ទី១ នៅ​ក្នុង​កិច្ចប្រជុំ​សភា​ កាលពី​ថ្ងៃទី៣០ ខែមករា ឆ្នាំ២០១៨។

នៅ​ថ្ងៃ​អង្គារ​នេះ លោក​ប្រធានាធិបតី​ស.រ.អា. Donald Trump ​នឹង​ថ្លែង​សុន្ទរកថា​ស្តី​ពី​ស្ថានភាព​សហព័ន្ធ​លើក​ទី​ពីរ​របស់​លោក ដោយ​លោក​នឹង​ថ្លែង​ទៅ​កាន់​សភា​ថ្មី​មួយ​ដែល​មាន​សមាជិក​ជា​ក្រុម​ជន​ភាគ​តិច ​និង​ជា​ស្ត្រី​ច្រើន​ជាង​មុន។​

អង្គុយ​ពី​ក្រោយ​លោក Trump នៅពេល​លោកថ្លែង​សុន្ទរកថា​នេះ​គឺ​លោកស្រី Nancy Pelosi ប្រធាន​សភា​តំណាងរាស្ត្រ​អាមេរិកាំងដែល​បាន​ធ្វើ​ឱ្យ​ពួក​ប្រជាធិបតេយ្យ​នៅ​ក្នុង​សភា​តំណាងរាស្ត្រ​អាមេរិកាំង​រួបរួមគ្នាប្រឆាំង​នឹង​ប្រធានាធិបតី​ Trump នៅ​ក្នុង​ការ​តតាំង​មតិខ្លាំង​ក្លា​អំពី​ការ​ផ្តល់​ថវិកា​សម្រាប់​កសាង​ជញ្ជាំង​ព្រំដែន​ដែល​បាន​នាំ​ឱ្យ​មាន​ការ​បិទផ្នែក​ខ្លះ​របស់​រដ្ឋាភិបាល​សហព័ន្ធ​យ៉ាង​យូរ​បំផុត​ក្នុង​ប្រវត្តិសាស្ត្រ​ស.រ.អា.។

សុន្ទរកថា​នេះនឹង​ត្រូវ​ថ្លែង​មួយ​សប្តាហ៍​យូរ​ជាង​ការ​កំណត់​ទុក​ពី​មុន​នៅ​ថ្ងៃ​ទី​២៩ខែ​មករា នៅ​ក្រោយ​លោកស្រី Pelosi បានរារាំង​លោក​ Trump មិន​ឱ្យ​ថ្លែង​សុន្ទរកថា​លោក​រហូត​ដល់​ពេល​ណា​ដែល​រដ្ឋាភិបាល​បើក​ជា​ថ្មីវិញ។​

បើ​តាម​មន្ត្រី​ជាន់​ខ្ពស់​ម្នាក់​របស់​រដ្ឋបាល​អាមេរិកាំង​នៅ​ឯសេតវិមាន​ថា​ប្រធានបទ​នៃ​សុន្ទរកថា​នៅ​ឆ្នាំ​នេះ​គឺ «ការ​ជ្រើស​រើស​យក​ឧត្តមភាព»។

បើ​តាម​មន្ត្រី​រូប​នេះ​ថា​ លោក​ប្រធានាធិបតី​នឹង​លាត​ត្រដាង​គោលជំហរ​របស់​លោក​អំពី​អន្តោប្រវេសន៍ និង​សន្តសុខ​ព្រំដែន អំពី​ការ​ការពារ​ក្រុម​អ្នក​ធ្វើ​ការ​អាមេរិកាំង​ជាមួយ​កិច្ច​ព្រមព្រៀង​ពាណិជ្ជកម្ម​ជា​មួយ​ប្រទេស​ចិន​ និង​ការ​ជំនួស​កិច្ចព្រមព្រៀង​ NAFTA អំពី​ការ​បន្ទាប​សោហ៊ុយ​នៃ​ការ​ថែទាំ​សុខភាព និង​ការ​ទិញ​ឱសថ​តាម​វេជ្ជបញ្ជាព្រម​ទាំង​កិច្ចខិតខំ​ប្រឹងប្រែង​ខាង​ការទូត​ និង​ខាង​យោធា​នៅ​ទូទាំង​ពិភព​លោក​ដើម្បី​បញ្ឈប់​ «សង្គ្រាម​នៅ​ក្រៅ​ប្រទេស​គ្មាន​ឈប់ឈរ»៕

XS
SM
MD
LG