ពលរដ្ឋអ៊ីរ៉ង់រាប់ពាន់នាក់បានប្រមូលផ្តុំគ្នាក្នុងរដ្ឋធានីនៃប្រទេសអ៊ីរ៉ង់ ដើម្បីចូលរួមពិធីបុណ្យសពនៃមេបញ្ជាការជាន់ខ្ពស់នៃកងកម្លាំងឆ្មាំបដិវត្តន៍លោក Razi Moussavi បីថ្ងៃបន្ទាប់ពីលោកត្រូវបានសម្លាប់ក្នុងអ្វីដែលរដ្ឋាភិបាលក្រុងតេហេរ៉ង់និយាយថា ជាការ វាយប្រហារតាមអាកាសរបស់អ៊ីស្រាអែល។ នេះបើយោងតាមសេចក្តីរាយ ការណ៍របស់ទីភ្នាក់ងារសារព័ត៌មាន AFP។
មនុស្សដែលបានមកប្រមូលផ្តុំគ្នានៅទីលាន Imam Hossein ក្នុងកណ្តាលរដ្ឋធានីតេហេរ៉ង់បា នស្រែកពាក្យថា «ស្លាប់ទៅអ៊ីស្រាអែល។ ស្លាប់ទៅសហរដ្ឋអាមេរិក»។
អ៊ីស្រាអែលបានប្រយុទ្ធប្រឆាំងនឹងសង្គ្រាមឃាតកម្មអស់ពេលជាយូរមកហើយនិ ងប្រឆាំងនឹងការធ្វើវិទ្ធង្សនាពីសត្រូវអ៊ីរ៉ង់ ក៏ដូចជាសម្ព័ន្ធមិត្តរបស់អ៊ីរ៉ងដែរ ប៉ុន្តែការស្លាប់របស់លោក Moussavi នៅក្នុងប្រទេសស៊ីរីនេះ កើតឡើងនៅចំពេលដែលកំពុងតែមានភាពតានតឹងខ្លាំងនៅក្នុងតំបន់ ជុំវិញជម្លោះរវាងអ៊ីស្រាអែលនិងក្រុមហាម៉ាស់ចាប់តាំងពីដើមខែតុលាមក។
ប្រព័ន្ធឃោសនារដ្ឋអ៊ីរ៉ង់បានផ្សព្វផ្សាយថា កាំជ្រួចមីស៊ីលវាយប្រហាររបស់អ៊ីស្រាអែលបានសម្លាប់មេបញ្ជាការជាន់ខ្ពស់នៃឆ្មាំបដិវត្តន៍របស់ខ្លួន គឺលោក Moussavi ដែលទទួលបន្ទុកអង្គភាពប្រតិបត្តិការបរទេសនៃកងកម្លាំង Quds កាលពីថ្ងៃចន្ទកន្លងទៅ នៅជិតរដ្ឋធានីដាម៉ាស់ ក្នុងប្រទេសស៊ីរី។
កងទ័ពអ៊ីស្រាអែលដែលបានធ្វើការវាយប្រហាររាប់រយដងលើគោលដៅក្នុងប្រទេសស៊ីរីដែលពាក់ព័ន្ធនឹងប្រទេសអ៊ីរ៉ង់ ក្នុងរយៈពេលប៉ុន្មានឆ្នាំថ្មីៗនេះ គ្រាន់តែនិយាយថា ខ្លួនមិនធ្វើអត្ថាធិប្បាយលើសេចក្តីរាយការណ៍បរទេសនោះឡើយ។
មេដឹកនាំជាន់ខ្ពស់អ៊ីរ៉ង់លោក Ayatollah Ali Khamenei កាលពីព្រឹកថ្ងៃព្រហស្បតិ៍នេះបានជួបជាមួយក្រុមគ្រួសារសពនៃមេបញ្ជាការ ដែលត្រូវបានធ្វើឃាតរូបនេះ ហើយបានដឹកនាំធ្វើពិធីបន់ស្រន់នៅចំពោះមុខសព មុនពេលដែលសាកសពត្រូវបានគេយកទៅកាន់ទីលានក្នុងកណ្តាលក្រុងតេហេរ៉ង់៕
