ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

លោក ​ Da Silva អតីត​ប្រធានាធិបតី​ប្រេស៊ីល​ត្រូវប៉ូលិស​ឃុំខ្លួន


អ្នក​គាំទ្រ​អតីត​ប្រធានាធិបតី​ប្រេស៊ីល​ Luiz Inacio Lula da Silva ប្រមូល​ផ្តុំ​គ្នា​នោ​ខាង​មុខ​ការិយាល័យ​សហជីព​កម្មករក្នុង​ទីក្រុង​ Sao Bernardo do Campo ប្រទេស​ប្រេស៊ីលកាលពី​ថ្ងៃទី​០៧ មេសា ២០១៨។
អ្នក​គាំទ្រ​អតីត​ប្រធានាធិបតី​ប្រេស៊ីល​ Luiz Inacio Lula da Silva ប្រមូល​ផ្តុំ​គ្នា​នោ​ខាង​មុខ​ការិយាល័យ​សហជីព​កម្មករក្នុង​ទីក្រុង​ Sao Bernardo do Campo ប្រទេស​ប្រេស៊ីលកាលពី​ថ្ងៃទី​០៧ មេសា ២០១៨។

អតីត​ប្រធានាធិបតី​ប្រេស៊ីល​លោក​ Luiz Inacio Lula da Silva ​បាន​សុខចិត្ត​ឱ្យ​ប៉ូលិស​ចាប់ខ្លួន​កាលពីថ្ងៃសៅរ៍​គឺ​មួយថ្ងៃក្រោយ​ពី​លោក​បាន​ចាប់​ផ្តើម​បង្ក​ឱ្យ​មាន​ការប្រឈម​មុខ​គ្នា​រវាងអ្នកគាំទ្រ​រូប​លោក​និង​ប៉ូលិស។ តុលាការ​បាន​បញ្ជា​ឱ្យ​ចាប់​ខ្លួន​លោក​ដើម្បីយក​មក​ដាក់​ពន្ធនាគារ​។

លោក​ Da Silva ​បាន​ចាកចេញ​ពី​អគារ​ដែក​របស់​ក្រុម​សហជីព​កម្មករ​ដែល​លោក​បាន​រត់ចូល​ជ្រកកោន​ហើយ​មាន​កងអង្គរក្ស​ជាច្រើន​នាក់​បាន​នៅ​ការពារ។ មុនពេល​ប្រគល់ខ្លួន​ក្រុម​អ្នក​គាំទ្រ​របស់​លោក​បាន​ព្យាយាម​រារាំង​លោក​មិន​ឱ្យ​ចាកចេញ​ពីទីនោះទេ។​

លោក​បាន​ចូលក្នុង​រថយន្តប៉ូលិស​ហើយ​ត្រូវ​បាន​ដឹកចេញ​ទៅ​ស្ថានីយ៍​ប៉ូលិស​ក្រុង​ Sao Paolo។ បន្ទាប់ពីនេះ​លោក​នឹង​ត្រូវ​គេ​ដឹក​តាម​យន្តហោះ​ទៅ​ទីក្រុង​ Curitiba​ ទីដែល​មានការស៊ើប​អង្កេត​សំណុំរឿង​ប្រឆាំង​នឹង​អំពើ​ពុករលួយនៅក្នុង​ប្រទេស​ប្រេស៊ីល។​

នៅក្នុង​សុន្ទរកថា​លើក​ដំបូង​ចាប់តាំងពី​តុលាការ​បាន​ចេញដីកា​ចាប់​ខ្លួន​កាលពីថ្ងៃព្រហស្បតិ៍​ លោក​ Da Silva ​បាន​ប្រាប់​ដល់​ក្រុមអ្នកគាំទ្រ​កាលពីថ្ងៃសុក្រ​ថា​លោក​មិន​មាន​កំហុស​អ្វី​ទេ​ហើយ​ត្រូវ​គេ​បង្កើត​រឿង​ឡើង​ដើម្បី រារាំង​រូបលោក​មិន​ឱ្យ​ឈរ​ឈ្មោះ​សម្រាប់​ការបោះឆ្នោត​ប្រធានាធិបតី​ជាថ្មី​ក្នុង​ខែ​តុលា។

លោក​ Da Silva ​ត្រូវ​ទទួល​ទោស​ជាប់​ពន្ធនាគារ​រយៈពេល​១២​ឆ្នាំ​ចាប់​ពីថ្ងៃសុក្រ​ពាក់​ព័ន្ធ​នឹង​ការ​ប្រព្រឹត្តិ​អំពើ​ពុករលួយ៕

XS
SM
MD
LG