ភ្ជាប់​ទៅ​គេហទំព័រ​ទាក់ទង

សេដ្ឋកិច្ច​ចិន​កើន​ឡើង​ត្រឹម​៧​ភាគរយ​​ក្នុង​ត្រី​មាស​ចុង​ក្រោយ


ផែន​ទី​ប្រទេស​ចិន​តាមរយៈ​កែវ​ពង្រីក​នៅ​លើ​អេក្រង់​កុំព្យូទ័រ​ដែល​បង្ហាញ​នូវ​ខ្ទង់​លេខ​ដែល​មាន​តែ​ពីរ​លេខ​នៅ​ប្រទេស​សិង្ហបុរី​។ សេដ្ឋកិច្ច​ចិន​កើន​ឡើង​ត្រឹម​៧ភាគរយ​ក្នុង​ត្រី​មាស​ចុងក្រោយ។

ប្រទេស​ចិន​បាន​រាយការណ៍​ថា ​សេដ្ឋកិច្ច​របស់​ខ្លួន​បាន​កើន​ឡើង​តែ​៧​ភាគរយក្នុង​ត្រីមាស​ទី​២ ដែល​ជា​ការ​ល្អ​ប្រសើរ​ជាង​ការ​រំពឹង​ទុក​របស់​អ្ន​កវិភាគ​បរទេស​ជា​ច្រើន។

ការ​កើន​ឡើង​នៃ​សេដ្ឋកិច្ច​ចិន​ចំនួន​ ៧,៤​ភាគរយ​កាល​ពី​ឆ្នាំ​ទៅ​ជា​ការ​កើនឡើង​តិច​បំផុត​ក្នុង​រយៈ​ពេល​២៤​ឆ្នាំ ហើយ​ការកើន​ឡើង​នៅ​ឆ្នាំ​នេះ​ទំនង​ជា​នឹង​កាន់​តែ​តិច​ជាង​នេះ​ទៅ​ទៀត។ ប៉ុន្តែគេ​នៅ​មិន​ទាន់​ដឹង​ច្បាស់ ​ថា​តើ​សេដ្ឋកិច្ច​ចិន​នឹង​ចុះ​ថយ​ដល់​កម្រិត​ណា​ទេ ហើយ​ក្រុម​អ្នក​វិភាគ​បរទេស​មាន​ការ​មិន​ទុក​ចិត្ត​លើ​ស្ថិតិផ្លូវការ​របស់​រដ្ឋ​ទេ។

ប្រទេស​ចិន ​ដែល​មាន​សេដ្ឋកិច្ច​ធំ​ជាង​គេ​បង្អស់​ទី​២នៅ​លើពិភពលោក បាន​ជួប​ប្រទះ​នឹង​ការធ្លាក់​ចុះ​យ៉ាង​ឆាប់​រហ័ស​ដែល​មិន​បាន​រំពឹង​ទុក​ជា​មុន​ក្នុង​រយៈ​ពេល​ប៉ុន្មាន​ឆ្នាំ​កន្លង​ទៅ​នេះ បន្ទាប់​ពី​មាន​ការ​កំណើន​សេដ្ឋកិច្ច​ពីរ​ខ្ទង់​អស់​ពេល​៣០​ឆ្នាំ​មក​នេះ។

កាល​ពី​ពេល​ថ្មីៗ​នេះ ប្រទេស​ចិន​ចាំ​បាច់​ត្រូវ​ចាត់​វិធានការ​សំខាន់ៗ ដើម្បី​ស្តារ​ការ​ដាំ​ក្បាល​ចុះ​នៃ​ទី​ផ្សារ​ហ៊ុន ដែល​បាន​ធ្វើ​ឲ្យ​បាត់​បង់​តម្លៃ​ហ៊ុន​ក្នុង​ទី​ផ្សារ​អស់​ជិត​៣០​ភាគរយ​ក្នុង​រយៈ​ពេល​តែ​ប៉ុន្មាន​សប្តាហ៍​ប៉ុណ្ណោះ៕

XS
SM
MD
LG