ប៉ូលិសប្រឆាំងកុប្បកម្មដែនដីហុងកុង បានបាញ់ឧស្ម័នបង្ហូរទឹកភ្នែកនិងបាញ់គ្រាប់ កាំភ្លើងជ័របំបែកហ្វូងបាតុករ គាំទ្រលទ្ធិប្រជាធិបតេយ្យ កាលពីយប់ថ្ងៃអាទិត្យ។
ក្រុមបាតុកររាប់ម៉ឺននាក់បានធ្វើការតវ៉ាប្រឆាំងអស់រយៈពេល៧សប្តាហ៍ជាប់គ្នាហើយ ខ្លះបានធ្វើឲ្យខូចខាតនិមិត្តរូបប្រទេសចិន នៅឯការិយាល័យទំនាក់ទំនងទីក្រុងប៉េកាំង។ អ្នកខ្លះបានចោលពងមាន់ដាក់អាគារនោះ និងបាញ់ថ្នាំពណ៌នៅកន្លែងកាមេរ៉ាសុវត្ថិភាពផងដែរ។
ឧស្ម័នបង្ហូរទឹកភ្នែកដែលមានពពុះ និងក្លិនមិនល្អបានគ្របដណ្តប់នៅក្នុងសង្កាត់ពាណិជ្ជកម្មធំបំផុតមួយនោះ។
ក្រុមបាតុករបានប្តូរពីការទាមទារឲ្យបញ្ចប់សេចក្តីស្នើច្បាប់ដែលមានការលុបចោល ពេលនេះដើម្បីបញ្ជូនពលរដ្ឋហុងកុងដែលពាក់ព័ន្ធនឹងបទឧក្រិដ្ឋទៅកាត់ទោសនៅចិនដីគោកនោះ គឺធ្វើបាតុកម្មទាមទារឲ្យមានការកែទម្រង់លទ្ធិប្រជាធិបតេយ្យ និងបញ្ចប់ការក្តោបក្តាប់អំណាចរបស់រដ្ឋាភិបាលក្រុងប៉េកាំងលើដែនដីហុងកុង។ មានក្រុមបាតុករជាច្រើនបានស្រែកថា ចូរផ្តល់សេរីភាពឲ្យដែនដីហុងកុង។
បាតុកម្មនេះគឺជាការរំជើបរំជួលក្នុងសង្គមដ៏ធ្ងន់ធ្ងរបំផុត នៅដែនដីដែលធ្លាប់រងអាណានិគមពីចក្រភពអង់គ្លេសតាំងពីហុងកុង បានក្លាយជាផ្នែកមួយនៃដែនដីគ្រប់គ្រងដោយចិនកាលពី២២ឆ្នាំមុន៕
