ភ្នំពេញ —
យ៉ាងហោចណាស់មានមនុស្ស៣០នាក់បានស្លាប់ដោយសារជំនន់ទឹកភ្លៀងនិងជំនន់ទន្លេមេគង្គ។ នេះបើតាមមន្ត្រីជាន់ខ្ពស់របស់គណៈកម្មាធិការជាតិគ្រប់គ្រងគ្រោះមហន្តរាយដែលឱ្យដឹងនៅថ្ងៃច័ន្ទនេះ។
មន្ត្រីដដែលដែលសុំមិនបញ្ចេញឈ្មោះបន្ថែមថា ទឹកជំនន់នាប៉ុន្មានថ្ងៃកន្លងមកនេះបាននាំឱ្យមានការប៉ះពាល់ប្រជាពលរដ្ឋរងគ្រោះ៨១៣៥៧គ្រួសារ ពលរដ្ឋ៩៥០៩គ្រួសារត្រូវជម្លៀសចេញទៅទីទួលមានសុវត្ថិភាព និងនាំឱ្យលិចផ្ទះ៦៧៥៥១ខ្នង ក្នុងនោះមាន២៥ខ្នងខូចខាតទាំងស្រុង។ ដោយឡែកដំណាំស្រូវ៩៣១០០ហិចតានិងដំណាំរួមផ្សំ៣៨៤៤ហិចតា សាលារៀន៥១៣ខ្នង មន្ទីរពេទ្យ ២៥ខ្នងនិងវត្តអារាម២៨៣វត្តត្រូវបានជន់លិច។
កំពុងអង្គុយខាងមុខផ្ទះដែលលិចទឹកក្នុងសង្កាត់ព្រែកលាប ខណ្ឌឫស្សីកែវ លោកសុង សារឿន អាយុ៥៣ឆ្នាំ ត្អូញត្អែរពីផលប៉ះពាល់នៃការជន់លិចនេះមកលើជីវភាពគ្រួសារលោក។
«លិចតាំងពីក្រោមផ្ទះមកដល់មុខផ្ទះ។ លិចប្រហែល៣តឹកហើយ។ បើលិចខ្លាំង ខ្ញុំជម្លៀសទៅនៅដីគេជិតថ្នល់ជាតិ។ របស់របរណាអាចអណ្តែតទឹក យើងលើកមកលើផ្ទះ មាន់ទាអីយើងដាក់លើទ្រនើរ។ ពិបាកណាស់រឿងបត់ជើងបត់ដៃ ព្រោះបង្គន់នៅក្រោយផ្ទះ ដល់ពេលទឹកលិចអញ្ចឹង យើងបានអ្វីបត់ជើងបត់ដៃទៀត? រកស៊ីក៏ពិបាកព្រោះទឹកលិចអញ្ចឹងមានអ្នកណាគេមកចូលហូប»។
លោកលឹម ម៉ាក់សាវី អាយុ៣០ឆ្នាំ ប្រកបរបរដាំបន្លែ និងធ្វើការសំណង់។ គាត់ជាពលរដ្ឋម្នាក់ទៀតរស់នៅឃុំព្រែកតាសេក ក្នុងខណ្ឌនេះដែរ។ កំពុងស្លៀកខោខ្លីឈររលាស់មងនៅខាងមុខផ្ទះតៀមតូចមួយរបស់ខ្លួនដែលលិចត្រឹមជើងសរសរផ្ទះ លោកលឹម ម៉ាក់សាវីបានរៀបរាប់ស្រដៀងគ្នានេះដែរ។
«លិចដល់ត្រឹមជើងសរសរហើយ។ ភ្លៀងមួយយប់ទៀតលិចដល់រនៀបហើយ។ កាលពីមុនទឹកលិច ខ្ញុំមានជីវភាពធូរធារបន្តិចដែរ ដោយសារបានដាំបន្លែ ប៉ុន្តែឥឡូវបន្លែលិចអស់អញ្ចឹងគឺមានតែដាក់មង និងធ្វើការសំណង់ ហើយសំណង់ឥឡូវ គេបិទទៀត បិទតាំងពីមុនបោះឆ្នោតមកម្ល៉េះ។ អញ្ចឹងឥឡូវដាក់តែមងត្រីទេ»។
