ភ្នំពេញ —
គណបក្សសង្គ្រោះជាតិរបស់លោក សម រង្ស៊ី និងលោក កឹម សុខា គ្រោងនឹងរៀបចំកិច្ចប្រជុំដោយឡែកៗពីគ្នាជាមួយសកម្មជនរបស់ខ្លួននៅតាមបណ្តាខេត្តជុំវិញបឹងទន្លេសាបនៅចុងសប្តាហ៍នេះក្រោយពីមានការបង្រ្កាបដោយបង្ហូរឈាមលើក្រុមអ្នកតវ៉ាជាកម្មកររោងចក្រកាត់ដេរ និងការបោសសម្អាតការប្រមូលផ្តុំនៅទីលានប្រជាធិបតេយ្យ។
លោក កឹម សុខា អនុប្រធានគណបក្សបានឲ្យដឹងនៅថ្ងៃពុធនេះថា គណបក្សរបស់លោកនឹងរៀបចំការជួបជុំជាមួយសកម្មជនមូលដ្ឋាននៅក្នុងខេត្តបាត់ដំបង បន្ទាយមានជ័យ និងខេត្តសៀមរាបចាប់ពីថ្ងៃសុក្រ ទី១០ ខែមករា ស្អែកនេះនៅទីស្នាក់ការក្នុងបណ្តាខេត្ត។
«យើងទៅមីទ្ទិញជាមួយសកម្មជនមូលដ្ឋានរបស់យើងនៅភាគខាងលិចដែលលោកមិនបានទទួលព័ត៌មាន។ យើងចាប់ផ្តើមដំបូងថ្ងៃទី១០ នៅខេត្តសៀមរាប ថ្ងៃទី១១ នៅខេត្តបន្ទាយមានជ័យ និងថ្ងៃទី១២ នៅខេត្តបាត់ដំបង។»
លោក កឹម សុខា បញ្ជាក់ថា ព័ត៌មានដែលនឹងត្រូវលើកឡើងក្នុងជំនួបនោះគឺជាព័ត៌មានទាក់ទងនឹងការវិវត្តនៃស្ថានការណ៍នយោបាយចុងក្រោយ។
«ព័ត៌មានអំពីស្ថានភាពនយោបាយបច្ចុប្បន្នជាក់ស្តែងគោលជំហររបស់គណបក្សសង្គ្រោះជាតិទៅមុខនឹងធ្វើអ្វី។»
កិច្ចប្រជុំសេរីរបស់មេដឹកនាំគណបក្សសង្គ្រោះជាតិជាមួយសកម្មជនមូលដ្ឋានរបស់ខ្លួនធ្វើឡើងក្រោយពីការបាញ់សម្លាប់ក្រុមកម្មកររោងចក្រកាត់ដេរនៅលើផ្លូវវ៉េងស្រេង សួនកាណាឌីយ៉ា ក្រុងភ្នំពេញកាលពីថ្ងៃសុក្រសប្តាហ៍មុន។ មនុស្សចំនួនប្រាំនាក់យ៉ាងតិចត្រូវគេរកឃើញថា បានស្លាប់ដោយសារគ្រាប់កាំភ្លើង និងប្រមាណ៤០នាក់ផ្សេងទៀតរងរបួស។
លោកផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីមានប្រសាសន៍ថា រដ្ឋាភិបាលផ្តល់ឱកាសឲ្យមានការជួបជុំ ប៉ុន្តែប្រសិនបើការប្រមូលផ្តុំបែបបាតុកម្មរបស់គណបក្សជំទាស់ដោយគ្មានច្បាប់នោះរដ្ឋាភិបាលនឹងចាត់វិធានការ។
«រដ្ឋាភិបាលធ្វើគ្រប់បែបយ៉ាង គ្រប់មធ្យោបាយដើម្បីរក្សាសណ្តាប់ធ្នាប់ហើយទុកឲ្យអ្វីដែលគេហៅថា បរិយាកាសលទ្ធិប្រជាធិបតេយ្យឆ្លងតាមរយៈនៃដំណើរការតាមស្ថាប័នជាតិនីមួយៗ។ បើសិនជាគ្មានច្បាប់យើងនឹងចាត់វិធានការ»។
ជាមួយគ្នានេះ លោក ចាន់ សូវ៉េត អនុប្រធានផ្នែកស៊ើបអង្កេតរបស់សមាគមការពារសិទ្ធិមនុស្សអាដហុកមានប្រសាសន៍ថា ក្រុមសង្កេតសិទ្ធិមនុស្សនឹងតាមឃ្លាំមើលដំណើរការជួបជុំសកម្មជនរបស់ខ្លួនរបស់គណបក្សជំទាស់នៅតាមខេត្តទាំងបីនេះ។
