ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អគ្គ​លេខាធិការ​ថ្មី​និយាយ​អំពី​ថា​តើ​អង្គការ SCO ​គំរាម​លោក​ខាង​លិច​ឬ​អត់


អគ្គ​លេខាធិការ​នៃ​​អង្គការ SCO លោក ​Vladimir Norov ថ្លែង​ទៅ​កាន់​អ្នក​សារព័ត៌មាន VOA អ្នក​ស្រី Navbahor Imamova។
អគ្គ​លេខាធិការ​នៃ​​អង្គការ SCO លោក ​Vladimir Norov ថ្លែង​ទៅ​កាន់​អ្នក​សារព័ត៌មាន VOA អ្នក​ស្រី Navbahor Imamova។

អង្គការ​កិច្ច​សហ​ប្រតិបត្តិការ ​The Shanghai ​Cooperation ​Organization​ (SCO) ​មាន​មូលដ្ឋាន​ក្នុង ទីក្រុង​ប៉េកាំង​ប្រទេស​ចិន​ មាន​សមាជិក​៨​ប្រទេស​ ហើយ​តំណាង​ឲ្យ​មនុស្ស​៣​ពាន់​លាន​នាក់។

ភាព​ធំធេង​នេះ​បាន​ផ្តល់​អំណាច​ខ្លាំង​ដល់​អង្គការ​នេះ ​តែ​ក៏​ធ្វើ​ឲ្យ​មាន​ក្តី​បារម្ភ​សម្រាប់​លោក​ខាង​លិច​ផង​ដែរ ដែល​បាន​ឃើញ​ពី​ការ​ងើប​ឡើង​នូ​វប្លុក​ថ្មី​មួយ​ដែល​នឹង​ប្រឆាំង​ជាមួយ​នឹង​រដ្ឋាភិបាល​ក្រុង​វ៉ាស៊ីនតោន ហើយ​នឹង​សម្ព័ន្ធមិត្ត​ក្នុង​តំបន់​អាស៊ី​អឺរ៉ុប។

អគ្គ​លេខាធិការ​ថ្មី​នៃអង្គការ​ថ្មី​នេះ​ គឺ​លោក​ Vladimir Norov ​ដែល​ជា​អតីត​រដ្ឋមន្ត្រី​ការបរទេស​របស់ ប្រទេស​អ៊ូសបេគីស្ថាន​បាន​ថ្លែង​ថា ​អង្គការ ​SCO ​មាន​គោល​បំណង​បង្រួប​បង្រួម​ មិន​មែន​បំបែក បំបាក់​ទេ។

លោក​និយាយ​ថា៖ «យើង​មិន​មែន​ប្រឆាំង​នឹង​ប្លុក​លោក​ខាងលិច​(បស្ចិម​ប្រទេស) ​ឬ​ក៏​ជា​សម្ព័ន្ធមិត្ត​យោធា​ដូច​ក្រុម​អ្នក​ជំនាញ​បស្ចិម​ប្រទេស​បាន​លើក​ឡើង​ទេ‍»។

ក្នុង​ពេល​ផ្តល់​បទសម្ភាសន៍​ជាមួយ ​VOA ​លោក​បាន​បន្ថែម​ថា ​អង្គការ​នេះ​មិន​គួរ​ត្រូវ​គេ​មើល​ឃើញ ថា​ជា​ការ​គំរាម​កំហែង​ទេ។

អង្គការ​នេះ​បាន​កើត​ឡើង​កាល​ពី​ឆ្នាំ​១៩៩៦ ​ហៅ​ថា ​Shanghai Five ​ដែល​មាន​ការ​ចូលរួម​របស់ ប្រទេស​ចិន ​និង​ មាន​ប្រទេស​បី​នៅ​តំបន់​អាស៊ី​កណ្តាល ​ហើយ​នឹង​រុស្ស៉ី​ផង​ដែរ ​ដែល​មាន​ព្រំដែន ជាប់​នឹង​ចិន។ ​អង្គការ​នេះ​បាន​បញ្ចូល​ប្រទេស​អ៊ូសបេគីស្ថាន ​ហើយ​រើស​ឈ្មោះ​ឡើង​វិញ​កាល​ពីឆ្នាំ​២០០១​ គឺ​ អង្គការ​កិច្ចសហ​ប្រតិបត្តិការ​ the Shanghai ​Cooperation ​Organization ​(SCO)៕

XS
SM
MD
LG