បុរសជាឪពុកកូន២នាក់រូបនេះមានគម្រោងជម្លៀសទៅទីទួលខ្ពស់ក្បែរៗនោះដើម្បីស្នាក់នៅបណ្តោះអាសន្នជាមួយគ្រួសារ ប្រសិនបើទឹកនៅបន្តឡើងខ្លាំង។
ភ្លៀងបានបង្អុលធ្លាក់ប៉ុន្មានថ្ងៃជាប់ៗគ្នា ខណៈដែលប្រជាពលរដ្ឋកំពុងប្រារព្ធពិធីកាន់បិណ្ឌ។ ទឹកភ្លៀងបានធ្វើឱ្យអាងទន្លេមេគង្គឡើងខ្ពស់ ដូចជានៅខេត្តស្ទឹងត្រែង ក្រចេះ និងខេត្តកំពង់ចាម មានកម្ពស់ទឹកខ្ពស់ជាងកម្រិតប្រកាសអាសន្ន ហើយទឹកបានហូរធ្លាក់មកបណ្តាខេត្តក្រុងផ្នែកខាងក្រោមទន្លេមេគង្គ មានដូចជាព្រៃវែង កណ្តាល និងភ្នំពេញជាដើម។
តួយ៉ាងមកទល់ថ្ងៃនេះ នៅភ្នំពេញមានកម្ពស់ទឹក១០,២៦ម៉ែត្រគឺ០,២ម៉ែត្រក្រោមកម្រិតប្រកាសអាសន្ន។ មន្ត្រីគណៈកម្មាធិការជាតិគ្រប់គ្រងគ្រោះមហន្តរាយដដែលរូបនេះ ឱ្យដឹងទៀតថា កម្ពស់ទឹករំពឹងថា នឹងកើនឡើងថែមទៀតក្នុងរយៈពេល២ទៅ៣ថ្ងៃខាងមុខ ដោយសារតែព្យុះនៅប្រទេសវៀតណាមធ្វើឱ្យមានប្រព័ន្ធសម្ពាធទាបនៅអាងទន្លេមេគង្គលើ៕
មន្ត្រីដដែលដែលសុំមិនបញ្ចេញឈ្មោះបន្ថែមថា ទឹកជំនន់នាប៉ុន្មានថ្ងៃកន្លងមកនេះបាននាំឱ្យមានការប៉ះពាល់ប្រជាពលរដ្ឋរងគ្រោះ៨១៣៥៧គ្រួសារ ពលរដ្ឋ៩៥០៩គ្រួសារត្រូវជម្លៀសចេញទៅទីទួលមានសុវត្ថិភាព និងនាំឱ្យលិចផ្ទះ៦៧៥៥១ខ្នង ក្នុងនោះមាន២៥ខ្នងខូចខាតទាំងស្រុង។ ដោយឡែកដំណាំស្រូវ៩៣១០០ហិចតានិងដំណាំរួមផ្សំ៣៨៤៤ហិចតា សាលារៀន៥១៣ខ្នង មន្ទីរពេទ្យ ២៥ខ្នងនិងវត្តអារាម២៨៣វត្តត្រូវបានជន់លិច។
កំពុងអង្គុយខាងមុខផ្ទះដែលលិចទឹកក្នុងសង្កាត់ព្រែកលាប ខណ្ឌឫស្សីកែវ លោកសុង សារឿន អាយុ៥៣ឆ្នាំ ត្អូញត្អែរពីផលប៉ះពាល់នៃការជន់លិចនេះមកលើជីវភាពគ្រួសារលោក។
