ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ព្រះមហាក្សត្រ Charles ទី​៣ របស់​ចក្រភព​អង់គ្លេស ត្រូវ​បាន​ធ្វើ​រោគវិនិច្ឆ័យ​ថា មាន​ជំងឺ​មហារីក


រូបឯកសារ៖ ព្រះមហាក្សត្រ Charles ទី​៣ របស់ចក្រភពអង់គ្លេស ធ្វើដំណើរទៅកាន់ព្រះវិហារគ្រិស្តសាសនា Westminster Abbey មុនពេលពិធីឡើងគ្រងរាជ្យ នៅទីក្រុងឡុងដ៍ ថ្ងៃសៅរ៍ ទី៦ ឧសភា ឆ្នាំ២០២៣។
រូបឯកសារ៖ ព្រះមហាក្សត្រ Charles ទី​៣ របស់ចក្រភពអង់គ្លេស ធ្វើដំណើរទៅកាន់ព្រះវិហារគ្រិស្តសាសនា Westminster Abbey មុនពេលពិធីឡើងគ្រងរាជ្យ នៅទីក្រុងឡុងដ៍ ថ្ងៃសៅរ៍ ទី៦ ឧសភា ឆ្នាំ២០២៣។

ព្រះបរមរាជវាំង Buckingham បាន​និយាយ​នៅ​ក្នុង​សេចក្តី​ថ្លែងការណ៍​មួយ កាលពីថ្ងៃចន្ទ ទី៥ ខែកុម្ភៈ ថា ព្រះមហាក្សត្រ Charles ទី​៣ របស់ចក្រភពអង់គ្លេស ត្រូវ​បាន​គេ​ធ្វើ​រោគវិនិច្ឆ័យ​ថា មាន​ជំងឺមហារីក​មួយ​ប្រភេទ ហើយ​ទ្រង់​នឹង​ពន្យារ​ពេល​បំពេញ​មុខងារ​សាធារណៈ។

ព្រះបរមរាជវាំង​បាន​និយាយ​ថា មហាក្សត្រ Charles ព្រះជន្ម ៧៥វស្សា ដែល​បាន​ឡើង​សោយរាជ្យ​នៅ​ខែកញ្ញា ឆ្នាំ២០២២ បន្ទាប់​ពី​ការសោយទីវង្គត​របស់​ព្រះមាតារបស់​ទ្រង់​គឺ ព្រះ​មហាក្សត្រិយានី Elizabeth ​ទី​២ មាន​អារម្មណ៍ «វិជ្ជមានទាំងស្រុង» អំពី​ការព្យាបាល​របស់​ទ្រង់ ហើយ​ទន្ទឹង​រង់ចាំ​វិលត្រឡប់​មក​បំពេញ កាតព្វកិច្ច​សាធារណៈ​ឱ្យ​បានឆាប់​តាម​ដែល​អាច​ធ្វើ​ទៅបាន។

ព្រះ​មហាក្សត្រ Charles បាន​ចំណាយ​ពេល​បីយប់​នៅ​ក្នុង​មន្ទីរពេទ្យ​កាល​ពី​ខែមុន ជា​កន្លែង​ដែល​ទ្រង់​បាន​ធ្វើការវះ​កាត់កែ​រោគ​ក្រពេញ​ប្រូស្តាត​រីកធំ។ ព្រះរាជវាំង​បាន​និយាយថា បញ្ហា​ដែល​គួរ​ឲ្យ​បារម្ភ​ដាច់​ដោយ​ឡែក​មួយ​ទៀត ត្រូវ​បាន​ប្រទះ​ឃើញ​ក្នុង​អំឡុង​ពេល​ទៅ​មន្ទីរពេទ្យ​នោះ ប៉ុន្តែ​មិន​បាន​ផ្តល់ព័ត៌មាន​លម្អិត​ណា​មួយបន្ថែម​ទៀត​អំពី​លក្ខណៈ​នៃ​ជំងឺ​មហារីក​នោះ​ទេ។

ប្រភព​រាជវង្ស​បាន​និយាយ​ថា វា​មិន​មែន​ជា​មហារីក​ក្រពេញ​ប្រូស្តាតនោះ​ទេ៕

វេទិកា​បញ្ចេញ​មតិ

វីដេអូថ្មីៗបំផុត

XS
SM
MD
LG