ភ្ជាប់​ទៅ​គេហទំព័រ​ទាក់ទង

ជប៉ុន​កំពុង​ជជែក​ដេញ​ដោល​លើ​សេចក្តី​ព្រាង​ច្បាប់​ការពារ​ប្រទេស


Japan's Prime Minister Shinzo Abe, center, speaks to reporters at his official residence in Tokyo, July 17, 2015.

រដ្ឋាភិបាល​ជប៉ុន ​កំពុង​ធ្វើឲ្យ​មាន​ការ​វិវត្ត​ទៅ​មុខ​នូវ​សេចក្តី​ព្រាង​ច្បាប់​សន្តិសុខ​ដ៏​ចម្រូង​ចម្រាស​មួយ ដែល​នឹង​អនុញ្ញាត​ឲ្យ​កងទ័ព​ប្រយុទ្ធ​នៅ​បរទេស​ជា​លើក​ទី​មួយ​ចាប់​តាំង​ពី​សង្គ្រាម​លោក​លើក​ទី​២​មក។

លោក​នាយករដ្ឋ​មន្រ្តី Shinzo Abe ​និង​ក្រុម​អ្នកគាំទ្រ​លោក​និយាយ​ថា ​ជប៉ុន​ត្រូវ​តែ​បង្កើនទំហំ​ និង​កម្លាំង​យោ​ធា​របស់​ខ្លួន​ ដើម្បី​ទប់​ទល់​ការ​គម្រាម​កំហែងដ៏​ខ្លាំង​ពី​ប្រទេស​នានា​ដូចជា ​ប្រទេស​ចិន​ និង​កូរ៉េខាង​ជើង​ដែល​កំពុង​បង្កើន​សមត្ថភាព​ខាង​យោ​ធា​ និង​នុយក្លេអ៊ែរ​បស់​ខ្លួន។

លោក​នាយក​រដ្ឋមន្រ្តី Abeបាន​និយាយ​អំពី​វិធានការ​សន្តិសុខ​ថ្មី​ថា «ស្ថានភាព​សន្តិសុខ​ជុំវិញ​ប្រទេស​ជប៉ុន ​កំពុង​ក្លាយ​ជាការ​ប្រឈម​កាន់​តែ​ខ្លាំង​ឡើង។ ដោយ​សារ​បញ្ហានេះ ​វា​ជា​សេចក្តី​ព្រាង​ច្បាប់ដ៏​សំខាន់​ ដើម្បី​ការពារ​អាយុ​ជីវិត​របស់​ជន​ជាតិ​ជប៉ុន​ និង​ការពារ​ប្រទេស​ឲ្យ​ចេញ​ផុត​ពី​សង្គ្រាម‍»។

ឯកសារ​ថ្មី​របស់​ក្រសួងការ​ពារ​ប្រទេស​ជប៉ុន ​ដែល​មានចំណង​ជើង​ថា «វិស័យ​ការពារ​ប្រទេស​របស់​ជប៉ុន​ឆ្នាំ​២០១៥‍» បាន​សង្កត់​ពី​ការ​បង្ក​ហេតុ​របស់​ចិន​ និង​ការ​ខំ​ប្រឹងប្រែង​ដើម្បី​ទាម​ទារ​យក​ដែន​សមុទ្រ​ ដែល​មាន​ជម្លោះ​ក្នុង​តំបន់​សមុទ្រចិន​ខាង​កើត ដែល​រួម​មាន​ការ​ស្ថាបនា​កន្លែងបូម​ឧស្ម័ននៅ​ក្នុង​សមុទ្រ‍»។

របាយការណ៍​នោះ ​បាន​ថ្លែង​ថា«ប្រទេស​ចិន ​ជាពិសេស​ពាក់ព័ន្ធជម្លោះអំពី​បញ្ហា​ផ្លូវ​នាវាចរណ៍ ​បាន​បន្តធ្វើ​សកម្មភាពគឃ្លើន​ ​ដែល​រួម​មាន​ការ​ប៉ុនប៉ងធ្វើ​ការ​ផ្លាស់​ប្តូរ​ស្ថានការណ៍​ដោយ​ការ​បង្ខំ ​ហើយ​បាន​ប្រុងប្រៀប​ធ្វើ​ការ​ទាមទារ​លក្ខណៈ​ឯកតោ​ភាគីដោយ​គ្មាន​ការ​សម្រប​សម្រួល‍»។

ចិន​ និង​កូរ៉េខាង​ត្បូង​បាន​រិះគន់​សេចក្តី​ព្រាង​ច្បាប់​សន្តិសុខថ្មី​របស់​ជប៉ុន។ លោកស្រី Hua Chunying អ្នកនាំ​ពាក្យ​ក្រសួង​ការបរទេស​ចិន ​បាន​ជំរុញ​ឲ្យ​ជប៉ុន​ប្រកាន់​គោល​នយោបាយ​អភិវឌ្ឍន៍​ប្រកប​ដោយ​សន្តិវិធី‍៕

XS
SM
MD
LG