«លិចតាំងពីក្រោមផ្ទះមកដល់មុខផ្ទះ។ លិចប្រហែល៣តឹកហើយ។ បើលិចខ្លាំង ខ្ញុំជម្លៀសទៅនៅដីគេជិតថ្នល់ជាតិ។ របស់របរណាអាចអណ្តែតទឹក យើងលើកមកលើផ្ទះ មាន់ទាអីយើងដាក់លើទ្រនើរ។ ពិបាកណាស់រឿងបត់ជើងបត់ដៃ ព្រោះបង្គន់នៅក្រោយផ្ទះ ដល់ពេលទឹកលិចអញ្ចឹង យើងបានអ្វីបត់ជើងបត់ដៃទៀត? រកស៊ីក៏ពិបាកព្រោះទឹកលិចអញ្ចឹងមានអ្នកណាគេមកចូលហូប»។
លោកលឹម ម៉ាក់សាវី អាយុ៣០ឆ្នាំ ប្រកបរបរដាំបន្លែ និងធ្វើការសំណង់។ គាត់ជាពលរដ្ឋម្នាក់ទៀតរស់នៅឃុំព្រែកតាសេក ក្នុងខណ្ឌនេះដែរ។ កំពុងស្លៀកខោខ្លីឈររលាស់មងនៅខាងមុខផ្ទះតៀមតូចមួយរបស់ខ្លួនដែលលិចត្រឹមជើងសរសរផ្ទះ លោកលឹម ម៉ាក់សាវីបានរៀបរាប់ស្រដៀងគ្នានេះដែរ។
«លិចដល់ត្រឹមជើងសរសរហើយ។ ភ្លៀងមួយយប់ទៀតលិចដល់រនៀបហើយ។ កាលពីមុនទឹកលិច ខ្ញុំមានជីវភាពធូរធារបន្តិចដែរ ដោយសារបានដាំបន្លែ ប៉ុន្តែឥឡូវបន្លែលិចអស់អញ្ចឹងគឺមានតែដាក់មង និងធ្វើការសំណង់ ហើយសំណង់ឥឡូវ គេបិទទៀត បិទតាំងពីមុនបោះឆ្នោតមកម្ល៉េះ។ អញ្ចឹងឥឡូវដាក់តែមងត្រីទេ»។
បុរសជាឪពុកកូន២នាក់រូបនេះមានគម្រោងជម្លៀសទៅទីទួលខ្ពស់ក្បែរៗនោះដើម្បីស្នាក់នៅបណ្តោះអាសន្នជាមួយគ្រួសារ ប្រសិនបើទឹកនៅបន្តឡើងខ្លាំង។
ភ្លៀងបានបង្អុលធ្លាក់ប៉ុន្មានថ្ងៃជាប់ៗគ្នា ខណៈដែលប្រជាពលរដ្ឋកំពុងប្រារព្ធពិធីកាន់បិណ្ឌ។ ទឹកភ្លៀងបានធ្វើឱ្យអាងទន្លេមេគង្គឡើងខ្ពស់ ដូចជានៅខេត្តស្ទឹងត្រែង ក្រចេះ និងខេត្តកំពង់ចាម មានកម្ពស់ទឹកខ្ពស់ជាងកម្រិតប្រកាសអាសន្ន ហើយទឹកបានហូរធ្លាក់មកបណ្តាខេត្តក្រុងផ្នែកខាងក្រោមទន្លេមេគង្គ មានដូចជាព្រៃវែង កណ្តាល និងភ្នំពេញជាដើម។
តួយ៉ាងមកទល់ថ្ងៃនេះ នៅភ្នំពេញមានកម្ពស់ទឹក១០,២៦ម៉ែត្រគឺ០,២ម៉ែត្រក្រោមកម្រិតប្រកាសអាសន្ន។ មន្ត្រីគណៈកម្មាធិការជាតិគ្រប់គ្រងគ្រោះមហន្តរាយដដែលរូបនេះ ឱ្យដឹងទៀតថា កម្ពស់ទឹករំពឹងថា នឹងកើនឡើងថែមទៀតក្នុងរយៈពេល២ទៅ៣ថ្ងៃខាងមុខ ដោយសារតែព្យុះនៅប្រទេសវៀតណាមធ្វើឱ្យមានប្រព័ន្ធសម្ពាធទាបនៅអាងទន្លេមេគង្គលើ៕
