ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ប៉ូលិស​អូស្រ្តាលី ឬប​អូស​យក​ភស្តុតាង​ទាក់​ទិន​នឹង​ប្រភព​នៃការឆ្លង​វីរុស​កូរ៉ូណា​ដ៏ធំបំផុត​នៅ​ក្នុង​ប្រទេស


អ្នក​ស៊ើបអង្កេត​ស្លៀក​ឈុតការពារ​រៀបចំ​ចុះ​ឡើង​កប៉ាល់ Ruby Princess ក្នុង​ទីក្រុង​ Wollongong ប្រទេស​អូស្ត្រាលី។
អ្នក​ស៊ើបអង្កេត​ស្លៀក​ឈុតការពារ​រៀបចំ​ចុះ​ឡើង​កប៉ាល់ Ruby Princess ក្នុង​ទីក្រុង​ Wollongong ប្រទេស​អូស្ត្រាលី។

ប៉ូលិស​ក្នុង​ប្រទេស​អូស្រ្តាលី បានយក​របស់​របរ​ចេញ​ពី​កប៉ាល់​ដឹក​មនុស្ស កម្សាន្ត​ដែល​បាន​ទៅ​ដល់​ទីក្រុង​ស៊ីដនី​កាល​ពី​ខែ​មុន​ដែល​បាន​ដឹក​អ្នក​ដំណើរ​រាប់រយ​នាក់​ដែល​បាន​ឆ្លង​វីរុស​កូរ៉ូណា។

អ្នក​ស៊ើប​អង្កេត​ដែល​ពាក់​ប្រដាប់​ការពារ​ពី​ក្បាល​រហូត​ដល់​ចុង​ជើង​បាន​ឡើង​លើ​កប៉ាល់​កម្សាន្ត Ruby Princess កាល​ពីយប់​ថ្ងៃ​ពុធ​នៅឯកំពង់​ផែ Kembla ហើយ​បាន​ដក​ហូត​យក​«ប្រអប់ខ្មៅ» របស់​កប៉ាល់​នោះ​ដែល​ថត​ពីការ​ធ្វើ​ដំណើរ​របស់​កប៉ាល់​នោះ​ដែល​ស្រដៀង​គ្នា​ទៅ​នឹង​ប្រអប់​ខ្មៅ​របស់​យន្តហោះ​ដឹក​អ្នក​ដំណើរ​ដែរ​។​អាជ្ញាធរ​ក៏បាន​សាក​សួរ​សមាជិក​នាវិក​១ពាន់​៤០​នាក់​របស់​កប៉ាល់​នោះ​ដែល​បាន​ស្ថិត​នៅលើ​នោះ​ចាប់​តាំង​ពីវា​បាន​ចត​កាល​ពី​ថ្ងៃ​ទី​១៩ ខែ​មីនា មក។

អ្នក​ដំណើរ​ប្រហែល​១៥នាក់​នៃ​អ្នក​ដំណើរ​ដែល​បាន​ឆ្លង​វីរុសកូរ៉ូណា​នោះ​រាប់រយ​នាក់​ដែល​បាន​ចាកចេញ​ពី​កប៉ាល់​នោះ​ដោយ​មិនមាន​ការ​ពិនិត្យ​សុខភាព​បាន​ស្លាប់​ដោយ​បាន​ធ្វើ​ឲ្យ​មាន​ការឆ្លង​ជំងឺ​កូវីដ១៩​សរុប​ទាំងអស់​នៅ​ក្នុង​ប្រ ទេស​អូស្រ្តាលី​ឡើង​ដល់​ទៅ​៦ពាន់​នាក់​និង​មាន​អ្នក​ស្លាប់​៥១​នាក់។កប៉ាល់​ដឹកអ្នកដំណើរ​កម្សាន្ត​នេះ ត្រូវគេ​រំពឹង​ថា នឹង​ស្ថិត​នៅកំ​ពង់​ផែ Kembla រយៈពេល​១០ថ្ងៃ ខណៈ​ដែល​ពួកនាវិក កំពុងព្យាបាលជំងឺនោះ។

លោក Greg Hunt រដ្ឋមន្រ្តី​ក្រសួង​សុខាភិបាល​អូស្រ្តាលី បានប្រកាស​ការឆ្លងវីរុស​កូរ៉ូណាថ្មី​៩៦​ករណី​កាលពីថ្ងៃ​ព្រហស្បតិ៍ម្សិលមិញ ដែល​ជាចំនួន​ទាប​បំផុត​នៃ​ការឆ្លងថ្មី​នៅ​ក្នុងរយៈ​ពេលជា​៣សប្តាហ៍​នេះ៕

XS
SM
MD
LG