ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

រដ្ឋាភិបាល​កម្ពុជា​នឹង​ប្រារព្ធខួប​២០ឆ្នាំ​នៃការ​បញ្ចប់​សង្រ្គាម​ស៊ីវិល


រូបឯកសារ៖ នាយក​រដ្ឋ​មន្រ្តី​កម្ពុជា​ លោក ហ៊ុន សែន ស្ថិត​ក្នុង​រថយន្ត​ចេញ​ដំណើរ​ទៅកាន់​ព្រះបរមរាជវាំង​ ​នៅ​ក្នុង​ការ​ប្រារព្ធ​ពិធី​បុណ្យឯករាជ្យ​ជាតិ​លើក​ទី​៦៥ នៅ​វិមាន​ឯករាជ​កាលពី​ព្រឹក​ថ្ងៃទី​០៩ វិច្ឆិកា២០១៨។(ទុំ ម្លិះ/VOA)

ពិធី​ដែល​គេ​ប្រសិទ្ធិ​នាម​ថា ​នយោបាយ​«ឈ្នះឈ្នះ»​គឺ​ជា​ការកត់​សម្គាល់​ទីបញ្ចប់​នៃ​សង្គ្រាម។​​រដ្ឋាភិបាល​ក៏នឹង​សម្ពោធ​វិមាន​អនុស្សាវរីយ៍​មួយ​ដែល​រដ្ឋាភិបាល​និយាយ​ថា​ នឹង «ប្រាប់​ជំនាន់​ក្រោយ​នូវ​ប្រវត្តិពិត​ប្រាកដ​របស់​ប្រទេស​កម្ពុជា»។ ​

នៅថ្ងៃ​សៅរ៍​នេះ ​រដ្ឋាភិបាល​កម្ពុជា​នឹង​ចាប់ផ្តើម​រៀបចំ​ពិធី​បី​ថ្ងៃ​ ដើម្បី​ប្រារព្ធ​ខួប​២០​ឆ្នាំ​នៃការ​បញ្ចប់​សង្រ្គាម​ស៊ីវិល។ ​ពិធីនេះ​រៀប​ចំឡើង​ដើម្បី​កំណត់​ថា នៅ​ទីបំផុត​ ​ជម្លោះ​ដ៏យូរ​អង្វែង​ ​បាន​បញ្ចប់។​

មនុស្ស​រាប់ពាន់​នាក់ត្រូវគេរំពឹង​ថា នឹង​ប្រមូល​ផ្តុំគ្នា​នៅ​ជ្រោយ​ចង្វារ​ដែល​នៅចន្លោះ​ទន្លេ​មេគង្គ​និង​ទន្លេសាបនៅត្រើយ​ម្ខាង​នៃ​រាជធានី​ដែល​បែងចែក​ដោយ​ទន្លេសាប។

ពិធី​ដែល​គេ​ប្រសិទ្ធិ​នាម​ថា ​នយោបាយ​«ឈ្នះឈ្នះ»​គឺ​ជា​ការកត់​សម្គាល់​ទីបញ្ចប់​នៃ​សង្គ្រាម។រដ្ឋាភិបាល​ក៏នឹង​សម្ពោធ​វិមាន​អនុស្សាវរីយ៍​មួយ​ដែល​រដ្ឋាភិបាល​និយាយ​ថា​ នឹង «ប្រាប់​ជំនាន់​ក្រោយ​នូវ​ប្រវត្តិពិត​ប្រាកដ​របស់​ប្រទេស​កម្ពុជា»។ ​

តាមទស្សន​រដ្ឋាភិបាល​ ​កាលពី​ថ្ងៃទី​២៩ ​ខែធ្នូ​ឆ្នាំ១៩៩៨​ ​សង្រ្គាម​រយៈពេល​៣០​ឆ្នាំ​នៅ​ប្រទេស​កម្ពុជា​បាន​បញ្ចប់ ​នៅពេល​ដែល​មេ​ដឹកនាំ​ខ្មែរក្រហម​រស់រាន​មាន​ជីវិតគឺ​នួនជា​និងខៀវសំផន​បាន​ចុះចូល​ជាផ្លូវ​ការ​ជាមួយ​លោកនាយក​រដ្ឋមន្ត្រី​ហ៊ុនសែន​នៅផ្ទះ​របស់​លោក​នៅ​ជាយ​ក្រុង​ភ្នំពេញ។​

ថ្មីៗនេះ​ លោក​នាយក​រដ្ឋមន្រ្តីហ៊ុនសែន​បាន​និយាយ​ថា៖ «គោលនយោបាយ​ឈ្នះឈ្នះ​អាចឱ្យ​ប្រទេស​កម្ពុជា​ទទួល​បាន​សន្តិភាព​និង​ឯកភាព​ទឹកដី​ហើយវា​បាននាំ​មកនូវ​ការ​អភិវឌ្ឍ​សេដ្ឋកិច្ច​សង្គម​និង​ការ​កាត់​បន្ថយ​ភាព​ក្រីក្រ ​ជាពិសេស ​ប្រជាជន​កម្ពុជា​លែង​ស្លាប់​ក្នុង​សង្គ្រាម​ដូច​កាលពី​មុនទៀត»។

កិច្ចព្រមព្រៀង​សន្តិភាព​ទីក្រុង​ប៉ារីស​ខែតុលា​ឆ្នាំ១៩៩១​បាន​បញ្ចប់​សង្គ្រាម​នៅ​ប្រទេស​កម្ពុជា​ជាផ្លូវការ៕​

សេចក្តីរាយការណ៍ពិសេស

  • VOA Khmer Special Report Section

    សេចក្តីរាយការណ៍ពិសេស

XS
SM
MD
LG