ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ក្រុម​សមាជិក​សភា​អឺរ៉ុប​ព្រមាន​វៀតណាម​ រឿង​ប្រើច្បាប់​ព្រហ្មទណ្ឌ​ឃុំខ្លួន​សកម្មជន​ការងារ


សកម្មជនជាតិ​វៀតណាម​ លោក Hoang Duc Binh ស្ថិត​ក្នុង​តុលាការ​កាលពី​ថ្ងៃទី​២៤ ខែមេសា ឆ្នាំ២០១៨។

ក្រុម​សមាជិក​សភា​សហភាព​អឺរ៉ុប​បាន​ស្នើសុំ​ឲ្យ​វៀតណាម​ដោះលែង​សកម្មជន​សិទ្ធិការងារ​និង បរិស្ថាន គឺលោក ​Hoang Duc Binh ​ជាបន្ទាន់។

លោក ​Hoang Duc Binh ​ជា​អនុប្រធាន ​ចលនា​ការងារ​វៀតណាម ​ត្រូវ​តុលាការ​កាត់ទោស​ឲ្យជាប់ គុក​១៤ឆ្នាំ​កាលពី​ខែកុម្ភះ​ឆ្នាំ២០១៨ ​ក្រោយ​ពេល​ចាប់ខ្លូន​កាលពី​ខែ​ឧសភា​ ឆ្នាំ​២០១៧ ​ទាក់ទង​នឹង​ការជួយ​អន្តរាគមន៍​កម្មករ​រោងចក្រ​ដែក​ ឲ្យ​ទទួល​បាន​សំណង​និង​សិទ្ធិ​សេរីភាព។​ តែអាជ្ញាធរ​ វៀតណាម​ចាត់​ទុក​ការ​តវ៉ា​នោះ​ថាជា​ការ​រំលោភ​ច្បាប់​ព្រហ្មទណ្ឌ​ ប្រឆាំង​នឹង​មន្ត្រី​សមត្ថកិច្ច​ក្នុង​មុខ នាទី​ និង​រំលោភ​លើច្បាប់​សេរីភាព​ប្រជាធិបតេយ្យ​ដែល​នាំឲ្យ​ប៉ះពាល់​ដល់​ផល​ប្រយោជន៍​ជាតិ។​ តែក្រុម​សមាជិក​សភា​អឺរ៉ុប​ចាត់​ទុកថា​ សកម្មភាព​លោក​ Hoang Duc Binh ​គឺ​ស្រប​តាម​ច្បាប់ អន្តរជាតិ ​ដែល​វៀតណាម​ជា​សមាជិក។

នៅក្នុង​លិខិត​រួម​ទៅ​កាន់​ប្រធានាធិបតី​ វៀតណាម​ Nguyen Phu Trọng ​សមាជិក​សភា​៩រូប​ដឹកនាំ ដោយ​លោកស្រី​ Barbara LOCHBIHLER ​បាន​សុំឲ្យ​មានការ​ដោះលែង​លោក ​Hoang Duc Binh ​ជា​បន្ទាន់​ និង ​ដោយ​ឥតលក្ខខណ្ឌ ​ផ្តល់សំណង ​ហើយនឹង​ស៊ើប​អង្កេត​ចំពោះ​មន្ត្រី​ប៉ូលិស ​តុលាការ និង ​មន្ត្រីពន្ធនាគារ ​ដែល​ទទួល​ខុសត្រូវ​ចំពោះ​ការ​រំលោភ​បំពាន​និង​ការ​ធ្វើ​ទុក្ខបុក​ម្នេញ​ផងដែរ។ ក្រុម​សមាជិកសភា​សហភាព​អឺរ៉ុប​ដែល​ព្រួយបារម្ភ​ពី​សុខភាព​លោក ​Hoang Duc Binh​ នៅក្នុង​ពន្ធនាគារ​នោះ ​បាន​ព្រមាន​ក្នុង​លិខិត​ដដែល​ថា​វៀតណាម​ត្រូវគោរព​សិទ្ធិការងារ​ លក្ខខណ្ឌ​និង បទដ្ឋាន​ច្បាប់​អន្តរជាតិ​ ក្នុងពេល​ដែល​វៀតណាម​កំពុង​ចរចា​រឿង​កិច្ច​ព្រមព្រៀង​ពាណិជ្ជកម្ម​សេរី ជាមួយ​សហភាព​អឺរ៉ុប។

អង្គការ​សិទ្ធិមនុស្ស ​Human Rights Watch ​និង ​អង្គការ​សង្គម​ស៊ីវិល​វៀតណាម​ បាន​ទទូច​ឲ្យ វៀតណាម​ ទម្លាក់​ចោល​បទចោទ​ប្រកាន់​ ហើយ​សុំឲ្យ​សហភាព​អឺរ៉ុប​ផ្អាក​ការ​បោះឆ្នោត​បញ្ចូល ប្រទេស​វៀតណាម​ក្នុង​កិច្ច​ព្រមព្រៀង​ពាណិជ្ជកម្ម​សេរី​ ជាមួយ​សហភាព​អឺរ៉ុប ​បើ​ស្ថានភាព​សិទ្ធិ មនុស្ស​និងការងារ​គ្មាន​ភាព​ប្រសើរ​ក្នុង​ប្រទេស​វៀតណាម​ទេ​នោះ៕

XS
SM
MD
LG