អាជ្ញាធរនៅក្នុងប្រទេសមីយ៉ាន់ម៉ា បានដាក់ពាក្យចោទប្រកាន់ប្រឆាំងនឹងអ្នកស្រី Aung San Suu Kyi ដែលកំពុងជាប់ឃុំ ពីបទរំលោភលើច្បាប់អាហរ័ណនីហរ័ណ។
អ្នកនាំពាក្យគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់អ្នកស្រី Suu Kyi បានបញ្ជាក់នៅលើទំព័រ Facebook ផ្លូវការរបស់ខ្លួននៅថ្ងៃពុធនេះថា អ្នកស្រី Suu Kyi ត្រូវបានបញ្ជាឲ្យជាប់ឃុំរយៈពេល ២ សប្ដាហ៍។
អ្នកស្រី Suu Kyi រួមទាំងលោកប្រធានាធិបតី Win Myint ផងដែរ ត្រូវបានឃុំខ្លួនកាលពីថ្ងៃចន្ទ បន្ទាប់ពីយោធាបានធ្វើរដ្ឋប្រហារ។
គណបក្ស NLD បានបញ្ជាក់នៅក្នុងសេចក្ដីប្រកាសមួយនៅថ្ងៃពុធនេះថា អាជ្ញាធរបានវាយឆ្មក់ចូលការិយាល័យនានារបស់ខ្លួននៅតាមតំបន់ជាច្រើននៅទូទាំងប្រទេស៕
