ភ្ជាប់​ទៅ​គេហទំព័រ​ទាក់ទង

ការ​បោះឆ្នោត​ដ៏​ក្តៅ​គគុក​នៅ​អាមេរិក​អាច​ឲ្យ​ជន​ភៀស​ខ្លួន​កូរ៉េ​ខាង​ជើង​ស្គាល់​រសជាតិ​លទ្ធិ​ប្រជាធិបតេយ្យ​ដ៏​ពិត​ប្រាកដ​មួយ


បាតុករ​រាប់រយ​នាក់​បាន​បាតុកម្ម​ប្រឆាំង​នឹង​លោកDonald Trump នៅ​ពេល​សម្ភោធ​សណ្ឋាគារ International Trump កាលពី​ថ្ងៃទី២៦ ខែតុលា ឆ្នាំ២០១៦។

ការ​ប្រកួត​ប្រជែង​ដណ្តើម​តំណែង​ប្រធានាធិបតី​អាមេរិក​នៅ​ក្នុង​ឆ្នាំ២០១៦ កាន់​តែ​ខិត​ជិត​ដល់​ទី​បញ្ចប់​ទៅ​ហើយ ដែល​ការ​ប្រកួត​ប្រជែង​នេះ​ពោរពេញ​ទៅ​ដោយ​ការ​ស្តី​បន្ទោស​ដាក់​គ្នា ពាក្យ​ចចាមអារ៉ាម និង​ការ​ប្រើ​ពាក្យ​អសុរោះ​ដាក់​គ្នា​ទៅ​វិញ​ទៅ​មក​ ដែល​បាន​ធ្វើ​ឲ្យ​មនុស្ស​មួយ​ចំនួន​ចាប់​ផ្តើម​មាន​ការ​សង្ស័យ​ទៅ​លើ​លទ្ធិ​ប្រជាធិបតេយ្យ​អាមេរិក។ ប៉ុន្តែ​ សម្រាប់​ជន​ភៀស​ខ្លួន​មួយ​ក្រុម​តូច​ គឺ​ពលរដ្ឋ​កូរ៉េ​ខាង​ជើង​ដែល​បាន​ពុះ​ពារ​មក​កាន់​សហរដ្ឋ​អាមេរិក​នោះ ការ​ទាស់​ទែង​ពាក្យ​សម្តី​ដាក់​គ្នា​និង​ភាព​ប្រទូស្តរាយ​ទាំង​នោះ​បាន​ធ្វើ​ឲ្យ​ពួក​គេ​មាន​ការ​ភ្ញាក់​ផ្អើល​យ៉ាង​ខ្លាំង ដែល​ធ្វើ​ឲ្យ​ពួក​គេ​ស្គាល់​រសជាតិ​នៃ​លទ្ធិ​ប្រជាធិបតេយ្យ​ដ៏​ពិត​ប្រាកដ​មួយ។

លោក Charles Kim ជន​ភៀស​ខ្លួន​មក​ពី​ប្រទេស​កូរ៉េ​ខាងជើង​ដែល​ចូល​មក​កាន់​សហរដ្ឋ​អាមេរិក​កាលពី​ឆ្នាំ​២០០៨ បាន​ថ្លែង​ថា៖ «វា​គួរ​ឲ្យ​អស់​សំណើច​ណាស់​នៅ​ពេល​ដែល​ឃើញ​បេក្ខជន​ទាំង​ពីរ​និយាយ​ដាក់​គ្នា​ទៅ​វិញ​ទៅ​មក»។

ពលរដ្ឋ​រស់​នៅ​ក្នុង​រដ្ឋ​ Virginia មួយ​រូប​បាន​បន្ថែម​ថា៖ «វា​មើល​ទៅ​ហាក់​ដូច​ជា​គ្មាន​ការ​គោរព​ហើយ​មិន​សមរម្យ​នោះ​ទេ​ពី​សំបក​ក្រៅ ប៉ុន្តែ​ប្រសិន​បើ​អ្នក​មើល​ឲ្យ​បាន​ស៊ី​ជម្រៅ​ទៅ​ អ្នក​នឹង​ឃើញ​ថា​លទ្ធិ​ប្រជាធិបតេយ្យ​នៅ​សហរដ្ឋ​អាមេរិក​ល្អ​ដល់​កម្រិត​ណា។ អ្នក​អាច​និយាយ​អ្វី​ដែល​អ្នក​ចង់​និយាយ​បាន​ ដោយ​សារ​តែ​សេរីភាព​ក្នុង​ការ​និយាយ​នៅ​ក្នុង​ប្រទេស​នេះ​មាន​ការ​ធានា​ ហើយ​ពលរដ្ឋ​អាច​ចោទ​ប្រកាន់​ប្រធានាធិបតី​ដោយ​មិន​មាន​ការ​ភ័យ​ខ្លាច​អ្វី​នោះ​ទេ»៕

XS
SM
MD
LG