ភ្ជាប់​ទៅ​គេហទំព័រ​ទាក់ទង

ប៉ូលិស​​អង់គ្លេស​ឆែកឆេរ​ផ្ទះ​និង​ជម្លៀស​មនុស្ស​ចេញ​ពី​តំបន់​នៅ​ខាង​ក្រៅ​ទីក្រុង​ឡុងដ៍


ក្រុម​ទាហាន​បាន​ចាក់​សោរ​របង​នៅ​ Horse Guards ក្រោយ​ពេល​មាន​ការ​វាយ​ប្រហារ​កាល​ពី​ថ្ងៃ​សុក្រ​នៅ​ស្ថានីយ​រថ​ភ្លើង​ Parsons Green។

ប៉ូលិស​ចក្រភព​អង់គ្លេស​ប្រដាប់​ដោយ​កាំ​ភ្លើង​បាន​ឆែក​ឆេរផ្ទះ​មួយ​កន្លែង​នៅ​ខាង​ក្រៅ​ទីក្រុង​ឡុងដ៍​ ហើយ​បាន​ជម្លៀស​មនុស្ស​នៅ​តំបន់​ជុំវិញ​នោះ​ដែល​ជា​ការ​ប្រុង​ប្រយ័ត្ន​ជាមុន​បន្ទាប់​ពី​ការ​ចាប់​ខ្លួន​មនុស្ស​កាល​ពី​ពេល​ព្រឹក​ដែល​ជាប់​ពាក់​ព័ន្ធ​ការ​វាយ​ប្រហារ​គ្រាប់​បែក​នៅ​ម៉ោង​មមាញឹក​នៅ​លើ​រទេះ​ភ្លើង​រត់​ក្រោម​ដី។

ការឆែក​ឆេរ​និង​ការ​ជម្លៀស​មនុស្ស​បាន​កើត​មាន​ឡើង​នៅ​ក្នុង​ទីក្រុង​ Sunbury ​ដែល​ស្ថិត​នៅ​ភាគ​និរតី​ជាយ​ក្រុង​ឡុងដ៍។

ពួក​អាជ្ញាធរ​បាន​និយាយ​ថា ​បុរស​អាយុ​១៨​ឆ្នាំ​ម្នាក់​បាន​ត្រូវ​ចាប់​ខ្លួន​នៅ​ក្នុងតំបន់​កំពង់​ផែ​ Dover ​ដែល​ជា​កំពង់​ផែ​សាឡាង​ដ៏​សំខាន់​មួយ​សម្រាប់​ការ​ធ្វើ​ដំណើរ​រវាង​ប្រទេស​អង់គ្លេស​និង​បារាំង។

កាល​ពី​ព្រឹកថ្ងៃ​សៅរ៍ ​ពួក​អាជ្ញាធរ​ដឹក​ជញ្ជូន​ក្រុង​ឡុងដ៍​បាន​និយាយ​ថា ​ពួក​គេ​បាន​បើក​ស្ថានីយ​រទេះ​ភ្លើង​ក្រោមដី ​Parsons Green​ ឡើង​វិញ​ដែល​នៅ​ទី​នោះ​គ្រាប់​បែក​បាន​ត្រូវគេ​ចុច​បំផ្ទុះនៅ​លើ​រទេះ​ភ្លើង។

រូបភាព​របស់​គ្រាប់​បែក​នោះ​បាន​ត្រូវ​គេ​ចុះ​ផ្សាយ​នៅ​លើ​បណ្តាញ​ព័ត៌មាន​សង្គម​ដែល​បង្ហាញ​ធុង​មួយ​ដែល​បាន​ត្រូវគេ​ដាក់​នៅ​ខាង​ក្នុង​ស្បោង​ផ្លាស្ទិកនៅ​ជិតទ្វារ​ទូរ​រទេះ​ភ្លើង។

លោក​ស្រី​នាយក​រដ្ឋ​មន្រ្តី​ចក្រភព​អង់គ្លេស​ Theresa May ​បាន​មាន​ប្រសាសន៍​បន្ទាប់​ពី​ការ​វាយ​ប្រហារ​ថា​ មជ្ឈមណ្ឌល​វិភាគ​ការ​វាយ​ប្រហារ​ភេរវកម្ម​រួម​គ្នា​របស់​អង់​គ្លេ​ស​បាន​សម្រេច​បង្កើន​កម្រិត​នៃ​ការ​គំរាម​កំហែង​ដល់​កម្រិត​ធ្ងន់​ធ្ង ​មាន​ន័យ​ថា ​ការ​វាយ​ប្រហារ​បន្ថែម​ទៀត​អាច​មាន​កាន់​តែ​ខ្លាំង​ឡើង។

លោក ​Cressida Dick ​ស្នងការ​ប៉ូលិស​ក្រុង​ឡុងដ៍​បាន​ប្រាប់​ពួក​អ្នកយក​ព័ត៌មាន​កាល​ពី​ថ្ងៃ​សៅរ៍​ថា ​កម្រិត​នៃ​ការ​គំរាម​កំហែងត្រូវ​បាន​ផ្លាស់​ប្តូរ៕

XS
SM
MD
LG