មន្រ្តីកំពូលម្នាក់នៅក្នុងប្រទេសចិនបានសរសើរការពង្រីកយុទ្ធនាការប្រឆាំងអំពើពុករលួយរបស់ប្រធានាធិបតី ស៊ី ជិងពីង ដោយជជែកឲ្យហេតុផលថា យុទ្ធនាការប្រឆាំងអំពើពុករលួយនោះបានជួយបញ្ឈប់អ្នករួមគំនិតធ្វើរដ្ឋប្រហារចេញពីការគំរាមកំហែងការរឹតបន្តឹងក្តាប់អំណាចរបស់គណបក្ស។
ពួកមន្រ្តីចិនកាលពីពេលមុនបាននិយាយពីការគំរាមកំហែងនោះថា «ពួកអ្នករួមគំនិត»ឬ«អ្នកឃុបឃិត»គំរាមកំហែងគណបក្ស» ក៏ប៉ុន្តែកំណត់សម្គាល់នោះដែលចេញពីលោក Liu Shiyu ប្រធានគណៈកម្មការត្រួតពិនិត្យសន្តិសុខចិនជាការបញ្ជាក់យ៉ាងច្បាស់នៅថ្ងៃនេះ។
ទោះជាយ៉ាងណាក៏ដោយ ពួកអ្នកវិភាគនិយាយថា ខណៈដែលការបញ្ចេញនោះភាគច្រើនជាការនិយាយស្មានៗ ហើយភាគច្រើនមានភាពមិនច្បាស់លាស់នោះ ការភ្ជាប់ឥស្សរជននយោបាយសំខាន់ៗកាលពីអតីតកាលនិងនៅពេលបច្ចុប្បន្ននេះបញ្ជូនសារនយោបាយយ៉ាងច្បាស់ដែលស្វះស្វែងធ្វើឲ្យស្របច្បាប់នូវការបង្កើនអំណាចរបស់ប្រធានាធិបតីស៊ី ហើយនិងការពង្រីករបបសន្តិសុខជាតិ។
ថ្លែងកាលពីថ្ងៃព្រហស្បតិ៍នៅឯជំនួបមួយនៅខាងក្រៅសមាជគណបក្សលើកទី១៩ដែលជាព្រឹត្តិការណ៍និងការដោះដូរមេដឹកនាំដែលធ្វើឡើង២ដងក្នុងរយៈពេលមួយទសវត្សរ៍ លោក Liu បាននិយាយថា យុទ្ធនាការប្រឆាំងអំពើពុករលួយរបស់ប្រធានាធិបតីស៊ីបានបោសម្អាតភាពគ្រោះថ្នាក់យ៉ាងខ្លាំងសម្រាប់គណបក្សនិងប្រទេសជាតិ។
ក្នុងសុន្ទរកថារបស់លោក លោកបានរាយឈ្មោះអតីតឥស្សរជននយោបាសំខាន់ៗចំនួន៦នាក់ហើយបានចោទប្រកាន់ពួកគេពីការឃុបឃិតធ្វើរដ្ឋប្រហារ។អតីតឥស្សរជនទាំងនោះមាន លោក Bo Xilai អតីតតារាកំពុងរះខាងនយោបាយនិងជាប្រធានគណបក្សទីក្រុងចុងគីង លោក Zhou Yongkangប្រធានសន្តិសុខ លោក Ling Jihua ប្រធានសន្តិសុខ លោក Xu Caihou និងលោក Guo Boxiong អតីតឧត្តមសេនីយកងទ័ពរំដោះប្រជាជន។
លោក Liu បាននិយាយថា៖ «ពួកគេបានប្រើប្រាស់តួនាទីជាន់ខ្ពស់និងអំណាចនៅក្នុងគណបក្ស ក៏ប៉ុន្តែ ពួកគេមានការពុករលួយយ៉ាងខ្លាំង ហើយបានឃុបឃិតដណ្តើមអំណាចថ្នាក់ដឹកនាំនៅក្នុងគណបក្សនិងដណ្តើមអំណាចរដ្ឋ»៕
