ដោយ៖ ស៊ុយ ហ៊ាមខេមរា
ភ្នំពេញ៖ គណបក្សសម រង្ស៊ី និងគណបក្សសិទ្ធិមនុស្សបានទទូចឲ្យមានការកែទម្រង់រចនាសម្ព័ន្ធគណៈកម្មាធិការជាតិរៀបចំការបោះឆ្នោត(គ.ជ.ប.) ដោយចង់ពិភាក្សាបញ្ហានេះដោយផ្ទាល់តទល់ជាមួយនឹងរដ្ឋមន្ត្រីក្រសួងមហាផ្ទៃ។
ជំហនេះធ្វើឡើងបន្ទាប់ពីលោកស ខេង ឧបនាយករដ្ឋមន្ដ្រីនិងជារដ្ឋមន្ដ្រីក្រសួងមហាផ្ទៃ បានច្រានចោលសំណើរបស់គណបក្សជំទាស់ទាំងពីរកាលពីមួយសប្តាហ៍មុន។
ក្នុងលិខិតកាលពីថ្ងៃទី១៣ ខែកញ្ញា ឆ្នាំ២០១២ ជូនលោកស ខេង លោកគង់ គាំ ប្រធានគណបក្សសម រង្ស៊ីស្តីទី និងលោកកឹម សុខា ប្រធានគណបក្សសិទ្ធិមនុស្សបានទទូចស្នើឲ្យមានជំនួបត្រីភាគីនេះ ដើម្បីពិភាក្សាលើលទ្ធភាពកែប្រែការរៀបចំសមាសភាព គ.ជ.ប. និងគណៈកម្មាធិការជាតិរៀបចំការបោះឆ្នោតគ្រប់លំដាប់ថ្នាក់សម្រាប់ការបោះឆ្នោតជ្រើសតាំងតំណាងរាស្ត្រអាណាត្តិទី៥ដែលគ្រោងធ្វើនៅថ្ងៃទី២៨ ខែកក្កដា ឆ្នាំ២០១៣។
គួរបញ្ជាក់ដែរថា កាលពីថ្ងៃទី៣០ ខែសីហា គណបក្សសម ង្ស៊ី និងគណបក្សសិទ្ធិមនុស្សបានស្នើដល់លោកស ខេង ឲ្យធ្វើការកែទម្រង់ដូចគ្នានេះ ក៏ប៉ុន្តែក្រសួងមហាផ្ទៃបាន
ច្រានចោលសំណើនេះដោយលើកឡើងថា ការរៀបចំរចនាសម្ព័ន្ធណាមួយរបស់គ.ជ.ប.នឹងធ្វើឲ្យ«ប៉ះពាល់ដល់ឯករាជ្យភាព និងអព្យាក្រិត្យភាព»របស់ស្ថាប័នរៀបចំការបោះឆ្នោត។
លោកគង់ គាំ ប្រធានគណបក្សសម រង្ស៊ីស្តីទី បញ្ជាក់ថា សំណើសុំជួបលោក ស ខេងលើកនេះគឺដើម្បីព្យាយាមពន្យល់អំពីជំហរពិតប្រាកដរបស់គណបក្សជំទាស់គឺនិយាយពិភាក្សាគ្នាផ្ទាល់ «ពីមុនយើងស្នើសុំជាលិខិតដើម្បីសុំឲ្យមានការកែប្រែសមភាពគ.ជ.ប. ដោយយើងបានរៀបចំជារូបមន្តមួយចំនួន។ ប៉ុន្តែចម្លើយរបស់គាត់មក ហេតុផលហាក់ដូចជាមិនសូវយល់ពីបំណងរបស់យើង ដូច្នោះយើងទៅពិភាក្សា ជជែកគ្នាផ្ទាល់ និងមានការយល់គ្នាច្បាស់លាស់ជាង»។
ជាមួយនឹងគ្នានេះដែរ លោកកឹម សុខា ប្រធានគណបក្សសិទ្ធិមនុស្សលើកពីហេតុផលដូចគ្នានេះដែរ។
«យើងស្នើគេផ្លាស់ប្តូរអី តែគេអត់ផ្លាស់។ ឥឡូវយើងគ្រាន់តែស្នើសុំជួបទេតើ ដើម្បីជជែក ពន្យល់គេ ថាដូចម្តេចបានយើងចង់ផ្លាស់។ កុំឲ្យគេយល់ច្រឡំ។ ក្រសួងមហាផ្ទៃគេថា គណៈកម្មាធិការរបស់គេហ្នឹងឯករាជ្យ ហើយចង់ថា គេចង់បានឯករាជ្យដែរ ដូច្នោះយើងក៏ចង់បានឯករាជ្យដែរ។ រឿងអ្វីយើងមិនអាចរកកន្លែងរួមគ្នាមួយបាន? យើងត្រូវរកកន្លែងរួមគ្នាមួយឲ្យឃើញ»។
