ការសម្រេចរបស់ប្រធានាធិបតីចិនលោក ស៊ី ជីនពីង បដិសេធសេចក្តីអញ្ជើញដើម្បីចូលរួមព្យុហយាត្រាកងទ័ពនៅក្នុងប្រទេសកូរ៉េខាងជើង និងពិធីដើម្បីប្រារព្ធខួបលើកទី៧០ ចាប់តាំងពីការបង្កើតរដ្ឋឯកកោ ប្រហែលជួយលោកឲ្យមានបញ្ហាជាច្រើន។
បើ លោកស៊ី ជីនពីង ចូលរួមពិធីនៅចុងសប្តាហ៍នេះ ដូចដែលត្រូវបាននិយាយស្មានៗជាច្រើនដោយបណ្តាញផ្សាយព័ត៌មាននៅក្នុងកូរ៉េខាងត្បូង ពួកអ្នកវិភាគនិយាយថា ការណ៍នេះមិនត្រឹមតែធ្វើឲ្យមានការរកាំចិត្តដល់រដ្ឋាភិបាលក្រុងវ៉ាស៊ីនតោនពីការខ្វះ ភាពជឿនលឿនឆ្ពោះទៅកាន់ការធ្វើមិនឲ្យមានអាវុធនុយក្លែអ៊ែនៅលើឧបទ្វីបកូរ៉េទេ ក៏ប៉ុន្តែ វាថែមទាំងអាចធ្វើឲ្យមានទំនាក់ទំនងតានតឹងកាន់តែខ្លាំងឡើងរួចហើយលើសង្គ្រាមពាណិជ្ជកម្មដែរ។ ហើយបើមេដឹកនាំកូរ៉េខាងជើង គីម ជុងអ៊ុន បញ្ចេញអាវុធថ្មីដូចដែលអ្នកវិភាគខ្លះរំពឹងទុក ជាពិសេសអាវុធប្រល័យលោកដូចជាកាំជ្រួច ICBM ការចូលរួមរបស់ប្រធានាធិបតីស៊ី អាចបញ្ជូនសារផ្សេងទៀតដែរ។
លោក Zhao Tong អ្នកស្រាវជ្រាវនៅឯមជ្ឈមណ្ឌលសម្រាប់គោលនយោបាយសាកលលោកបាននិយាយថា «ប្រធានាធិបតីចិនលោក ស៊ី មិនសាកសម្យទៅបង្ហាញខ្លួននៅវេទិកាដោយឈរនៅក្បែរ គីម ជុងអ៊ុន នៅក្រោមកាលៈទេសៈទាំងនោះទេ។ ការណ៍នេះក៏ត្រូវបានគេបកស្រាយថា ចិនបានទទួលស្គាល់ដោយប្រយោលដល់នុយក្លែអ៊ែរបស់កូរ៉េខាងជើង។
លោកស្រី Sun Yun គឺជាសហនាយកនៃកម្មវិធីអាស៊ីខាងកើតនិងជានាយកនៃកម្មវិធីចិននៅឯមជ្ឈមណ្ឌល Stimson ដែលជាអង្គការស្រាវជ្រាវមួយក្នុងរដ្ឋធានីវ៉ាស៊ីនតោន។ លោកស្រីបាននិយាយថា ការព្រួយកង្វល់រួមបញ្ចូលអ្វីដែលអាវុធនឹងត្រូវបង្ហាញនៅថ្ងៃអាទិត្យនេះ នៅពេលដែលរដ្ឋាភិបាលក្រុងព្យុងយ៉ាងប្រារព្ធខួបបង្កើតកូរ៉េខាងជើង ហើយបានបង្កើនការតានតឹងខាងពាណិជ្ជកម្ម៕
