បុគ្គលិកក្រសួងការពារប្រទេសសហរដ្ឋអាមេរិក ៣ នាក់ ត្រូវបានសម្លាប់ នៅពេលដែលក្រុមជ្រុលនិយម Al-Shabab វាយប្រហារលើមូលដ្ឋានយោធាសំខាន់មួយកន្លែង ដែលប្រើដោយកងកម្លាំងប្រឆាំងភេរវកម្មរបស់សហរដ្ឋអាមេរិកនៅក្នុងប្រទេសកេនយ៉ា មុនពេលថ្ងៃរះកាលពីថ្ងៃអាទិត្យម្សិលមិញ។
យោធាបានឲ្យដឹងថា ការវាយប្រហារលើវាយយន្តហោះ Manda Bay នេះ គឺជាការវាយប្រហារលើកដំបូងបង្អស់របស់ក្រុមដែលមានទំនាក់ទំនងជាមួយនឹងពួក al-Qaida ប្រឆាំងនឹងកងកម្លាំងសហរដ្ឋអាមេរិកនៅក្នុងប្រទេសកេនយ៉ា។ ក្រុមនេះក៏បានបំផ្លាញយន្តហោះ និងរថយន្តសហរដ្ឋអាមេរិកមួយចំនួនផងដែរ មុនពេលចាកចេញទៅវិញ។
អ្នកនាំពាក្យយោធាកេនយ៉ាបានបញ្ជាក់នៅក្នុងសេចក្ដីប្រកាសមួយថា អ្នកវាយប្រហារ ៥ នាក់ ត្រូវបានសម្លាប់។
ក្រុមសកម្មប្រយុទ្ធ Al-Shabab របស់ប្រទេសសូម៉ាលីបានអះអាងទទួលខុសត្រូវនៅក្នុងការវាយប្រហារនេះ៕
