ភ្ជាប់​ទៅ​គេហទំព័រ​ទាក់ទង

ការ​យាង​ចូល​ទីវង្គត​របស់​សម្តេច​ឪ​និង​ការ​វិវត្ត​នយោបាយ​កម្ពុជា

  • សុខ ខេមរា

ព្រះអម្ចាស់​ស៊ីសុវត្ថិ ​ធម្មិកោ​ លេខា​ផ្ទាល់​របស់​សម្តេចឪ​ នរោត្តម សីហនុ ចូល​រួម​ជា​វាគ្មិន​ក្នុង​កម្មវិធី​ហេឡូ​វីអូអេ នៅ​ភ្លាម​ក្នុង​ថ្ងៃ​ដែលអតីត​ព្រះមហាក្សត្រ​បាន​ចូល​ទី​វង្គត។ (១៥ តុលា ២០១២)


«ដូច្នេះ​ក្នុង​ន័យ​ហ្នឹង​ហើយ ​សព្វថ្ងៃ​ហ្នឹង​ទំនាក់ទំនង​រវាង​ព្រះរាជាណាចក្រ​កម្ពុជា​ និង​សាធារណរដ្ឋ​ប្រជាមានិត​ចិន ​គឺ​សម្តេច​តេជោ​ហ៊ុន សែន​បាន​បន្ត។ ជា​ភស្តុតាង ​សម្តេច​តេជោ ​ហ៊ុន សែន​ ទើប​តែ​ទៅ​ប្រទេស​ចិន​បាន​ចរចា​ជាមួយ​ចិន​សុំ​ជំនួយ​ចិន​ទៅ​ទៀត។​ ដូច្នេះ​ទំនាក់ទំនង​រវាង​ចិន​ប្រជាមានិត​និង​ព្រះរាជាណាចក្រ​កម្ពុជា​យើង​បច្ចុប្បន្ន​មាន​ស្ថិរភាព​ដែរ​ និង​មាន​ការ​ជឿនលឿន​មាន​ការ​រឹង​ខ្លាំង​ឡើងៗ»។

ព្រះ​អម្ចាស់ ធម្មិកោ ​មាន​បន្ទូល​ក្នុង​កម្មវិធី​ហេឡូវីអូអេ​កាល​ពី​ថ្ងៃ​ច័ន្ទ​ពេល​ព្រះ​អង្គ​ យាង​ជា​វាគ្មិន​ថា ​សម្តេចឪ​បាន​ផ្តាំផ្ញើ​ប្រជារាស្ត្រ​ខ្មែរ​នឹង​ប្រជាជន​ខ្មែរ​ថា ​លោក​ ទុក​សម្តេច​តេជោ​ហ៊ុន សែន​ជា​អ្នក​បន្ត​ពី​លោក​ក្នុង​ការ​កសាង​ព្រះរាជាណាចក្រ​កម្ពុជា។ សម្តេចឪ​លោក​ទុក​លោក​នាយករដ្ឋមន្ត្រី ​ហ៊ុន សែន ​ជា​អ្នក​ទទួល​កេរ្តិ៍​មរតក​ពី​ព្រះអង្គ​ក្នុង​ការ​ដឹកនាំ​ប្រទេស​ជាតិ។

ថ្លែង​ក្នុង​កម្មវីធី​ហេឡូវីអូអេ​កាល​ពី​ថ្ងៃ​ច័ន្ទ​ជា​វាគ្មិន​ផង​នោះ​ លោក ​សឺន ស៊ូប៊ែរ្តិ៍ ឧត្តម​ទីប្រឹក្សា​ព្រះមហាក្សត្រ​បាន​បង្ហាញ​ឲ្យ​ឃើញ​ថា​ របប​រាជានិយម​ ជា​អត្តសញ្ញាណ​មួយ​នៃ​បងប្អូន​ប្រជារាស្ត្រ ​ហើយ​ជា​របប​មួយ​ដែល​ផ្តល់​ស្ថិរភាព​ នយោបាយ​ដល់​ព្រះរាជាណាចក្រ​កម្ពុជា​តាម​រដ្ឋធម្មនុញ្ញ​ដែល​បាន​ចែង។

«គណបក្ស​ទាំង​ប៉ុន្មាន​ឬ​រដ្ឋាភិបាល​អាច​ផ្លាស់ប្តូរ​ តែ​ស្ថាប័ន​ព្រះមហាក្សត្រ​អត់​ផ្លាស់​ប្តូរ​ទេ​ វា
​មាន​ស្ថិរភាព»។

លោក ស៊ូប៊ែរ្តិ៍បាន​អះអាង​ថា៖ «ប្រសិន​បងប្អូន​ខ្មែរ​យើង​យល់​របៀប​ហ្នឹង​ ប្រទេស​ជាតិ​យើង​នៅ​គង់វង្ស»៕

តើអ្នកយល់ថានយោបាយនៅប្រទេសកម្ពុជានឹងមានការវិវត្តយ៉ាងដូចម្តេចដែរនៅក្រោយការចូលទីវង្គត​របស់​អតីត​ព្រះមហាក្សត្រ នរោត្តម សីហនុ?

ទស្សនៈ​របស់​អ្នក

បង្ហាញ​មតិ

XS
SM
MD
LG