លោកឧត្តមសេនីយ៍ឯកខៀវ សុភ័គ អ្នកនាំពាក្យរបស់ក្រសួងមហាផ្ទៃ ប្រាប់ថាលោកបានទទួលលិខិតស្មើសុំជួបរបស់គណបក្សប្រឆាំងហើយកាលពីថ្ងៃព្រហស្បតិ៍។
«មានអីគ្រាន់តែស្នើសុំជួបគ្នា មានបញ្ហាអី។ ប៉ុន្តែប្រសិនបើមានសំណើដូចកាលមុន អញ្ចឹងយើងបានប្រាប់ទៅគាត់រួចហើយ។ ចង់ជួបដែរ តើគាត់មានអ្វីថ្មី?ការជួបគ្នាមានបញ្ហាអី»។
គណបក្សសម រង្ស៊ីរបស់លោកសម រង្ស៊ី និងគណបក្សសិទ្ធិមនុស្សរបស់លោក កឹម សុខា ថ្មីៗនេះ បានសម្រេចបង្កើតគណបក្សថ្មីមួយរួមគ្នាដែលមានឈ្មោះថា គណបក្សសង្គ្រោះជាតិ គោលដៅគឺដើម្បីប្រមូលកម្លាំងប្រជែងយកជ័យជំនះលើគណបក្សប្រជាជនកម្ពុជាដែលកាន់អំណាចអស់រយៈពេលជាង៣០ឆ្នាំមកហើយ។ ប៉ុន្តែលោកសម រង្ស៊ី និងលោកកឹម សុខា ដែលនឹងត្រូវធ្វើជាប្រធាននិងអនុប្រធានគណបក្សថ្មីនេះ បានអំពាវនាវជាច្រើនលើកច្រើនសារឲ្យមានការកែទម្រង់រចនាសម្ព័ន្ធដឹកនាំគណៈកម្មាធិការជាតិរៀបចំការបោះឆ្នោតដោយសំអាងថា ស្ថាប័ននេះមិនឯករាជ្យ និងទាមទារឲ្យមានការធ្វើវិសោធនកម្មច្បាប់បោះឆ្នោត៕
ភ្នំពេញ៖ គណបក្សសម រង្ស៊ី និងគណបក្សសិទ្ធិមនុស្សបានទទូចឲ្យមានការកែទម្រង់រចនាសម្ព័ន្ធគណៈកម្មាធិការជាតិរៀបចំការបោះឆ្នោត(គ.ជ.ប.) ដោយចង់ពិភាក្សាបញ្ហានេះដោយផ្ទាល់តទល់ជាមួយនឹងរដ្ឋមន្ត្រីក្រសួងមហាផ្ទៃ។
ជំហនេះធ្វើឡើងបន្ទាប់ពីលោកស ខេង ឧបនាយករដ្ឋមន្ដ្រីនិងជារដ្ឋមន្ដ្រីក្រសួងមហាផ្ទៃ បានច្រានចោលសំណើរបស់គណបក្សជំទាស់ទាំងពីរកាលពីមួយសប្តាហ៍មុន។
ក្នុងលិខិតកាលពីថ្ងៃទី១៣ ខែកញ្ញា ឆ្នាំ២០១២ ជូនលោកស ខេង លោកគង់ គាំ ប្រធានគណបក្សសម រង្ស៊ីស្តីទី និងលោកកឹម សុខា ប្រធានគណបក្សសិទ្ធិមនុស្សបានទទូចស្នើឲ្យមានជំនួបត្រីភាគីនេះ ដើម្បីពិភាក្សាលើលទ្ធភាពកែប្រែការរៀបចំសមាសភាព គ.ជ.ប. និងគណៈកម្មាធិការជាតិរៀបចំការបោះឆ្នោតគ្រប់លំដាប់ថ្នាក់សម្រាប់ការបោះឆ្នោតជ្រើសតាំងតំណាងរាស្ត្រអាណាត្តិទី៥ដែលគ្រោងធ្វើនៅថ្ងៃទី២៨ ខែកក្កដា ឆ្នាំ២០១៣។
គួរបញ្ជាក់ដែរថា កាលពីថ្ងៃទី៣០ ខែសីហា គណបក្សសម ង្ស៊ី និងគណបក្សសិទ្ធិមនុស្សបានស្នើដល់លោកស ខេង ឲ្យធ្វើការកែទម្រង់ដូចគ្នានេះ ក៏ប៉ុន្តែក្រសួងមហាផ្ទៃបាន
