ភ្ជាប់​ទៅ​គេហទំព័រ​ទាក់ទង

ជន​សកម្ម​ប្រយុទ្ធ​ឥស្លាម​ដ៏​សំខាន់​ម្នាក់​ត្រូវ​បាន​គេ​ជឿជាក់​ថា​បាន​ត្រូវ​សម្លាប់​នៅ​តំបន់​ភាគ​ខាង​ត្បូង​នៃ​ប្រទេស​ហ្វីលីពីន


កងកម្លាំង​រដ្ឋាភិបាល​ឆ្លងកាត់​អគារ​បាក់បែក​នៅ​ Datu Sa Dansalan ទីក្រុង​ Marawi city ភាគ​ខាងត្បូង​ប្រទេស​ហ្វីលីពីន​កាលពី​ថ្ងៃទី​១៧ តុលា ២០១៧៕

ពួក​មន្រ្តី​យោធា​ហ្វីលីពីន​និយាយថា ​ជនសកម្ម​ប្រយុទ្ធ​កំពូល​ម្នាក់​របស់​ក្រុមរដ្ឋ​ឥស្លាម​ត្រូវ​បាន​គេ​ជឿ​ជាក់​ថា ​បាន​ត្រូវសម្លាប់​ដោយ​កងទ័ព​រដ្ឋាភិបាល​ដែល​បាន​រំដោះ​ទីក្រុងម៉ារ៉ាវី​ភាគ​ខាង​ត្បូង​កាល​ពី​ដើម​សប្តាហ៍​នេះ។

Mahmud Ahmad ​កើត​នៅ​ប្រទេស​ម៉ាឡេស៊ី​បាន​ស្ថិត​ក្នុង​ចំណោមពួក​ជន​សកម្ម​ប្រយុទ្ធ​២០​នាក់​ដែល​ត្រូវ​បាន​សម្លាប់​នៅ​ក្នុង​ការ​ប្រយុទ្ធ​គ្នា​កាល​ពី​ព្រឹកថ្ងៃ​ចន្ទ។​អ្នកនាំ​ពាក្យ​យោធា​ហ្វីលីពីននិយាយថា ខ្លួន​មាន​ទំនុកចិត្ត​ថា Ahmad ​បាន​ត្រូវ​កងទ័ពសម្លាប់​ដោយ​ផ្អែកលើព័ត៌មាន​ដែលផ្តល់​ដោយចំណាប់​ខ្មាំង​២នាក់​ដែល​ត្រូវ​បាន​ជួយ​សង្គ្រោះ​បន្ទាប់​ពីការ​ប្រយុទ្ធ​គ្នា​។​ ការ​ស្លាប់​របស់​ជន​នោះ​មិន​ត្រូវ​បាន​បញ្ជាក់​រហូតទាល់សាកសព​របស់​ជន​នោះបាន​ត្រូវគេ​រកឃើញ​ហើយ​ការ​ធ្វើកោសិកា DNA ​បាន​ត្រូវ​ធ្វើ​ឡើង។

Ahmad ជា​សហការី​ដ៏ជិតស្និទ្ធ​របស់ Isnilon Hapilon ដែល​ជាមេដឹកនាំ​របស់​ក្រុម​រដ្ឋ​ឥស្លាម​ក្នុង​តំបន់​អាស៊ី​អាគ្នេយ៍រហូត​ដល់​សប្តាហ៍​នេះ ​នៅពេល​ដែល​ជន​នោះ​ហើយ​នឹងOmarkhayam Mauteឥស្សរជន​ដ៏​សំខាន់ម្នាក់​ទៀត​របស់​ក្រុមរដ្ឋ​ឥស្លាមបាន​ត្រូវ​សម្លាប់​នៅ​ក្នុង​កិច្ច​ប្រតិបត្តិការ​នៅ​ក្នុង​តំបន់។ Ahmad ត្រូវ​បាន​គេ​ជឿ​ជាក់​ថា ​បាន​ផ្តល់​លុយ​ហើយ​នឹង​ពួក​អ្នក​ប្រយុទ្ធ​ដើម្បី​លើក​ទឹកចិត្ត​ការកាន់​កាប់ទីក្រុងម៉ារ៉ាវី​របស់​ក្រុម​នោះដែល​ជាទីក្រុង​មួយស្ថិត​នៅ​កោះ​មីនដាណាវ​ភាគ​ខាង​ត្បូង​ដែល​គ្រប់​គ្រង​ដោយ​អ្នកកាន់​សាសនា​ឥស្លាម​២​សែន​នាក់។

​ពួក​អ្នក​ជំនាញ​និយាយថា Ahmad ​ទំនង​ជា​ជំនួស​កន្លែង​របស់ Hapilon ជា​មេដឹក នាំ​ដ៏​សំខាន់​របស់​ក្រុមរដ្ឋ​ឥស្លាម​នៅ​ក្នុង​តំបន់​នោះ។

មនុស្ស​ជាង​១ពាន់​នាក់​បាន​ត្រូវ​សម្លាប់​នៅ​ទីក្រុង​ម៉ារ៉ាវីចាប់​តាំង​ពី​ថ្ងៃ​ទី២៣ ខែ​ឧសភា​មក នៅពេល​ដែល​កងកម្លាំង​សន្តិសុខ​ហ្វីលីពីន​បាន​ចាប់​ផ្តើម​បេសកកម្ម​ចាប់​ខ្លួន Hapilon។ការវាយ​ឆ្មក់​បាន​ទទួល​បរាជ័យ​បន្ទាប់​ពី​ពួក​ជន​សកម្ម​ប្រយុទ្ធ​បាន​វាយ​សង្គ្រប់​ទីក្រុង​នោះ​ហើយ​បាន​ដុត​ផ្ទះសម្បែង វិហារ​គ្រឹស្តសាសនា​ហើយ​នឹង​ចាប់​មនុស្ស​ជា​ច្រើន​ធ្វើ​ជាចំណាប់​ខ្មាំង។ ផ្នែក​ភាគ​ច្រើន​នៃ​ទីក្រុង​ម៉ារ៉ាវី​បាន​ត្រូវ​កំទិច​ដោយ​ការ​វាយ​ប្រហារ​តាម​អាកាស​ដែលមាន​គោល​បំណង​បញ្ចប់​ការ​ឡោមព័ទ្ធ​នោះ៕

XS
SM
MD
LG