ការចាប់រឹបអូសថ្នាំញៀនប្រភេទមេតំហ្វេតាមីន (Methamphetamine) នៅទូទាំងតំបន់អាស៊ីអាគ្នេយ៍និងអាស៊ីខាងកើតបានឡើងដល់កម្រិតខ្ពស់មួយទៀតក្នុងឆ្នាំ២០២១ដែលនេះជាភ័ស្តុតាងនៃកម្រិតកើនឡើងខ្ពស់និងការប្រើថ្នាំញៀនរបស់ក្រុមជនអន្ធពាលដែលបានកើនឡើង បន្ទាប់ពីរយៈពេលមួយទសវត្សរ៍នៃការកើនឡើងជាលំដាប់នៃបញ្ហាថ្នាំញៀននេះដែលនឹងបន្តទៅមុខទៀតនោះ។ នេះបើយោងទៅលើរបាយការណ៍ថ្មីមួយរបស់អង្គការសហប្រជាជាតិ។
ក្នុងរបាយការណ៍ថ្មីមួយដែលត្រូវបានចេញផ្សាយនៅថ្ងៃចន្ទនេះនៅក្នុងទីក្រុងបាងកកប្រទេសថៃ ការិយាល័យអង្គការសហប្រជាជាតិប្រឆាំងបទឧក្រិដ្ឋនិងគ្រឿងញៀនបាននិយាយថា ការរឹបអូសថ្នាំញៀនមេតំហ្វេតាមីន មានចំនួនរហូតដល់១ពាន់លានគ្រាប់ជាលើកទី១កាលពីឆ្នាំ២០២១ ដែលចំនួននេះកើនឡើងជិត៨ដងនៃចំនួនរឹបអូសបានសរុបកាលពីមួយទសវត្សរ៍កន្លងទៅ។
លោក Jeremy Douglas តំណាងការិយាល័យអង្គការសហប្រជាជាតិប្រឆាំងបទក្រិដ្ឋនិងគ្រឿងញៀនសម្រាប់តំបន់អាស៊ីអាគ្នេយ៍និងប៉ាស៊ីហ្វិកបានប្រាប់វីអូអេថា៖ «វាជារឿងត្រឹមត្រូវ ដែលនិយាយថា តំបន់នេះកំពុងព្យាយាមតស៊ូយ៉ាងខ្លាំង ក្នុងការដោះស្រាយនូវបញ្ហាថ្នាំញៀនមេតំហ្វេតាមីន និងប្រភេទថ្នាំញៀនផ្សេងៗទៀតផងដែរនោះ»។
លោកបន្ថែមទៀតថា៖ «គេត្រូវធ្វើការផ្លាស់ប្តូរនូវគោលនយោបាយដ៏ធំមួយនិងធ្វើឱ្យមានតុល្យភាព ប្រសិនបើតំបន់នេះ ចង់ដើរឱ្យដល់ចំណុចមួយក្នុងការគ្រប់គ្រងបញ្ហាថ្នាំញៀននេះ ឬធ្វើឱ្យមានភាពប្រសើរឡើងជុំវិញរឿងនេះនោះ៕
របាយការណ៍អ.ស.ប.ថា ២០២១ជាឆ្នាំនៃកំណត់ត្រាឡើងខ្ពស់ជាថ្មីទៀត នៃការរឹបអូសថ្នាំញៀនមេតំហ្វេតាមីននៅអាស៊ីអាគ្នេយ៍
បាងកក —
