តុលាការប្រទេសអ៊ីស្រាអែលបានកាត់ទោសបុរសម្នាក់ដែលបានដឹកនាំការសម្លាប់ដើម្បីសងសឹកកាលពីឆ្នាំ២០០៤ និងដុតក្មេងជំទង់ប៉ាឡេស្ទីនម្នាក់ដែលជាការណ៍មួយដែលបានបង្កឲ្យមានសង្គ្រាម៥០ថ្ងៃក្នុងតំបន់កាហ្សា (Gaza )។
តុលាការបានច្រានចោលការសុំទោសពីការមិនបានដឹងរបស់ Yosef Haim Ben David ដោយនិយាយថា បុរសនេះបានដឹងអំពីសកម្មភាពរបស់ខ្លួន ខណៈពេលដែលធ្វើសកម្មភាពសម្លាប់នោះ។ បុរសនេះរំពឹងថា នឹងត្រូវគេអនុវត្តទោសទណ្ឌនៅខែក្រោយ។
បុរសជនជាតិអ៊ីស្រាអែលពីរនាក់ផ្សេងទៀតត្រូវតុលាការផ្តន្ទាទោសរួចហើយចំពោះការសម្លាប់នេះ ដោយម្នាក់ត្រូវកាត់ទោសឲ្យជាប់គុកអស់មួយជីវិត និងម្នាក់ទៀតជាប់គុក២១ឆ្នាំ។
បុរសទាំងបីនាក់បានទទួលកំហុសពីការសម្លាប់ Mohammed Abu Khdeir អាយុ១៦ឆ្នាំ បន្ទាប់ពីចាប់ខ្លួនយុវជននោះមកពីផ្លូវក្រុងហ្ស៊េរុយសាឡិមភាគខាងកើត ហើយនាំទៅកាន់ព្រៃមួយក្នុងប្រទេសអ៊ីស្រាអែល។ អំពើឃាតកម្មនេះគឺជា ការសងសឹកនឹងចំពោះការចាប់ពង្រត់ និងសម្លាប់ក្មេងជំទង់ជនជាតិអ៊ីស្រាអែលបីនាក់ដោយក្រុមជីវពលហាម៉ាស់ជិតតំបន់វ៉េសប៊ែង(West Bank)៕
