ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក Guterres ព្រមាន​មេដឹកនាំ​ពិភពលោក​ថា​ ពួកគេ​កំពុង​តែ​ចាញ់​សមរភូមិ​ប្រយុទ្ធ​នឹង​ការ​ប្រែប្រួល​អាកាសធាតុ


អគ្គលេខាធិការ​អង្គការ​សហប្រជាជាតិ​លោក Antonio Guterres មាន​ប្រសាសន៍​នៅ​ឯ​មហាសន្និបាត​អង្គការ​សហប្រជាជាតិលើកទី៧៤ នៅក្រុងញូវយ៉ក។
អគ្គលេខាធិការ​អង្គការ​សហប្រជាជាតិ​លោក Antonio Guterres មាន​ប្រសាសន៍​នៅ​ឯ​មហាសន្និបាត​អង្គការ​សហប្រជាជាតិលើកទី៧៤ នៅក្រុងញូវយ៉ក។

លោក Guterres បាន​និយាយ​ថា ដំណោះស្រាយ​ចំពោះ​អ្វី​ដែល​លោក​ហៅ​ថា​គឺ​ជា​«វិបត្តិ​អាកាសធាតុ‍»​ ត្រូវ​បាន​ពិភាក្សា​នៅ​កិច្ច​ប្រជុំកំពូល​ស្ដីពី​វិធានការ​ចំពោះ​អាកាសធាតុ​របស់​អង្គការ​សហប្រជាជាតិ​កាល​ពី​ថ្ងៃ​ច័ន្ទ។

អគ្គលេខាធិការ​អង្គការ​សហប្រជាជាតិ​លោក Antonio Guterres បាន​មាន​ប្រសាសន៍​នៅ​ឯ​មហាសន្និបាត​អង្គការ​សហប្រជាជាតិ​ថា ពិភពលោក​កំពុង​តែ​ចាញ់​សមរភូមិ​ប្រយុទ្ធ​ជាមួយនឹង​ការ​ប្រែប្រួល​អាកាសធាតុ ប៉ុន្តែ​នៅ​តែ​មាន​ពេលវេលា​ដើម្បី​ប្រយុទ្ធប្រឆាំង​នឹង​ឥទ្ធិពល​នៃ​គ្រោះ​ធម្មជាតិ​សកលលោក​មួយ​នេះ។

លោក Guterres បាន​និយាយ​ថា៖ «យើង​កំពុង​តែ​ឃើញ​មាន​សីតុណ្ហភាព​មិន​ធ្លាប់​មាន​ពី​មុន​មក ព្យុះ​សង្ឃរា​ឥតឈប់ឈរ​និង​លទ្ធផល​ស្រាវជ្រាវ​វិទ្យាសាស្ត្រ​ដែល​មិន​អាច​បដិសេធ​បាន។ ពិភពលោក​កំពុង​តែ​វិវត្តន៍​ទៅ​មុខ ថ្វីត្បិត​តែ​មិន​ស្ថិត​ក្នុង​ល្បឿន​លឿន​គ្រប់គ្រាន់​មួយ ប៉ុន្តែ​ក្នុង​ទិសដៅ​ដ៏​ត្រឹមត្រូវ​មួយ គឺ​ការ​ឃ្លាត​ឆ្ងាយ​ពី​ការ​ប្រើប្រាស់​ប្រេង​ឥន្ធនៈ​ផូស៊ីល​និង​ឈាន​ទៅ​រក​ការ​ប្រើប្រាស់​ថាមពល​ផលិត​ឡើង​វិញ​បាន‍»។

លោក Guterres បាន​និយាយ​ថា ដំណោះស្រាយ​ចំពោះ​អ្វី​ដែល​លោក​ហៅ​ថា​គឺ​ជា​«វិបត្តិ​អាកាសធាតុ‍»​ ត្រូវ​បាន​ពិភាក្សា​នៅ​កិច្ច​ប្រជុំកំពូល​ស្ដីពី​វិធានការ​ចំពោះ​អាកាសធាតុ​របស់​អង្គការ​សហប្រជាជាតិ​កាល​ពី​ថ្ងៃ​ច័ន្ទ។ លោក​បាន​គូសបញ្ជាក់​អំពី​តម្រូវការ​សម្រាប់​មេដឹកនាំ​ពិភពលោក​ក្នុង​ការ​ស្វែងរក​ដំណោះស្រាយ​ដើម្បី​រក្សា​ឲ្យ​សីតុណ្ហភាព​ពិភពលោក​កើនឡើង​ត្រឹម​១,៥​អង្សារសេ និង​រក្សា​តុល្យភាព​ការ​បញ្ចេញ​ឧស្ម័ន​កាបូនិច​ត្រឹម​ឆ្នាំ​២០៥០‍។

លោក Guterres បាន​អំពាវនាវ​ឲ្យ​ឈប់​ប្រើប្រាស់​ប្រេង​ឥន្ធនៈ​ផូស៊ីល​និង​បញ្ឈប់​ការ​សាងសង់​រោងចក្រ​ផលិត​ថាមពល​ធ្យូង។ លោក​ក៏​បាន​និយាយ​ថា ដល់​ពេល​ដែល​ត្រូវ​ជួយ​ថវិកា​បដិភាគ​ដល់​ឧស្សាហកម្ម​ប្រេង​ឥន្ធនៈ​ផូស៊ីល​និង​ឈប់​យក​ពន្ធ​លើ​ប្រាក់​ចំណូល​ប្រចាំខែ ប៉ុន្តែ​យក​ពន្ធ​ពី​ឧស្សាហកម្ម​ដែល​បំពុល​បរិស្ថាន​ជំនួស​វិញ៕

XS
SM
MD
LG