ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អង្គការ ILO៖ ការងារ​នា​ពេល​អនាគត​ត្រូវ​ធ្វើ​ឡើង​ដោយ​ផ្អែក​លើ​យុត្តិធម៌​សង្គម


អគ្គលេខាធិការ​អង្គការ​ពលកម្ម​អន្តរជាតិ​ ILO លោក Guy Ryder ថ្លែង​នៅ​ក្នុង​សន្និសីទ​អន្តរជាតិ​លើក​ទី១០៨ ​របស់​អង្គការ​ ILO នៅ​ក្រុង​ទីក្រុង​ហ្សឺណែវ ប្រទេស​ស្វ៊ីស កាលពី​ថ្ងៃទី១០ ខែមិថុនា ឆ្នាំ២០១៩។

គណៈប្រតិភូ​ជាង​៥.០០០នាក់​ និង​ប្រមុខរដ្ឋ​ចំនួន​៤៥រូប​កំពុង​ចូលរួម​ក្នុង​សន្និសីទ​របស់​អង្គការ​ពលកម្ម​អន្តរជាតិ​ (អង្គការ ILO) នៅ​ក្នុង​ឆ្នាំ​នេះ។ សន្និសីទ​នេះ​ធ្វើ​ឡើង​រយៈពេល​១១ថ្ងៃ និង​ជា​ខួប​លើក​ទី១០០​របស់​អង្គការ​ ILO។

អគ្គលេខាធិការ​អង្គការ​ពលកម្ម​អន្តរជាតិ​ ILO លោក Guy Ryder បាន​កត់សម្គាល់​ថា ពលកម្ម​នៅ​ជុំវិញ​ពិភពលោក​មាន​ការ​ផ្លាស់ប្តូរ​ច្រើន នៅ​ក្នុង​រយៈពេល​មួយ​សតវត្សរ៍​នេះ ប៉ុន្តែ​លោក​និយាយ​ថា គុណតម្លៃ​សំខាន់ៗ​របស់​អង្គការ ILO នៅ​ដដែល។ អង្គការ ILO ត្រូវ​បាន​បង្កើត​ឡើង​ដោយ​ឈរ​លើ​គោលការណ៍​យុត្តិធម៌​សង្គម​និង​បង្កើត​លក្ខខណ្ឌ​ការងារ​ល្អ​ និង​ភាព​រុងរឿង​សម្រាប់​មនុស្ស​គ្រប់​គ្នា​នៅ​ទូទាំង​ពិភពលោក។

លោក Ryder បាន​និយាយ​ថា ភាព​មិន​ប្រាកដប្រជា​ និង​អសន្តិសុខ​បង្ហាញ​ឲ្យ​ឃើញ​ពីសារៈសំខាន់​នៃ​ការងារ​មាន​លក្ខខណ្ឌ​ល្អ​សមរម្យ​ សម្រាប់​ភាព​រីកចម្រើន​របស់​មនុស្ស​ជាតិ។ ប៉ុន្តែ លោក​បាន​បន្ថែម​ថា វិធីសាស្ត្រ​ដើម្បី​សម្រេច​គោលដៅ​នេះ​ត្រូវ​ធ្វើ​ការ​ផ្លាស់​ប្តូរ។

អគ្គលេខាធិការ​អង្គការ​ពលកម្ម​អន្តរជាតិ​ ILO លោក Guy Ryder ថ្លែង​នៅ​ក្នុង​សន្និសីទ​អន្តរជាតិ​លើក​ទី១០៨ ​របស់​អង្គការ​ ILO នៅ​ក្រុង​ទីក្រុង​ហ្សឺណែវ ប្រទេស​ស្វ៊ីស កាលពី​ថ្ងៃទី១០ ខែមិថុនា ឆ្នាំ២០១៩។
អគ្គលេខាធិការ​អង្គការ​ពលកម្ម​អន្តរជាតិ​ ILO លោក Guy Ryder ថ្លែង​នៅ​ក្នុង​សន្និសីទ​អន្តរជាតិ​លើក​ទី១០៨ ​របស់​អង្គការ​ ILO នៅ​ក្រុង​ទីក្រុង​ហ្សឺណែវ ប្រទេស​ស្វ៊ីស កាលពី​ថ្ងៃទី១០ ខែមិថុនា ឆ្នាំ២០១៩។

លោក Ryder បាន​ថ្លែង​ថា៖

«ដោយសារ​តែ​ពលកម្ម​នៅ​ក្នុង​ពិភពលោក​ត្រូវ​បាន​ផ្លាស់ប្តូរ​ដោយ​ឥទ្ធិពល​បច្ចេកវិទ្យា ការ​ផ្លាស់ប្តូរ​ភូមិសាស្ត្រ បញ្ហា​នៃ​ការ​ប្រែ​ប្រួល​អាកាសធាតុ និង​សាកលភាវូបនីកម្ម យើង​មិន​អាច​បន្ត​ធ្វើ​កិច្ចការ​តាម​វិធី​ដូច​រាល់​ដង​នោះ​ទេ»។​

លោក Ryder និយាយ​ថា អ្វី​ដែល​មាន​ដំណើរការ​ល្អ​ម្សិលមិញ​អាច​នឹង​មិន​ល្អ​សម្រាប់​ថ្ងៃ​ស្អែក។ លោក​និយាយ​ថា អង្គការ ILO នឹង​ត្រូវ​សម្រប​ទៅ​តាម​ការ​ផ្លាស់ប្តូរ និង​មិន​ត្រូវ​ងាក​ចេញ​ពី​ការ​ផ្លាស់ប្តូរ​នោះ​ទេ។

នៅ​ក្នុង​រយៈពេល​១០០ឆ្នាំ​នេះ អង្គការ ILO បាន​បង្កើត​បទដ្ឋាន​ជាច្រើន​ដែល​បាន​ជួយ​ធ្វើ​លក្ខខណ្ឌ​ការងារ​មាន​ភាព​ល្អ​ប្រសើរ​ឡើង។ អនុសញ្ញា​ដែល​ត្រូវ​បាន​អនុម័ត​រួម​មាន​ បញ្ហា​ពាក់ព័ន្ធ​នឹង​ការចរចាពី​ប្រាក់ខែ​ និង​លក្ខខណ្ឌ​ការងារ​ជា​រួម​ដោយ​ក្រុម​និយោជិក​ ដើម្បី​ការ​លុបបំបាត់​ទម្រង់​អាក្រក់ៗ​នៃ​ពលកម្ម​កុមារ និង​ការ​រើសអើង​នៅ​កន្លែង​ការងារ។​

លោក Ryder និយាយ​ថា អង្គការ ILO កំពុង​ដោះស្រាយ​បញ្ហា​អំពើ​ហិង្សា​ និង​ការ​បៀតបៀននៅកន្លែង​ការងារ។ លោក​និយាយ​ថា ការ​អនុម័ត​បទដ្ឋាន​ថ្មី​ដើម្បី​បញ្ឈប់​អំពើ​ទាំង​នេះ​មិន​ឲ្យ​កើត​ឡើង​នឹង​ជា​ជោគជ័យ​មួយ​ក្នុង​ការ​ប្រកាន់​ខ្ជាប់​នូវ​បទដ្ឋាន​មូលដ្ឋាន​នៃ​លក្ខខណ្ឌ​ការងារ​ល្អ​នៅ​កន្លែង​ការងារ៕

សេចក្តីរាយការណ៍ពិសេស

  • VOA Khmer Special Report Section

    សេចក្តីរាយការណ៍ពិសេស

XS
SM
MD
LG