ច្រានចោលសំណើនេះដោយលើកឡើងថា ការរៀបចំរចនាសម្ព័ន្ធណាមួយរបស់គ.ជ.ប.នឹងធ្វើឲ្យ«ប៉ះពាល់ដល់ឯករាជ្យភាព និងអព្យាក្រិត្យភាព»របស់ស្ថាប័នរៀបចំការបោះឆ្នោត។
លោកគង់ គាំ ប្រធានគណបក្សសម រង្ស៊ីស្តីទី បញ្ជាក់ថា សំណើសុំជួបលោក ស ខេងលើកនេះគឺដើម្បីព្យាយាមពន្យល់អំពីជំហរពិតប្រាកដរបស់គណបក្សជំទាស់គឺនិយាយពិភាក្សាគ្នាផ្ទាល់ «ពីមុនយើងស្នើសុំជាលិខិតដើម្បីសុំឲ្យមានការកែប្រែសមភាពគ.ជ.ប. ដោយយើងបានរៀបចំជារូបមន្តមួយចំនួន។ ប៉ុន្តែចម្លើយរបស់គាត់មក ហេតុផលហាក់ដូចជាមិនសូវយល់ពីបំណងរបស់យើង ដូច្នោះយើងទៅពិភាក្សា ជជែកគ្នាផ្ទាល់ និងមានការយល់គ្នាច្បាស់លាស់ជាង»។
ជាមួយនឹងគ្នានេះដែរ លោកកឹម សុខា ប្រធានគណបក្សសិទ្ធិមនុស្សលើកពីហេតុផលដូចគ្នានេះដែរ។
«យើងស្នើគេផ្លាស់ប្តូរអី តែគេអត់ផ្លាស់។ ឥឡូវយើងគ្រាន់តែស្នើសុំជួបទេតើ ដើម្បីជជែក ពន្យល់គេ ថាដូចម្តេចបានយើងចង់ផ្លាស់។ កុំឲ្យគេយល់ច្រឡំ។ ក្រសួងមហាផ្ទៃគេថា គណៈកម្មាធិការរបស់គេហ្នឹងឯករាជ្យ ហើយចង់ថា គេចង់បានឯករាជ្យដែរ ដូច្នោះយើងក៏ចង់បានឯករាជ្យដែរ។ រឿងអ្វីយើងមិនអាចរកកន្លែងរួមគ្នាមួយបាន? យើងត្រូវរកកន្លែងរួមគ្នាមួយឲ្យឃើញ»។
លោកឧត្តមសេនីយ៍ឯកខៀវ សុភ័គ អ្នកនាំពាក្យរបស់ក្រសួងមហាផ្ទៃ ប្រាប់ថាលោកបានទទួលលិខិតស្មើសុំជួបរបស់គណបក្សប្រឆាំងហើយកាលពីថ្ងៃព្រហស្បតិ៍។
«មានអីគ្រាន់តែស្នើសុំជួបគ្នា មានបញ្ហាអី។ ប៉ុន្តែប្រសិនបើមានសំណើដូចកាលមុន អញ្ចឹងយើងបានប្រាប់ទៅគាត់រួចហើយ។ ចង់ជួបដែរ តើគាត់មានអ្វីថ្មី?ការជួបគ្នាមានបញ្ហាអី»។
គណបក្សសម រង្ស៊ីរបស់លោកសម រង្ស៊ី និងគណបក្សសិទ្ធិមនុស្សរបស់លោក កឹម សុខា ថ្មីៗនេះ បានសម្រេចបង្កើតគណបក្សថ្មីមួយរួមគ្នាដែលមានឈ្មោះថា គណបក្សសង្គ្រោះជាតិ គោលដៅគឺដើម្បីប្រមូលកម្លាំងប្រជែងយកជ័យជំនះលើគណបក្សប្រជាជនកម្ពុជាដែលកាន់អំណាចអស់រយៈពេលជាង៣០ឆ្នាំមកហើយ។ ប៉ុន្តែលោកសម រង្ស៊ី និងលោកកឹម សុខា ដែលនឹងត្រូវធ្វើជាប្រធាននិងអនុប្រធានគណបក្សថ្មីនេះ បានអំពាវនាវជាច្រើនលើកច្រើនសារឲ្យមានការកែទម្រង់រចនាសម្ព័ន្ធដឹកនាំគណៈកម្មាធិការជាតិរៀបចំការបោះឆ្នោតដោយសំអាងថា ស្ថាប័ននេះមិនឯករាជ្យ និងទាមទារឲ្យមានការធ្វើវិសោធនកម្មច្បាប់បោះឆ្នោត៕
