ភ្ជាប់​ទៅ​គេហទំព័រ​ទាក់ទង

កង្វះ​ថវិកា​និង​សុខភាព​ជន​ជាប់​ចោទ​ជា​បញ្ហា​ប្រឈម​ចម្បង​របស់​សាលាក្តី​ខ្មែរ​ក្រហម

  • គង់ សុឋានរិទ្ធ

សម្ពាធ​ថវិកា​និង​ភាព​ចាស់​ជរា​របស់​ជន​ជាប់ចោទ​បាន​ក្លាយ​ជា​បញ្ហា​ប្រឈម​សំខាន់​ចំនួន​ពីរ​នៅ​ក្នុង​សាលាក្តី​ខ្មែរក្រហម។
ភ្នំពេញ៖ សម្ពាធ​ថវិកា​និង​ភាព​ចាស់​ជរា​របស់​ជន​ជាប់ចោទ​បាន​ក្លាយ​ជា​បញ្ហា​ប្រឈម​សំខាន់​ចំនួន​ពីរ​នៅ​ក្នុង​សាលាក្តី​ខ្មែរក្រហម។

លោក នេត្រ ភក្ត្រា អ្នក​នាំ​ពាក្យ​សាលាក្តី​ខ្មែរក្រហម​បាន​និយាយ​កាល​ពី​ថ្ងៃ​ច័ន្ទ​ក្នុង​កម្មវិធី​ហេឡូ​វីអូអេ​ថា​ បញ្ហា​ថវិកា​នាំ​ឲ្យ​មាន​ភាព​តានតឹង​ក្នុង​ចំណោម​បុគ្គលិក​ជាតិ​ចាប់​តាំង​ពី​ខែ​ធ្នូ​មក​ម្ល៉េះ​ ប៉ុន្តែ​លោក​រំពឹង​ថា​ពួក​គេ​នឹង​ទទួល​បាន​ប្រាក់ខែ​ក្នុង​រយៈពេល​មួយ​ឬ​ពីរ​សប្តាហ៍​ទៀត​ដោយសារ​មាន​ជំនួយ​បន្ថែម​ពី​សហភាព​អឺរ៉ុប។

លោក នេត្រ ភក្ត្រា អ្នក​នាំ​ពាក្យ​សាលាក្តី​ខ្មែរ​ក្រហម ចូល​រួម​នៅ​ក្នុង​កម្មវិធី​ហេឡូវីអូអេ កាល​ពី​ថ្ងៃ​ទី​២៥ ខែ​កុម្ភៈ ឆ្នាំ​២០១៣។
លោក នេត្រ ភក្ត្រា អ្នក​នាំ​ពាក្យ​សាលាក្តី​ខ្មែរ​ក្រហម ចូល​រួម​នៅ​ក្នុង​កម្មវិធី​ហេឡូវីអូអេ កាល​ពី​ថ្ងៃ​ទី​២៥ ខែ​កុម្ភៈ ឆ្នាំ​២០១៣។
អ្នក​នាំពាក្យ​សាលាក្តី​ខ្មែរក្រហម​ដដែល​បញ្ជាក់​ថា ​បញ្ហា​ថវិកា​អាស្រ័យ​លើ​សហគមន៍​អន្តរជាតិ​ដែល​ជា​ម្ចាស់​ជំនួយ។ រី​ឯ​បញ្ហា​សុខភាព​របស់​ជន​ជាប់ចោទ​គឺ​ជា​គន្លឹះ​ដែល​នឹង​នាំ​ឲ្យ​មាន​ការ​ពន្យារ​ពេល​ ឬ​លើក​ពេល​សវនាការ​ដោយសារ​តែ​វិធាន​ផ្ទៃ​ក្នុង​នៃ​សាលាក្តី​ខ្មែរក្រហម​តម្រូវ​ឲ្យ​ជនជាប់​ចោទ​មាន​វត្តមាន​ក្នុង​សវនាការ។

សាលាក្តី​ខ្មែរក្រហម​បាន​លើក​ពេល​សវនាការ​មួយ​ចំនួន​កន្លង​មក​ហើយ​ ដោយសារ​តែ​បញ្ហា​សុខភាព​របស់​ នួន ជា និង​ អៀង សារី។

អតីត​ប្រធាន​សភា​ខ្មែរក្រហម​ទើប​តែ​ចេញ​ពី​មន្ទីរពេទ្យ​កាល​ពី​ថ្ងៃទី​១៩​ខែ​កុម្ភៈ​បន្ទាប់​ពី​សម្រាក​ព្យាបាល​អស់​រយៈពេល​១៧​ថ្ងៃ៕

តើ​អ្នកគិត​ថា​ការ​ជំនុំ​ជម្រះ​អតីត​មេដឹកនាំ​ខ្មែរ​ក្រហម​នឹង​បាន​ធ្វើ​ចប់​សព្វ​គ្រប់​ទេ?
XS
SM
MD
LG