ភ្ជាប់​ទៅ​គេហទំព័រ​ទាក់ទង

សាកសព​កូន​ខ្លា​មួយ​ចំនួន​ត្រូវ​បាន​គេ​រកឃើញ​នៅ​ក្នុង​វត្ត​ពុទ្ធសាសនា​មួយ​ក្នុង​ប្រទេស​ថៃ


ក្រុម​មន្រ្តី​សត្វ​ព្រៃ​ដាក់​ថ្នាំ​សណ្តំ​លើ​សត្វ​ខ្លា​នៅ​ «វត្ត​អារាម​ដែល​ចិញ្ចឹម​ខ្លា» នៅ​ក្នុង​ស្រុក Saiyok នៅ​ក្នុង​ខេត្ត Kanchanaburi ប្រទេស​ថៃ។

អាជ្ញាធរ​សត្វព្រៃ​ក្នុង​ប្រទេស​ថៃ​បាន​ឲ្យ​ដឹង​ថា ខ្លួន​បាន​រកឃើញ​សាកសព​កូន​ខ្លា​ចំនួន​៤០​ក្បាល​នៅ​ក្នុង​វត្ត​ពុទ្ធសាសនា​មួយ ដែល​ត្រូវ​បាន​គេ​សង្ស័យ​ជា​យូរ​ណាស់​មក​ហើយ ថា​មាន​ពាក់ព័ន្ធ​នឹង​ការជួញដូរ​និង​បំពាន​សត្វព្រៃ។

សាកសព​កូនខ្លា​ទាំង​នោះ​ត្រូវ​បាន​គេ​រកឃើញ​នៅ​ក្នុង​ទូរ​បង្កក​មួយ ខណៈ​ដែល​ក្រុមអាជ្ញាធរ​កំពុង​តែ​យក​សត្វ​ខ្លា​ជំទង់​ដែល​នៅ​រស់​រាប់​សិប​ក្បាល​ចេញ​ពី​វត្ត​នោះ។ វត្ត​នេះ​ស្ថិត​ក្នុងខេត្ត Kanchanaburi ប៉ែក​ខាង​លិច​នៃ​រាជធានី​បាងកក។ ​

វត្ត​អារាម​នោះ​បាន​ទាក់ទាញ​ភ្ញៀវ​ទេសចរ​ដែល​បង់​ថ្លៃ​ដើម្បី​ចូល​ថតរូប​ជិត​សត្វ​ខ្លា​ទាំង​នោះ​និង​សត្វ​ប្រភេទ​ផ្សេងៗ​ទៀត ដែល​សកម្មភាព​ទាំង​នេះ​បាន​ធ្វើ​ឲ្យ​អាជ្ញាធរ​ថៃ​និង​សកម្មជន​សិទ្ធិ​សត្វ​មើល​ទៅ​ព្រះសង្ឃ​ទាំង​នោះ​ថា​ចម្លែក។ ​

ព្រះសង្ឃ​ទាំង​នោះ​ត្រូវ​បាន​គេ​ចោទប្រកាន់​ថា​ពាក់ព័ន្ធ​នឹង​ផ្សារ​ងងឹត​ជួញដូរ​សត្វព្រៃ​ដែល​ទទួល​បាន​កម្រៃ​ច្រើន ដោយ​ផ្គត់ផ្គង់​តម្រូវការ​ទីផ្សារ​ដែល​ត្រូវ​ការ​សរីរាង្គ​សត្វ​ខ្លា​សម្រាប់​ធ្វើ​ជា​ឱសថ​បុរាណ​ចិន។

នៅ​ក្នុង​សារ​មួយ​ដែល​បាន​បង្ហោះ​លើ​គេហទំព័រ​ហ្វេសប៊ុក វត្ត​អារាម​មួយ​នេះ​បាន​សរសេរ​ថា ខ្លួន​បាន​ឈប់​ដុត​សាកសព​សត្វ​ខ្លា​តូចៗ​ដែល​ងាប់​ក្រោយ​ពេល​កើត​ហើយ៕

XS
SM
MD
LG