បញ្ហាអន្តោប្រវេសន៍ជា ការផ្តោតយកចិត្តទុកដាក់ដ៏សំខាន់មួយនៅយប់ថ្ងៃច័ន្ទ នៅពេលដែលពួកគណបក្សសាធារណរដ្ឋសង្ឃឹមនឹងក្លាយជាប្រធានាធិបតីសហរដ្ឋអាមេរិកបន្ទាប់ ដែលបានចូលរួមក្នុងវេទិកា មុនពេលការជជែកដេញដោលផ្លូវការលើកទីមួយរបស់គណបក្ស។
បេក្ខជនប្រកួតប្រជែង១៤នាក់នៃបេក្ខជនប្រកួតប្រជែង១៧នាក់បានស្ថិតនៅក្នុងរដ្ឋ New Hampshire ដើម្បីចូលរួមពិធីផ្សាយបន្តផ្ទាល់ ដែលមានរយៈពេល២ម៉ោងតាម បណ្តាញទូរទស្សន៍ខ្សែកាប ដែលបានបង្ហាញពីដំណើរការរបស់សភា និងបណ្តាញទូរទស្សន៍ក្នុងស្រុកនៅក្នុងរដ្ឋលើកដំបូង ដើម្បីបោះឆ្នោតលើដំណើរការជ្រើសតាំងនៅដើមឆ្នាំក្រោយ។
មហាសេដ្ឋីDonald Trump ដែលជាអ្នកនាំមុខគេនៅក្នុងការស្ទង់មតិជាតិ បានបដិសេធពុំចូលរួម ក៏ដូចជាអតីតអភិបាលរដ្ឋ Arkansas លោក Mike Huckabee ផងដែរ។
យោងតាមច្បាប់របស់គណបក្សគឺថា បេក្ខជនប្រកួតប្រជែងផ្សេងៗទៀត បានដាក់វេនគ្នានិយាយក្នុងកិច្ចសម្ភាសន៍ជាលក្ខណៈបុគ្គលក្នុងទម្រង់ខុសៗគ្នាចេញពីការពិភាក្សាក្នុងទីក្រុង Clevelandរដ្ឋ Ohioនៅថ្ងៃព្រហស្បតិ៍ ដែលនឹងអនុញ្ញាតឲ្យបេក្ខជនឆ្លើយទៅបេក្ខជនម្នាក់ទៀត។ ពិធីនេះនឹងកំណត់បេក្ខជនកំពូល១០នាក់នៅក្នុងការបោះឆ្នោតជាតិ ។
បេក្ខជនប្រកួតប្រជែងទាំងនោះផ្តោតលើការរិះគន់របស់គណបក្សប្រជាធិបតេយ្យ ជាពិសេសគឺ លោកស្រី Hillary Clinton បេក្ខជននាំមុខខាងគណបក្សប្រជាធិបតេយ្យ ខណៈដែលពួកគេបានសម្តែងនូវសេចក្តីត្រូវការផ្តោតលើការការពារព្រំដែនថា ជាសមាសភាពនៃគោលនយោបាយអន្តោប្រវេសន៍៕
