ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ច្បាប់​អំពី​ការ​ពរ​ពោះ​ជំនួស​មិន​គួរ​ដាក់ទោស​ស្ត្រី​ស៊ី​ឈ្នួលព​រពោះ​នោះ​ទេ​


ស្រ្តី​ពរពោះ​ជំនួស​ថត​រូប​នៅ​ក្នុង​គេហដ្ឋាន​បណ្តោះ​សន្ន​មួយ។

អ្នកការពារ​សិទ្ធិ​ស្ត្រី​អំពាវនាវ​ឲ្យ​អ្នកធ្វើ​សេចក្តី​ព្រាងច្បាប់​ថ្មី​ស្តី​ពី​ការ​ពរ​ពោះ​ជំនួស​កុំ​កំណត់​ទោស​ស្ត្រី​ដែល​ជា​អ្នក​ស៊ី​ឈ្នួលមុ​ខរ​បរ​នេះ​ទេ​ ​តែ​គួរតែ​ផ្តោត​លើ​ជនល្មើស​និង​ភ្នាក់ងារ​នៃ​ជំនួញ​ពពោះ​ជំនួស​។​ ​

ក្រុម​អ្នកការពារ​សិទ្ធិ​ស្ត្រី​បាន​និយាយ ​កាលពី​ថ្ងៃសុក្រ​ ថា​ ​សេចក្តី​ព្រាងច្បាប់​ថ្មី​ដែល​កំពុង​ធ្វើ​នៅ​ប្រទេស​កម្ពុជា​ស្ដីពី​ការ​ស៊ី​ឈ្នួលព​ពោះ​ជំនួស​នោះ​ មិន​គួរ​ចែង​ឲ្យ​មានការ​ផ្តន្ទា​ទោស​ស្រ្តី​ពពោះ​ឱ្យ​គេ​នោះ​ទេ​ ​បន្ទាប់ពី​ស្ត្រី ១១​ នាក់​ដែល​ត្រូវ​បាន​ឃុំឃាំង​ដោយសារ​យល់ព្រម​ស៊ីឈ្នួល​ពរ​ពោះ​ឲ្យ​គេ ​ត្រូវ​បាន​ដោះលែង​ពី​ពន្ធនាគារ​។​

​ប្រទេស​កម្ពុជា​មានការ​កើនឡើង​នៃ​ការ​ស៊ីឈ្នួល​ពពោះ​ជំនួស​ ​បន្ទាប់ពី​សកម្មភាព​បែបនេះ​ត្រូវ​ហាមឃាត់​នៅក្នុង​ប្រទេស​ថៃ​ នៅ​ឆ្នាំ ២០១៥ ហើយ​ប្រទេស​កម្ពុជា​ចាប់តាំងពី​ពេលនោះ​មក​ ​បាន​ប្រឹងប្រែង​ធ្វើ​សេចក្តី​ព្រាងច្បាប់​ដើម្បី​លុបបំបាត់​ការ​ស៊ីឈ្នួល​ពពោះ​ជំនួស​។​

​អ្នកស្រី​ចក់​ ​សុភាព​ ​នាយិកា​មជ្ឈ​មណ្ឌល​សិ​ទិ្ធ​មនុស្ស​កម្ពុជា​ថ្លែង​ថា​ ​ទន្ទឹម​នឹង​នេះ​អ្នកស៊ីឈ្នួល​ពពោះ​ជំនួស​ត្រូវ​បាន​ចោទប្រកាន់​ក្រោម​ច្បាប់​ជួញដូរ​មនុស្ស​ហើយ​ប្រឈមមុខនឹង​ការ​ជាប់ពន្ធ​នា​គារ​រហូតដល់ ២០ ឆ្នាំ​។​ ​

អ្នកស្រី​បាន​ប្រាប់​ទីភ្នាក់ងារព័ត៌មានReuters​ ​ថា៖ ​«​ប្រសិទ្ធភាព​ច្បាប់​នេះ​គួរតែ​ផ្តោត​លើ​ជនល្មើស ​និង​ភ្នាក់ងារ​នៃ​ជំនួញ​ពពោះ​ជំនួស​ដែល​ភាគច្រើន​ជា​បុរស​ ​មិនមែន​ជា​ស្ត្រី​ដែល​ស៊ីឈ្នួល​ពរ​ពោះ​នោះ​ទេ​។​ ​ស្ថានភាព​ដែល​បង្ខំ​ ឬ​ជំរុញ​ឲ្យ​ស្ត្រី​ទាំងនេះ​ក្លាយ​ខ្លួន​ជា​អ្នក​ស៊ី​ឈ្នួលព​ពោះ​ជំនួស​នោះ ​គឺ​ភាព​ក្រីក្រ​»​។​

​ស្ត្រី​ស៊ី​ ​ឈ្នួលពរ​ ​ពោះ​ជំនួស​គេ​ ​បាន​ ​ប្រាប់​ទីភ្នាក់ងារព័ត៌មាន​ ​Reuters​ ថា​ ​ពួកគេ​ត្រូវបាន​គេ​ផ្តល់​ប្រាក់​ចំនួន ១ ម៉ឺន​ដុល្លារ​ជា​ឈ្នួល​សម្រាប់​ការ​ពរ​ពោះ​ជំនួស​។​ ​ថ្លៃ​ឈ្នួលនេះ​មានកម្រិត ៦ ដង​ ខ្ពស់​ជាង​ប្រាក់ខែ​ទូទៅ​ប្រចាំឆ្នាំ​ជាមធ្យម​ នៅក្នុង​ប្រទេស​នេះ​ ដែល​ប្រជាជន​មួយភាគបី​រស់នៅ​លើ​បន្ទាត់​ភាព​ក្រីក្រ​។​ ​

ក្រុម​អ្នកជំនាញ​ផ្នែក​សិទ្ធិ​ស្ត្រី​បាន​និយាយ​ថា​ ​វិបត្តិ​ក្នុង​គ្រួសារ​ជា​រឿយ​ៗ​នាំឲ្យ​គ្រួសារ​ជាប់បំណុលគេ​ច្រើនហួស​ប្រមាណ​ ​ដែល​អាច​បណ្ដាល​ឱ្យ​ស្ត្រី​វ័យក្មេង​ត្រូវ​បង្ខំចិត្ត​ស៊ីឈ្នួល​ពពោះ​ឲ្យ​គេ​។​

​អ្នកនាំពាក្យ​ក្រសួង​យុត្តិធម៌​បា​នប​ង្វែ​សំណួរ​អំពី​ការ​ធ្វើ​សេចក្តី​ព្រាងច្បាប់​នេះ​ទៅ​ក្រសួងកិច្ចការនារី​ ដែល​មិន​អាច​ទាក់ទង​បាន​។​ ​លោកស្រី​រស់​ ​សុភាព​ ​នាយិកា​អង្គការ​យេនឌ័រ​និង​អភិវឌ្ឍន៍​បាន​ លើកឡើង​ថា​ ​ការ​ពពោះ​ជំនួស​គួរតែ​ត្រូវ​បាន​ហាមឃាត់​នៅ​កម្ពុជា​យ៉ាងហោចណាស់​នៅពេល​នេះ​ ​ពីព្រោះ​មិនទាន់​អាច​ធានា​បាន​នូវ​សុវត្ថិភាព​៕

សេចក្តីរាយការណ៍ពិសេស

  • VOA Khmer Special Report Section

    សេចក្តីរាយការណ៍ពិសេស

XS
SM
MD
LG