ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

សមាជិក​គ្រួសារ​អាមេរិកយ៉ាង​តិច​ណាស់ ៩​នាក់​ត្រូវបានសម្លាប់​នៅក្នុងការ​ស្ទាក់​វាយប្រហារ​នៅម៉ិចស៊ិក


ប៉ូលិសល្បាតព្រំដែននៅរដ្ឋ Chihuahua ប្រទេស​ម៉ិចស៊ិក កាលពីថ្ងៃអង្គារ ទី០៥ ខែវិច្ឆិកា ឆ្នាំ២០១៩។

សមាជិក​មួយ​ចំនួន​នៃ​គ្រួសារ​នេះបានថ្លែង​ថាការ​វាយ​ប្រហារ​នេះ​បានកើត​មានឡើង​នៅពេល​ដែល​ពួក​សមាជិក​នៃគ្រូសារ​នេះ​ធ្វើដំណើរ​ក្នុង​ឡាន​ពីរគ្រឿង​តាមផ្លូវ​គ្មាន​ចាក់​កៅ​ស៊ូមួយ​នៅ​ចន្លោះ​រដ្ឋព្រំដែន Chihuahua និង​ Sonora។

រដ្ឋមន្ត្រី​ក្រសួង​សន្តិសុខ​នៃ​ប្រទេសម៉ិចស៊ិកបាន​និយាយ​ថា មាន​សមាជិក​គ្រួសារ​សហរដ្ឋអាមេរិកយ៉ាង​តិច​ណាស់ ៩​នាក់​ បានត្រូវសម្លាប់​នៅក្នុងការ​ស្ទាក់​វាយប្រហារ​មួយ​ក្នុង​ផ្នែក​ខាង​ជើង​នៃ​ប្រទេសម៉ិចស៊ិក។

បើ​តាម​លោក​រដ្ឋមន្ត្រី​សន្តិសុខម៉ិចស៊ិក Alfonso Durazo និង​ញាតិសន្តាន​ឈ្មោះ​ Alex និង Julian LeBaron ថា ​ពួក​ជន​រង​គ្រោះ​ទាំង​នេះ​ជា​សមាជិក​នៃគ្រួសារ LeBaron ដែល​ជា​ពលរដ្ឋ​សហរដ្ឋអាមេរិក ដែល​បានបង្កើត​សហគមន៍​គ្រឹស្តសាសនា​និកាយ​ Mormon ​ជា​ច្រើន​ទសវត្សរ៍​មក​ហើយ​នៅ​ក្នុង​តំបន់ព្រំដែននោះ។

សមាជិក​មួយ​ចំនួន​នៃ​គ្រួសារ​នេះបានថ្លែង​ថាការ​វាយ​ប្រហារ​នេះ​បានកើត​មានឡើង​នៅពេល​ដែល​ពួក​សមាជិក​នៃគ្រូសារ​នេះ​ធ្វើដំណើរ​ក្នុង​ឡាន​ពីរគ្រឿង​តាមផ្លូវ​គ្មាន​ចាក់​កៅ​ស៊ូមួយ​នៅ​ចន្លោះ​រដ្ឋព្រំដែន Chihuahua និង​ Sonora។

លោក Durazo បាន​បញ្ជាក់​ថា​ ពួក​សមាជិកគ្រួសារ​នេះ​បានធ្វើដំណើរ​ក្នុង​ក្បួនរថយន្ត​មួយ ​ហើយ​លោក​បានថ្លែង​ដែរ​ថា​ពួក​សមាជិក​គ្រួសារ​នេះ​អាច​មាន​ការ​ច្រឡំ​បល់​ជាមួយ​អង្គការ​ឧក្រិដ្ឋដែល​ប្រយុទ្ធគ្នាដើម្បី​ត្រួតត្រា​តំបន់នោះ។

លោក​ Durazo ក៏​បាននិយាយ​ដែរ​ថា ​ពួកប៉ូលិសនិងពួក​ទាហានកំពុង​ស្វែង​រក​កុមារ​ម្នាក់​ដែល​បាត់​ខ្លួន។

ការ​សម្លាប់ពួកជន​ទាំង​នេះ​ជាការ​វាយ​ប្រហារថ្មីៗ​បំផុតក្នុងបណ្តា​ការ​វាយប្រហារមួយចំនួន​កាលពី​ពេលថ្មីៗនេះ​នៅ​ក្នុងប្រទេសម៉ិចស៊ិក ដែលបានធ្វើឱ្យ​ប្រទេស​នេះ​ស៊ាំ​និង​អំពើ​ហិង្សាមានការ​ទង្គុក​ចិត្ត។​

លោកប្រធានាធិបតី​អាមេរិក Donald Trump បាន​ចាប់​ផ្តើម​ដាក់​គំនាបសង្កត់​ជា​បន្ទាន់​លើ​ប្រធានាធិបតី​ម៉ិចស៊ិក Andres Manuel Lopez ឱ្យ​បង្ក្រាបក្រុមជួញ​ដូរ​គ្រឿងញៀន​មានអាវុធ។​

លោក Trump បាន tweet ថា​ «ប្រសិន​បើ​ប្រទេសម៉ិចស៊ិក ត្រូវការ​ ឬ​សុំជំនួយ​ដើម្បីកម្ចាត់​ពួក​មនុស្សអាក្រក់​ទាំងនេះ​ សហរដ្ឋអាមេរិកប្រុងប្រៀប​រួច​ស្រេច​ហើយ​ដើម្បីធ្វើការ​នេះ​ឱ្យបានឆាប់រហ័ស​និងដោយមាន​ប្រសិទ្ធភាព​ផង​ដែរ»៕

XS
SM
MD
LG