ភ្ជាប់​ទៅ​គេហទំព័រ​ទាក់ទង

សកម្មជន​​រុស្ស៊ី​ដែល​ទើប​ត្រូវ​ដោះ​លែង​​អំពាវនាវ​ឲ្យ​ធ្វើ​ពហិការ​កុំ​ចូល​រួម​ការ​បោះឆ្នោត​ប្រធានា​ធិបតី


រូបឯកសារ៖ លោក Sergei Udaltsov សកម្មជន​ប្រឆាំង​លើក​ដៃ​នៅ​ពេល​លោក​ទៅ​ដល់តុលាការ​កាល​ពី​ខែ​កក្កដា ឆ្នាំ​២០១៤ ក្នុង​ទីក្រុង​មូស្គូ។

សកម្ម​ជន​ជាតិ​រុស្ស៊ី​ម្នាក់​ដែល​បាន​ដោះ​លែង​ចេញពី​ពន្ធនាគារ​នៅ​សប្តាហ៍​នេះ​បន្ទាប់​ពី​ជាប់​ពន្ធនាគារ​៤ឆ្នាំ​៦ខែ​ បាន​និយាយថា​លោក​មាន​ផែនការ​បន្ត​ដាក់​ការ​គាប​សង្កត់​ប្រធានា​ធិបតី ​Vladimir Putin ​ហើយលោក​នឹង​លើក​ទឹក​ចិត្ត​ឲ្យ​ពួក​សកម្ម​ជន​ធ្វើ​ពហិការ​មិន​ចូល​រួម​ការ​បោះឆ្នោត​នៅ​ឆ្នាំ​ក្រោយ។

ថ្លែងកាល​ពី​ថ្ងៃ​ព្រហស្បតិ៍​នៅ​ក្នុង​សន្និសីទ​កាសែត​មួយ ​លោ Sergei Udaltsov ឥស្សរៈជន​ឆ្វេង​និយម​របស់​គណបក្ស​ប្រឆាំង​រុស្ស៊ី​បាន​និយាយ​ថា ​ការ​បោះឆ្នោត​រុស្ស៊ី​មាន​ភាព​មិន​ត្រឹម​ត្រូវ​ ហើយ​បាន​អំពាវនាវ​ឲ្យ​ធ្វើ​ពហិការ​កុំ​ចូលរួមការ​បោះ​ឆ្នោត​នេះ។

លោក​បាន​ប្រាប់​ពួក​អ្នក​យក​ព័ត៌មាន​ថា៖ «ពួក​អាជ្ញាធរ​បានធ្វើ​ការ​ផ្លាស់​ប្តូរច្បាប់​បោះ​ឆ្នោត​ដូចជា​មនុស្ស​បោក​ប្រាស់‍»។

លោក​ Udaltsov ​អាយុ​៤០​ឆ្នាំ​បាន​ដឹកនាំ​អង្គការ​ឆ្វេង​និយម​ដែល​គេ​ហាម​ឃាត់​នៅ​ក្នុងការ​តវ៉ា​ប្រឆាំង​នៅ​តាម​ផ្លូវ​នានា​នៅ​ឆ្នាំ​២០១១​និង​ឆ្នាំ​២០១២​ ដើម្បី​ប្រឆាំង​ការ​បោះឆ្នោត​ឲ្យ​លោក​ Putin​ ជាប់​ឆ្នោត​ប្រធានា​ធិបតី​អាណត្តិ​ទី៣។ លោក​បាន​ត្រូវ​តុលាការ​កាត់​ឲ្យ​ជាប់​ទោស​នៅ​ឆ្នាំ​២០១៤​ពី​ការ​បង្ករ​ហេតុ​ឲ្យ​មាន​កុបកម្ម​ដ៏​ធំ​មួយ។ លោក​ Udaltsov​ បាន​និយាយកាល​ពី​ថ្ងៃ​ព្រហស្បតិ៍​ថា លោក​នឹង​បញ្ចៀស​កាល​ចូល​រួម​នៅ​ក្នុងការ​តវ៉ា​នៅ​តាម​ផ្លូវ​នានា ​ក៏ប៉ុន្តែ ​លោក​នឹង​បន្តប្រឆាំង​រដ្ឋាភិបាល​របស់​លោក​ Putin ​ហើយ​នឹង​ដាក់​ការ​គាប​សង្កត់​ក្នុង​ការ​គាំទ្រ​បញ្ហា​សង្គម​នានា។

លោក​បាននិយាយ​ថា៖ «​វា​នឹង​ក្លាយ​ជា​ការ​គិត​ខ្លី​របស់​ខ្ញុំក្នុង​ការ​ប្រកាន់​ជំហរ​ដើម្បី​បង្ហាញ​កាំភ្លើង​ហើយ​អំពាវនាវ​ឲ្យពលរដ្ឋ​ធ្វើ​បាតុកម្ម។​ អស់​លោក ​អ្នក ​នឹង​សើច​ចំអក​ឲ្យ​ខ្ញុំ​ហើយ​គិត​ថា ​ខ្ញុំ​ជា​មនុស្ស​ឡប់​ដែល​ខ្ញុំ​បាន​ចំណាយ​ពេល​យ៉ាង​យូរ​នៅ​ក្នុង​គុក​ហើយ​ឥឡូវ​នេះ ​ខ្ញុំ​អំពាវនាវ​មនុស្ស​ផ្សេង​ទៀត​ឲ្យ​ធ្វើ​បាតុកម្ម​ម្តង​ទៀត»។

ខណៈ​ដែល​លោក​ Udaltsov​ បាន​និយាយ​ថា ​លោក​នឹង​មិន​ចូលរួម​ការ​តវ៉ា​ប្រឆាំង​នៅ​តាម​ផ្លូវ ​លោក​បាន​និយាយ​ថា ​លោក​នៅ​តែ​មាន​សកម្ម​ភាព​នៅ​ក្នុង​ចលនា​ហើយ​នៅ​រដូវ​ស្លឹក​ឈើ​ជ្រុះ ​«អស់​លោក ​អ្នក​នឹង​ឮ​អំពី​បាតុកម្ម​របស់​យើង​ហើយ​នឹង​អំពីយុទ្ធនាការ​របស់​យើង»៕

XS
SM
MD
LG