ភ្ជាប់​ទៅ​គេហទំព័រ​ទាក់ទង

Angela Merkel​​​៖ ជំនឿ​​​ទុក​​​ចិត្ត​​​ជាមួយ​​​អាមេរិក​​​បាន​​​ខូចខាត


ប្រធានាធិបតី​​​អាមេរិក​​​លោក​​​  Barack Obama (រូប​​​ខាង​​​ស្ដាំ​​​)  និង​​​លោក​​​អធិការបតី​​​ Angela Merkel​​​ នៃ​​​ប្រទេស​​​អាល្លឺម៉ង់​​​ក្នុង​​​ការ​​​ប្រជុំ​​​ G7​​​ក្នុង​​​ទីក្រុង​​​​ព្រុចសែល (Brussels​​​)​​​។

លោក​ស្រី​អធិការបតី​ Angela Merkel​ នៃ​ប្រទេស​អាល្លឺម៉ង់​ថ្លែង​ថា​ ការ​បែកបាក់​ទំនុក​ចិត្ត​គ្នា​រវាង​ សហរដ្ឋអាមេរិក​ និង​ប្រទេស​របស់​លោក​ស្រី​ ជុំវិញ​រឿង​ចារកម្ម​កន្លងមក​បាន​បង្ហាញ​ថា ​ប្រទេស​ទាំង​ពីរ «មាន​ការយល់​ដឹង​មូលដ្ឋាន​ប្លែក​គ្នា​»​ លើ​កិច្ច​ការរបស់​ទីភ្នាក់ងារ​ស៊ើប​ការ​សម្ងាត់។

ថ្លែង​ប្រាប់​ទូរទស្សន៍​ ZDF​ក្នុង​ប្រទេស​អាល្លឺម៉ង់​កាល​ពី​ថ្ងៃ​សៅរ៍​ លោក​ស្រី​មាន​ប្រសាសន៍​ថា​លោក​ស្រី​ចង់​ឃើញ​សហរដ្ឋ​អាមេរិក​កែប្រែ​អាកប្បកិរិយាចារកម្ម​របស់​ខ្លួន​។ លោក​ស្រី​អះអាង​ថា​ «យើង​មិន​អាច​រស់នៅ​ក្នុង​សម័យ​សង្គ្រាម​ត្រជាក់​ទៀត​ទេ»​។​

សូម​បញ្ជាក់​ថា​កាល​ពី​ថ្ងៃ​ព្រហស្បតិ៍​កន្លង​ទៅ​ ប្រទេស​អាល្លឺម៉ង់​ក៏បាន​ទាមទារ​ឲ្យមេដឹកនាំ​ជាន់​ខ្ពស់​ចារកម្ម​របស់​អាមេរិក​នៅ​ក្នុង​ទីក្រុង​ប៊ែកឡាំង​ (Berlin)ចាក់ចេញ​ពី​ប្រទេស​អាល្លឺម៉ង់​ផង​ដែរ​។ ការ​ទាមទារ​នេះ​ធ្វើ​ឡើង​ក្រោយ​រក​ឃើញ​ថាមន្ត្រី​អាល្លឺម៉ង់​ពីរ​នាក់​បាន​ធ្វើ​ការ​ឲ្យ​ទីភ្នាក់ងារ​ស៊ើប​ការ​សម្ងាត់​របស់​អាមេរិក​៕

XS
SM
MD
LG