ភ្ជាប់​ទៅ​គេហទំព័រ​ទាក់ទង

ការ​វាយប្រយុទ្ធ​គ្នា​ដណ្តើម​យក​ក្រុង​ Tikrit ឈាន​ចូល​សប្តាហ៍​ទី​ពីរ​


ផ្សែង​ផុស​ចេញ​ឡើង​នៅ​ស្រប​ពេល​ដែល​យោធា​អ៊ីរ៉ាក់​ ធ្វើ​ការ​វាយប្រយុទ្ធ​គ្នា​ជាមួយ​ក្រុម​រដ្ឋ​អ៊ីស្លាម​នៅ​ខាង​ក្រៅ​ក្រុង​ Tikrit នា​ថ្ងៃ​ទី​០៤​ ខែមីនា​។

ក្នុងរយៈពេល​មួយ​អាទិត្យ​នៃយុទ្ធនាការ​នៅ​លើ​ដី​ដើម្បី​វាយ​យកក្រុង Tikrit មក​វិញ​ កងកម្លាំង​រដ្ឋាភិបាល​អ៊ីរ៉ាក់ និង​ពួក​ជីវពល Shi'ite ដែល​ជា​សម្ព័ន្ធមិត្ត​បន្ត​ប៉ះ​ទង្គិច​គ្នា​ជាមួយក្រុម​ជន​សកម្មប្រយុទ្ធ​រដ្ឋ​អ៊ីស្លាម​ នៅជាយ​ក្រុង​នេះ​នៅ​ក្នុង​ការ​ប៉ុនប៉ង​មួយ​ដើម្បី​វាយ​យក​ដែនដី​នោះ​មក​វិញ។​

ក្រុម​ចម្រុះ​នេះ​កំពុង​ប្រយុទ្ធ​ដើម្បី​វាយ​យក​ក្រុង​ al-Dour​ និង​ក្រុង​ Albu Ajil មក​វិញ​ដែល​នៅទី​នោះ​ក្រុម​អ្នកបាញ់ត្រង់​របស់​ក្រុម​រដ្ឋអ៊ីស្លាម​ បានបង្អាក់​កិច្ច​ខិត​ខំ​ប្រឹងប្រែង​ដើម្បី​បណ្តេញ​ក្រុម​ឧទ្ទាម​ជ្រុល​និយម​ចេញ​ពី​ក្រុង​ទាំង​នោះ​។​

ក្រុម​ទាហាន​រាប់​ពាន់​នាក់​បាន​បើក​ការ​វាយ​លុក​ធំបំផុត​របស់រដ្ឋាភិបាលអ៊ីរ៉ាក់​ប្រឆាំង​នឹង​ក្រុម​រដ្ឋ​អ៊ីស្លាម កាលពី​ថ្ងៃ​អាទិត្យ​មុន​ដើម្បី​វាយ​យក​ក្រុង​ Tikrit មក​វិញ​។ក្រុង​នេះ​ជា​សំបុកយុទ្ធសាស្ត្រ​មួយ​ឋិត​នៅ​ចន្លោះ​ក្រុងបាកដាដ​ ត្រួតត្រា​ដោយ​រដ្ឋាភិបាល​នៅ​ខាង​ត្បូង​និង​ក្រុង​ Mosul កាន់កាប់​ដោយ​ក្រុម​រដ្ឋ​អ៊ីស្លាមនៅ​ខាង​ជើង​។​

កង​កម្លាំង​រដ្ឋាភិបាល​អ៊ីរ៉ាក់​ ដោយ​មាន​ជំនួយ​ខាង​កលយុទ្ធ​ពី​ប្រទេស​អ៊ីរ៉ង់​ កំពុង​ធ្វើ​កិច្ច​ប្រតិបត្តិការ​នេះ​ដោយ​គ្មាន​អន្តរាគមន៍​ពី​ក្រុម​ចម្រុះ​ដឹកនាំ​ដោយ​ស.រ.អា.​ទេ ​តែ​មាន​ការ​បន្ត​ការទម្លាក់​គ្រាប់បែក​ដោយ​ក្រុម​ចម្រុះ​លើ​ទីដៅ​ក្រុម​រដ្ឋ​អ៊ីស្លាម​ នៅ​ក្នុង​ប្រទេស​អ៊ីរ៉ាក់​ និង​ប្រទេស​ស៊ីរី៕

XS
SM
MD
LG