ប្រទេសអ៊ីតាលីដែលទទួលរងផលប៉ះពាល់ធ្ងន់ធ្ងរបំផុតពីការផ្ទុះឡើងនៃការឆ្លងវីរុសកូរ៉ូណាថ្មី បានរាយការណ៍ថានៅថ្ងៃអង្គារជាថ្ងៃទីបីជាប់ៗគ្នាដែលការស្លាប់ប្រចាំថ្ងៃនិងការឆ្លងថ្មីបានធ្លាក់ចុះ។
ករណីស្លាប់ចំនួន៦០១នាក់ដែលបានកត់ត្រានៅថ្ងៃចន្ទនៅតែជាតួលេខគួរឱ្យភ្ញាក់ផ្អើលមួយប៉ុន្តែនេះគឺជាការប្រសើរឡើងយ៉ាងខ្លាំងបើធៀបនឹងករណីស្លាប់ជិត ៨០០ នាក់កាលពីថ្ងៃសៅរ៍។
ប្រទេសអ៊ីតាលី បានរាយការណ៍ថាមានអ្នកស្លាប់ជាង ៦.០០០ នាក់និងមានករណីឆ្លងសរុបខ្ពស់ជាងគេទី២ បន្ទាប់ពីប្រទេសចិន ។ ក្រុមមន្ត្រីបានដាក់ប្រទេសទាំងមូលឱ្យនៅជាប់គាំងកាលពីពីរសប្តាហ៍មុនដោយសង្ឃឹមថាការធ្វើបែបនេះនឹងជួយបញ្ឈប់ការរីករាលដាលនៃវីរុសនេះដែលបានសាយភាយស្ទើរតែគ្រប់ប្រទេសនៅលើភពផែនដី។
ប្រទេសកូរ៉េខាងត្បូងដែលធ្លាប់កាន់តំណែងជាប្រទេសមួយដែលរងគ្រោះខ្លាំងជាងគេបានបង្ហាញវឌ្ឍនភាពបន្តរបស់ខ្លួនដោយរាយការណ៍នៅថ្ងៃអង្គារថាមានការកើនឡើងជារៀងរាល់ថ្ងៃក្នុងករណីថ្មីចំនួន៧៦ ។ នេះជាថ្ងៃទី១៣ជាប់គ្នាហើយ ដែលចំនួនអ្នកឆ្លងថ្មីក្នុងមួយថ្ងៃស្ថិតនៅក្រោម១០០ នាក់។
ទន្ទឹមពេលគ្នានេះដែរ ប្រទេសចិននៅតែបន្តរាយការណ៍អំពីភាពប្រសើរឡើងរបស់ខ្លួនដោយមានករណីឆ្លងក្នុងស្រុកចំនួនបួននៅក្នុងតួលេខចុងក្រោយរបស់ខ្លួននៅថ្ងៃអង្គារនេះ៕
