ភ្ជាប់​ទៅ​គេហទំព័រ​ទាក់ទង

លោក Trump នឹង​​ធ្វើ​ការផ្លាស់ប្តូរ​ឡើង​វិញ​នូវ​សម្បទាន ជាមួយ​នឹង​ប្រទេស​គុយបា​


បេក្ខជន​ប្រធានាធបតី​គណបក្សសាធារណរដ្ឋ​លោក Donald Trump ថ្លែង​នៅ​ក្នុង​យុទ្ធនាការ​ឃោសនា​នៅ​មជ្ឈមណ្ឌល​ James L. Knight កាល​ពី​ថ្ងៃទី​១៦ កក្កដា ២០១៦ ទីក្រុង Miami។

បេក្ខជន​ប្រធានាធិបតី​តំណាង​ឲ្យ​គណបក្ស​សាធារណរដ្ឋ​របស់​អាមេរិក​លោក Donald Trump​ បាន​ថ្លែង​ថា​ប្រសិន​បើ​លោក​ជាប់​ឆ្នោត​ជា​ប្រធានាធិបតី​ លោក​នឹង​ធ្វើ​ការ​ផ្លាស់​ប្តូរ​ឡើង​វិញ​នូវ​អ្វី​ដែល​លោក​ហៅ​ថា​ជា សម្បទាន​ ដែល​លោក​ប្រធានាធិបតី​ បារ៉ាក់​ អូបាម៉ា​បាន​ខិតខំធ្វើ​ឡើង​ដើម្បី​ធ្វើ​ឲ្យ​ទំនាក់​ទំនង​រវាង​អាមេរិក​និង​ប្រទេស​គុយបា​ មាន​សភាពល្អ​ឡើង​វិញ​នោះ​ លុះ​ត្រា​តែ​គុយបា​អាច​ធ្វើ​បាន​នូវអ្វី​ដែល​អាមេរិក​ទាមទារ​ទើប​លោក​បន្ត​ទំនាក់ទំនង​ជាមួយ​នឹង​គុយបា។​

លោក​ Trump​ បាន​ថ្លែង​កាលពី​ថ្ងៃសុក្រ​ម្សិលមិញ​នៅក្នុងទីក្រុង Miami​ ដែល​ជា​ទីក្រុង​ដែល​ពលរដ្ឋ​ដើម​កំណើត​គុយបា​ជា​ច្រើន​រស់​នៅ​នោះ​ថា​៖ «ការ​ទាមទារ​ទាំង​នោះ​រួម​មាន​ សេរីភាព​សាសនា​និង​សេរីភាព​នយោបាយ​សម្រាប់​ពលរដ្ឋ​គុយបា​ ហើយ​និង​ការ​ដោះលែង​អ្នក​ទោស​នយោបាយ​ផង​ដែរ‍»។​

មហា​សេដ្ឋី​អចលនទ្រព្យ​រូប​នេះ​បាន​ថ្លែងថា៖«ពួក​យើង​នឹង​ឈរ​ជាមួយ​នឹង​ពលរដ្ឋ​គុយបា​ ដើម្បី​ប្រឆាំង​នឹង​ការ​គាបសង្កត់បែ​ប​កំម្មុយនីស្ត។ ពួក​យើង​ដើរ​លើ​គន្លងដែល​ត្រឹមត្រូវ​មួយ។​ ពលរដ្ឋ​គុយបា​គឺ​ជា​មនុស្ស​ល្អ។​ កិច្ច​ព្រមព្រៀង​ដែល​ត្រូវ​បាន​ព្រមព្រៀង​ជាមួយ​គុយបា​ដែល​ធ្វើ​ឡើង​ដោយ​តែ​ភាគី​គណបក្ស​ប្រជាធិបតេយ្យ​របស់​លោក​ អូបាម៉ា​តែ​ម្ខាងនោះ​ គឺ​បម្រើ​ផល​ប្រយោជន៍ឲ្យ​តែ​របប Castrol តែ​ប៉ុណ្ណោះ។​
លោក​ Trump ​កាលពី​មុន​ធ្លាប់​ថ្លែង​ប្រាប់​ថា​ លោក​គាំទ្រ​ការ​ធ្វើ​ទំនាក់ទំនង​ល្អ​ឡើង​វិញ​ជាមួយ​គុយបា​ ប៉ុន្តែ​ត្រូវ​មាន​កិច្ចព្រមព្រៀង​ដែលប្រសើរ​ជាង​នេះ៕

XS
SM
MD
LG