ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សភាតំណាង​រាស្រ្ត​អនុម័ត​សំណើ​ថវិកា​ចំណាយ​ចំនួន១,៣​ទ្រីលាន​ដុល្លារ


សេតវិមាន​ពេល​ព្រះ​អាទិត្យ​ជិត​រញ​បន្ទាប់​ពី​កិច្ច​ចរចា​ថវិកាចំណាយក្នុង​រដ្ឋធានី​វ៉ាស៊ីនតោន​កាលពី​ថ្ងៃទី​២១ មីនា ២០១៨។

ក្រុមសភា​តំណាងរាស្រ្ត​សហរដ្ឋអាមេរិក​កាលពីថ្ងៃ​ព្រហស្បតិ៍បាន​អនុម័ត​សំណើថវិកា​ចំណាយ​ចំនួន​១,៣ទ្រីលាន​ដុល្លារ​នៅ​មុន​ផែនការ ដែល​អាច​ទប់ស្កាត់​កុំឲ្យ​បិទទ្វារ​រដ្ឋាភិបាល។ សំណើ​នេះ​បាន​អនុម័ត​តាម​រយៈ​ការបោះឆ្នោត​ដោយ​ទទួល​បានសំឡេង២៥៦​ទល់​នឹង​១៦៧ ហើយ​ឥឡូវ​នេះ​បាន​បញ្ជូន​ទៅ​កាន់​ព្រឹទ្ធសភា ដែលមាន​ពេល​រហូត​ដល់​ពាក់កណ្តាល​អាធ្រាត​ថ្ងៃសុក្រ​ដើម្បី​ធ្វើ​ការអនុម័ត និង​បញ្ជៀស​កុំឲ្យ​មាន​ការ​បិទទ្វារ​រដ្ឋាភិបាល​ជា​លើក​ទីបី​នៅក្នុងឆ្នាំនេះ។

ការបោះឆ្នោត​ក្នុងចំណោម​សភាតំណាងរាស្រ្ត​បានធ្វើឡើងនៅប៉ុន្មានម៉ោងបន្ទាប់ពីឯកសារ​សំណើថ​វិកា​ជិត​២២០០​ទំព័រ​ត្រូវ​បាន​ផ្សព្វផ្សាយ​កាលពីយប់ថ្ងៃពុធ។ ដោយសារតែ​សំណើ​នេះ​ទំនងជា​សំណើច្បាប់​ចុងក្រោយ​ដែលត្រូវធ្វើការអនុម័ត​នៅក្នុង​ឆ្នាំនេះ ក្រុម​សមាជិក​សភា​បាន​ព្យាយាមដាក់បញ្ចូល​ថវិកាគ្រោងចំណាយ​របស់​ពួកគេ។​

សំណើថវិកា​ចំណាយ​ដ៏ធំ​របស់​គណបក្សទាំងពីរ នឹងបន្តផ្តល់ថវិកា​ដល់រដ្ឋាភិបាល​រហូតដល់ចុង​ខែកញ្ញា​ឆ្នាំនេះ។ សំណើ​នេះ​នឹងជួយ​ដល់​គម្រោងបង្កើនថវិកាយោធារបស់​លោក​ប្រធានាធិបតី Trump បានទទួល​ជោគជ័យ ខណៈមានការ​រឹតបន្តឹង​យ៉ាង​ខ្លាំង​ទៅ​លើ​គោល​នយោបាយ​អន្តោប្រវេសន៍​របស់លោក។

សំណើ​ថវិកា​ដែល​សេតវិមាន​ថា​លោក Trump បាន​គាំទ្រនោះ នឹងបង្កើន​ថវិកា​ចំណាយលើ​ផ្នែកយោធា រួមទាំង​បង្កើនការ​ដំឡើង​ប្រាក់ខែ​ចំនួន២,៤ភាគរយ​សម្រាប់​កងកម្លាំង​យោធា។ លោកPaul Ryan ប្រធាន​រដ្ឋសភា​សហរដ្ឋអាមេរិក​កាលពីថ្ងៃ​ព្រហស្បតិ៍​បានផ្តល់​បទសម្ភាសន៍​ដល់​ស្ថានីយ៍​ទូរទស្សន៍ ​Fox Newsថា«នេះ​ប្រហែល​ជា​ជ័យ​ជម្នះ​ដ៏ធំបំផុត គឺជាអ្វី​ដែលយើង​កំពុងធ្វើ​សម្រាប់​ទាហាន ទាហាន​ជើង​ទឹកកង​ទ័ព​អាកាស កង​ទាហាន​ជើង​ទឹក និងអតីត​យុទ្ធជន​របស់​យើង»៕

XS
SM
MD
LG