ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្ពុជាអំពាវនាវស្វែងរកគ្រូពេទ្យស្ម័គ្រចិត្ត ខណៈករណីឆ្លងវីរុសកូរ៉ូណាកំពុងកើនឡើង


មន្ត្រីសុខាភិបាលប្រចាំនាយកដ្ឋានប្រយុទ្ធនឹងជំងឺឆ្លង CDC បំពាក់ដោយសម្លៀកបំពាក់ត្រឹមត្រូវតាមក្បួនខ្នាតសុខាភិបាល ពេលបំពេញការពារពាក់ព័ន្ធនឹងមេរោគកូរ៉ូណាវីរុស ឬកូវីដ-១៩ នៅរាជធានីភ្នំពេញ។ (រូបថតដោយនាយកដ្ឋានប្រយុទ្ធនឹងជំងឺឆ្លង CDC)

នៅរាត្រីថ្ងៃច័ន្ទនេះ ក្រសួងសុខាភិបាលកម្ពុជា​បាន​ប្រកាស​ស្វែងរក​គ្រូពេទ្យ និងអ្នក​ជំនាញ​វេជ្ជវិទ្យា​ស្ម័គ្រ​ចិត្ត​ ដើម្បី​ចូលរួម​បំពេញ​កិច្ចការ​ចាំបាច់​នានា​ក្នុងការ​ទប់ស្កាត់​ការ​ឆ្លង​រាលដាល​នៃ​វីរុស​កូរ៉ូណា​ ឬកូវីដ​១៩ នៅក្នុងប្រទេស។​ នេះ​បើ​យោង​តាម​សេចក្តី​ប្រកាសព័ត៌មាន​ថ្មី​មួយ​របស់​ក្រសួង

ការ​អំពាវនាវ​នេះ​ធ្វើឡើង បន្ទាប់​ពី​រដ្ឋាភិបាល​កម្ពុជា​បាន​សម្រេច​ប្រកាស​បិទ​សាលារៀន និងគ្រឹះស្ថាន​អប់រំ​ទូទាំង​ប្រទេស ខណៈ​ករណី​ឆ្លង​វីរុស​ក្នុងប្រទេស​បាន​កើន​ដល់ ១២ករណី ក្នុងនោះ​រួមមាន​ជនជាតិ​ខ្មែរ​យ៉ាង​តិច៣នាក់។

នៅក្នុង​សេចក្តី​ប្រកាស​ព័ត៌មាន​ចុងក្រោយ​នោះ ក្រសួង​សុខាភិបាល​បាន​ឲ្យដឹង​ថា ដោយសារ​មាន​ការ​ស្នើសុំ​ធ្វើតេស្ត​រក​វីរុស​កូរ៉ូណា​កាន់តែ​កើន​ឡើង ក្រសួង​បាន​ពង្រីក​គម្រោង​ព្យាបាល និង​ធ្វើ​តេស្ត​របស់​ខ្លួន​មួយ​កន្លែង​ទៀត នៅ​អតីត​មណ្ឌល​សុខភាព​ចាក់​អង្រែ ក្នុង​សង្កាត់​ចាក់អង្រែក្រោម ខណ្ឌ​មានជ័យ រាជធានីភ្នំពេញ ដែល​មាន​ចំណុះ​គ្រែ​ចំនួន ១០០ បន្ថែម​ទៀត។

មកទល់ពេលនេះ កម្ពុជា​បាន​បង្កើត​ និង​ចាត់​យក​កន្លែង​ថែទាំ និង​ព្យាបាល​អ្នក​ជំងឺ​កូវីដ ១៩ នៅ​មន្ទីរ​ពេទ្យ​ទូទាំង​ខេត្ត​ចំនួន ២៤ រួមមាន​មន្ទីរពេទ្យ​មិត្តភាព​ខ្មែរ​-សូវៀត មន្ទីរពេទ្យ​កុមារ​ជាតិ មន្ទីរពេទ្យ​គន្ធបុប្ផា​ភ្នំពេញ និង​មន្ទីរពេទ្យ​ជ័យវរ្ម័នទី៧សៀមរាប។

គិតត្រឹម​ថ្ងៃ​ច័ន្ទ​នេះ នៅទូទាំង​សកលលោក ករណីឆ្លង​វីរុស​កូរ៉ណា​បានកើន​លើស ១៧ម៉ឺន ៥ពាន់ករណី ក្នុងប្រទេស​ជាង ១២០ ខណៈករណី​ស្លាប់​បាន​កើន​លើស ៦.៧០០​ករណី៕

តួលេខនៃករណីឆ្លងជំងឺកូវីដ១៩

XS
SM
MD
LG