សូមបញ្ជាក់ថា ក្រោយពីការបង្រ្កាបបាតុកម្មរបស់កម្មកររោងចក្រកាត់ដេរ និងការបណ្តេញបាតុកររបស់គណបក្សសង្គ្រោះជាតិចេញពីទីលានប្រជាធិបតេយ្យ ក្រុមសមត្ថកិច្ចរបស់រដ្ឋាភិបាលបានពង្រឹងការត្រួតពិនិត្យរាល់ការប្រមូលផ្តុំរបស់ក្រុមប្រជាពលរដ្ឋ និងបានឃ្លាំមើលទីលានប្រជាធិបតេយ្យជាប្រចាំ៕
លោក កឹម សុខា អនុប្រធានគណបក្សបានឲ្យដឹងនៅថ្ងៃពុធនេះថា គណបក្សរបស់លោកនឹងរៀបចំការជួបជុំជាមួយសកម្មជនមូលដ្ឋាននៅក្នុងខេត្តបាត់ដំបង បន្ទាយមានជ័យ និងខេត្តសៀមរាបចាប់ពីថ្ងៃសុក្រ ទី១០ ខែមករា ស្អែកនេះនៅទីស្នាក់ការក្នុងបណ្តាខេត្ត។
«យើងទៅមីទ្ទិញជាមួយសកម្មជនមូលដ្ឋានរបស់យើងនៅភាគខាងលិចដែលលោកមិនបានទទួលព័ត៌មាន។ យើងចាប់ផ្តើមដំបូងថ្ងៃទី១០ នៅខេត្តសៀមរាប ថ្ងៃទី១១ នៅខេត្តបន្ទាយមានជ័យ និងថ្ងៃទី១២ នៅខេត្តបាត់ដំបង។»
លោក កឹម សុខា បញ្ជាក់ថា ព័ត៌មានដែលនឹងត្រូវលើកឡើងក្នុងជំនួបនោះគឺជាព័ត៌មានទាក់ទងនឹងការវិវត្តនៃស្ថានការណ៍នយោបាយចុងក្រោយ។
«ព័ត៌មានអំពីស្ថានភាពនយោបាយបច្ចុប្បន្នជាក់ស្តែងគោលជំហររបស់គណបក្សសង្គ្រោះជាតិទៅមុខនឹងធ្វើអ្វី។»
កិច្ចប្រជុំសេរីរបស់មេដឹកនាំគណបក្សសង្គ្រោះជាតិជាមួយសកម្មជនមូលដ្ឋានរបស់ខ្លួនធ្វើឡើងក្រោយពីការបាញ់សម្លាប់ក្រុមកម្មកររោងចក្រកាត់ដេរនៅលើផ្លូវវ៉េងស្រេង សួនកាណាឌីយ៉ា ក្រុងភ្នំពេញកាលពីថ្ងៃសុក្រសប្តាហ៍មុន។ មនុស្សចំនួនប្រាំនាក់យ៉ាងតិចត្រូវគេរកឃើញថា បានស្លាប់ដោយសារគ្រាប់កាំភ្លើង និងប្រមាណ៤០នាក់ផ្សេងទៀតរងរបួស។
លោកផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីមានប្រសាសន៍ថា រដ្ឋាភិបាលផ្តល់ឱកាសឲ្យមានការជួបជុំ ប៉ុន្តែប្រសិនបើការប្រមូលផ្តុំបែបបាតុកម្មរបស់គណបក្សជំទាស់ដោយគ្មានច្បាប់នោះរដ្ឋាភិបាលនឹងចាត់វិធានការ។
«រដ្ឋាភិបាលធ្វើគ្រប់បែបយ៉ាង គ្រប់មធ្យោបាយដើម្បីរក្សាសណ្តាប់ធ្នាប់ហើយទុកឲ្យអ្វីដែលគេហៅថា បរិយាកាសលទ្ធិប្រជាធិបតេយ្យឆ្លងតាមរយៈនៃដំណើរការតាមស្ថាប័នជាតិនីមួយៗ។ បើសិនជាគ្មានច្បាប់យើងនឹងចាត់វិធានការ»។
ជាមួយគ្នានេះ លោក ចាន់ សូវ៉េត អនុប្រធានផ្នែកស៊ើបអង្កេតរបស់សមាគមការពារសិទ្ធិមនុស្សអាដហុកមានប្រសាសន៍ថា ក្រុមសង្កេតសិទ្ធិមនុស្សនឹងតាមឃ្លាំមើលដំណើរការជួបជុំសកម្មជនរបស់ខ្លួនរបស់គណបក្សជំទាស់នៅតាមខេត្តទាំងបីនេះ។
សូមបញ្ជាក់ថា ក្រោយពីការបង្រ្កាបបាតុកម្មរបស់កម្មកររោងចក្រកាត់ដេរ និងការបណ្តេញបាតុកររបស់គណបក្សសង្គ្រោះជាតិចេញពីទីលានប្រជាធិបតេយ្យ ក្រុមសមត្ថកិច្ចរបស់រដ្ឋាភិបាលបានពង្រឹងការត្រួតពិនិត្យរាល់ការប្រមូលផ្តុំរបស់ក្រុមប្រជាពលរដ្ឋ និងបានឃ្លាំមើលទីលានប្រជាធិបតេយ្យជាប្រចាំ៕
