ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

Donald Trump ថ្លែង​ពី​ក្រុម​គ្រួសារ​របស់​អ្នក​ស្លាប់​ដោយ​ជន​អន្តោប្រវេសន៍​ខុស​ច្បាប់


បេក្ខជន​ប្រធានាធិបតី​គណបក្ស​សាធារណរដ្ឋ Donald Trump ថើប​ម្តាយ​ជាច្រើន​ដែល​មកពី​គម្រោង Remembrance Project ដែល​បាត់​បង់​កូនប្រុស​របស់​គាត់ដោយសារ​ជន​បរទេស​ដែល​ចូល​មករស់នៅ​ខុសច្បាប់ នៅ​ពេល​ដែល​លោក​កំពុង​ថ្លែង​ក្នុង​យុទ្ធនាការ​ឃោសនា​ក្នុង​ Austin រដ្ឋ Texas កាល​ពី​ខែ​សីហា ទី​២៣ ២០១៦។
បេក្ខជន​ប្រធានាធិបតី​គណបក្ស​សាធារណរដ្ឋ Donald Trump ថើប​ម្តាយ​ជាច្រើន​ដែល​មកពី​គម្រោង Remembrance Project ដែល​បាត់​បង់​កូនប្រុស​របស់​គាត់ដោយសារ​ជន​បរទេស​ដែល​ចូល​មករស់នៅ​ខុសច្បាប់ នៅ​ពេល​ដែល​លោក​កំពុង​ថ្លែង​ក្នុង​យុទ្ធនាការ​ឃោសនា​ក្នុង​ Austin រដ្ឋ Texas កាល​ពី​ខែ​សីហា ទី​២៣ ២០១៦។

នៅ​ក្នុង​ព្រឹត្តិការណ៍​មួយ​ដែល​បិទ​មិន​ឲ្យ​ពួកអ្នកធ្វើការ​ខាង​បណ្តាញ​ផ្សាយ​ព័ត៌មាន​ចូល​រួម លោក Donald Trump បេក្ខជន​ប្រធានាធិបតី​ខាង​គណបក្ស​សាធារណរដ្ឋនិយាយ​កាល​ពីថ្ងៃសៅរ៍​នៅ​ក្នុង​ក្រុង​ Houston រដ្ឋ​ Texas ទៅ​កាន់អង្គការ​មួយ​ដែលពួក​អ្នក​រិះគន់​ខ្លះ​បានពណ៌នា​ថា​ជាក្រុមមាន​សម្អប់មួយ។​លោក​ Trump ថ្លែង​សុន្ទរកថា​ទៅ​កាន់សន្និសីទ​ទីមួយ​ចាត់ចែង​ដោយ​អង្គការ​ Remembrance Project ដែល​ជា​ក្រុមមួយ​គាំទ្រ​គ្រួសារ​ដែល​មានសមាជិក​បានត្រូវ​សម្លាប់ដោយ​ពួកជន​បរទេស​ដែលមក​រស់នៅ​ក្នុង​ប្រទេស​អាមេរិក​ដោយ​ខុសច្បាប់។​

លោក Trump បាន​ជួយ​ក្រុមនេះ​ឲ្យ​ទទួលការ​យក​ចិត្តទុកដាក់ក្នុងប្រទេស​ជាតិ​នៅ​ក្នុង​មហា​សន្និបាត​ជាតិ​នៃ​គណបក្សសាធារណរដ្ឋ​កាល​ពី​ខែ​កក្កដា​នៅ​ពេល​ដែល​លោក​បានផ្តល់ឲ្យ​សមាជិកគ្រួសារ​នៃ​ពួក​ជន​រងគ្រោះ​នូវ​ឱកាសមួយ​ដើម្បី​ពិភាក្សា​ការជួបប្រទះ​របស់ពួកគេ។ ចាប់តាំង​ពី​ពេល​នោះមកលោក Trump

បានជួប​ច្រើន​ដង​ជាមួយ​ក្រុម​នេះ​ហើយសមាជិកនៃក្រុម​នេះក៏​បានចូល​រួម​ញឹកញយ​ក្នុង​ក្នុង​ការ​ប្រជុំ​ឃោសនា​បោះឆ្នោត​របស់​លោកដែរ។​

ក៏​ប៉ុន្តែ​អង្គការ​មិនគិត​កម្រៃ​នេះ​មានពួក​អ្នករិះ​គន់​ដែល​បានពោល​អះអាង​ថា​ក្រុមនេះ​បានប្រើប្រាស់​គ្រួសារ​ពួក​ជន​រង​គ្រោះ​ដើម្បី​ឧបត្ថម្ភផ្ចុង​ផ្តើម

របៀប​វារៈ​នយោបាយ​ប្រកប​ដោយ​ភាព​ស្អប់​ខ្ពើម​របស់ពួក​គេ។​

មជ្ឈមណ្ឌល​ច្បាប់​សម្រាប់ក្រុម​ជន​ក្រី​ក្រ​ក្នុង​ភាគ​ខាង​ត្បូង​ស.រ.អា.ដែលភាសា

អង់គ្លេស​ហៅ​ថា​ Southern Poverty Law Center ដែល​បានឃ្លាំ​មើលក្រុម​មាន​សម្អប់​ បាននិយាយថា​ក្រុមនេះ «ជួយជំរុញ​របៀបវារៈនៃ​ចលនាមាន​ការ​រៀបចំ​របស់​ក្រុមជន​ដែល​កើតក្នុង​ប្រទេស​អាមេរិកដែល​ខិតខំ​ព្យាយាមបង្ហាញ​ថា​ពួក​ជន​អន្តោប្រវេសន៍ជា​ទូទៅ​ជា​មនុស្ស​អាក្រក់​ទោះ​បី​ជា​ពួកគេមាន​ឯកសារ​ត្រឹម​ត្រូវ​តាមច្បាប់ឬ​គ្មានក៏​ដោយ»៕

XS
SM
MD
LG